‘ಹೆಚ್ಚಿನ ಸೋಂಕಿತರು ದೈಹಿಕ ಚಟುವಟಿಕೆಗಳಿಂದ ದೂರ; ಸೋಮಾರಿಗಳಲ್ಲಿ ಕೊರೊನಾ ತಗುಲುವ ಸಾಧ್ಯತೆ ಹೆಚ್ಚು’

ಕೊರೊನಾ ಸೋಂಕು ತಡೆಯಲು ಖಂಡಿತವಾಗಿಯೂ ಸಾಮಾಜಿಕ ಅಂತರ ಪಾಲಿಸಿ, ಮಾಸ್ಕ್ ಧರಿಸಬೇಕು. ಆದರೆ ಇವೆಲ್ಲದರ ಜತೆಗೆ ದೈಹಿಕ ಚಟುವಟಿಕೆಯನ್ನು ಹೆಚ್ಚಿಸಬೇಕು. ಆಲಸ್ಯ ಮತ್ತು ಸೋಮಾರಿತನಗಳಿಂದ ಹೊರಬರಬೇಕು. ಜಡಭರತರಂತೆ ಕಾಲ ಕಳೆಯಬಾರದು.

‘ಹೆಚ್ಚಿನ ಸೋಂಕಿತರು ದೈಹಿಕ ಚಟುವಟಿಕೆಗಳಿಂದ ದೂರ; ಸೋಮಾರಿಗಳಲ್ಲಿ ಕೊರೊನಾ ತಗುಲುವ ಸಾಧ್ಯತೆ ಹೆಚ್ಚು’
ಹೆಚ್ಚಿನ ಸೋಂಕಿತರು ದೈಹಿಕ ಚಟುವಟಿಕೆಗಳಿಂದ ದೂರ; ಸೋಮಾರಿಗಳಲ್ಲಿ ಕೊರೊನಾ ತಗುಲುವ ಸಾಧ್ಯತೆ ಹೆಚ್ಚು: ಅಧ್ಯಯನ ವರದಿ

ದೈಹಿಕವಾಗಿ ಹೆಚ್ಚು ಚಟುವಟಿಕೆಯಿಂದ ಕೂಡಿಲ್ಲದೇ ಇದ್ದರೆ ಕೊರೊನೊ ಸೋಂಕು ಹಬ್ಬುವ ಸಾಧ್ಯತೆ ಹೆಚ್ಚಿದೆ ಎಂದು ಅಧ್ಯಯನಗಳು ಬಹಿರಂಗಪಡಿಸಿವೆ. ಅದರಲ್ಲೂ ಮುಖ್ಯವಾಗಿ ನಮ್ಮ ದಿನನಿತ್ಯದ ಜೀವನಶೈಲಿ ಚಟುವಟಿಕೆಗಳಿಂದ ಕೂಡಿರದೇ, ಆಲಸ್ಯ ಮತ್ತು ಸೋಮಾರಿನದಿಂದಲೇ ಇದ್ದರೆ ಅಂತಹವರಿಗೆ ಕೊರೊನಾ ಸೋಂಕು ತಗುಲುವ ಸಾಧ್ಯತೆ ಇತರರಿಗಿಂತ ಹೆಚ್ಚು ಎಂದು ಅಮೆರಿಕಾ ಕ್ಯಾಲಿಫೋರ್ನಿಯಾ ಸ್ಯಾನ್ ಡಿಯಾಗೋ ವಿಶ್ವವಿದ್ಯಾಲಯದ ತಜ್ಞರನ್ನು ಒಳಗೊಂಡ ಸಂಶೋಧಕರ ತಂಡದ ಅಧ್ಯಯನದಲ್ಲಿ ಬಯಲಾಗಿದೆ. ಅಮೆರಿಕಾದಲ್ಲಿ ಕೊರೊನಾ ಸೋಂಕಿಗೆ ಒಳಗಾದವರರ ಜೀವನಶೈಲಿಯನ್ನು ಈ ತಂಡ ಅಧ್ಯಯನಕ್ಕೆ ಒಳಪಡಿಸಿದೆ. ಅಮೆರಿಕದಲ್ಲಿ ಕೊರೊನಾ ಸೊಂಕಿಗೆ ತುತ್ತಾದ ಬಹುತೇಕರು ಶ್ರಮಜೀವನ ನಡೆಸುತ್ತಿದ್ದವರಲ್ಲ ಎಂಬ ಸತ್ಯ ಈ ಮೂಲಕ ಹೊರಬಿದ್ದಂತಾಗಿದೆ. ಈ ಸಂಶೋಧನೆಯ ವರದಿಯು ಬ್ರಿಟಿಷ್ ಜರ್ನಲ್ ಆಫ್ ಸ್ಪೋರ್ಟ್ಸ್​ ಎಂಬ ಪ್ರಖ್ಯಾತ ಮ್ಯಾಗಜೀನ್​ನಲ್ಲಿ ಪ್ರಕಟವಾಗಿದೆ.

ಜೀವನ ಶೈಲಿ ಎಂಬುದು ಯಾವುದೇ ಒಂದು ರೋಗ ಅಥವಾ ಸೋಂಕು ನಮ್ಮನ್ನು ತಗುಲದಂತೆ ಕಾಪಾಡುವ ಬಹುಮುಖ್ಯ ಅಂಶ. ಧೂಮಪಾನ. ಮದ್ಯಪಾನ ಮಧುಮೇಹ, ಅತಿ ಒತ್ತಡ ಮುಂತಾದ ಅಂಶಗಳು ಕೊರೊನಾ ಸೋಂಕನ್ನು ನಮಗೆ ತಗುಲಿಸುವ ಅಂಶಗಳಾಗಿ ಕೆಲಸ ಮಾಡಬಲ್ಲವು. ಯಾರು ಈ ಅಭ್ಯಾಸಗಳಿಂದ ದೂರವಿರುತ್ತಾರೋ ಅವರಿಗೆ ಕೊರೊನಾ ಸೋಂಕು ಹರಡುವ ಸಾಧ್ಯತೆಯೂ ಸಹಜವಾಗಿ ಕಡಿಮೆ. ಅಲ್ಲದೇ ತಗುಲಿದರೂ ಸಹ, ಉಂಟಾಗುವ ಪ್ರಭಾವಗಳು ಕಡಿಮೆಯಾಗಿರುತ್ತವೆ. ಈ ಎಲ್ಲ ಅಂಶಗಳ ಜತೆ ಆಲಸ್ಯ ಮತ್ತು ಸೋಮಾರಿತನಭರಿತ ಜೀವನ ಶೈಲಿಯು ನಮ್ಮನ್ನು ಕೊವಿಡ್ ಸೋಂಕಿಗೆ ಅತಿ ಹತ್ತಿರ ಕರೆದೊಯ್ಯಬಹುದು ಎಂಬುದು ತಿಳಿದುಬಂದಿದೆ.

ಸೋಮಾರಿಗಳಿಗೆ ಕೊರೊನಾ ತಗುಲುವ ಸಾಧ್ಯತೆ ಹೆಚ್ಚು ಆಲಸ್ಯಭರಿತ ಜೀವಶೈಲಿಯು ಕೇವಲ ಕೊವಿಡ್ 19 ಒಂದೇ ಅಲ್ಲದೇ, ಇತರ ಕೆಲವು ಖಾಯಿಲೆಗಳಿಗೂ ದಾರಿ ಮಾಡಿಕೊಡಬಲ್ಲದು. ಅಮೆರಿಕದಲ್ಲಿ ಕೊರೊನಾ ಸೋಂಕು ತಗುಲಿ ಆಸ್ಪತ್ರೆಗೆ ದಾಖಲಾದವರು ಬಹುತೇಕರು ಹೆಚ್ಚು ವ್ಯಾಯಾಮದಂತಹ ಚಟುವಟಿ ಮಾಡುತ್ತಿರಲಿಲ್ಲ. ಹೆಚ್ಚಿನವರು ಒಂದು ವಾರಕ್ಕೆ ಕೇವಲ ಎರಡೂವರೆ ಗಂಟೆಗಳಷ್ಟೇ ವ್ಯಾಯಾಮದಂತಹ ಚಟುವಟಿಕೆಗಳನ್ನು ನಡೆಸುತ್ತಿದ್ದರು ಎಂದು ಈ ವರದಿ ಹೇಳಿದೆ. ಅಲ್ಲದೇ, ಅಂತಹ ಸೋಂಕಿತರನ್ನು ಇತರರಿಗಿಂತ ಶೇ 73ರಷ್ಟು ಹೆಚ್ಚು ಪಾಲು ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ನೀಡುವ ಅವಶ್ಯಕತೆ ಎದುರಾಗಿತ್ತು. ಅಲ್ಲದೇ ಅಂತವರ ಮರಣದ ಪ್ರಮಾಣವೂ ಇತರರಗಿಂತ ಶೇ 2.5ರಷ್ಟು ಹೆಚ್ಚಿದೆ ಎಂದು ವರದಿ ತಿಳಿಸುತ್ತದೆ.

ಕೊರೊನಾ ಸೋಂಕು ತಡೆಯಲು ಖಂಡಿತವಾಗಿಯೂ ಸಾಮಾಜಿಕ ಅಂತರ ಪಾಲಿಸಿ, ಮಾಸ್ಕ್ ಧರಿಸಬೇಕು. ಆದರೆ ಇವೆಲ್ಲದರ ಜತೆಗೆ ದೈಹಿಕ ಚಟುವಟಿಕೆಯನ್ನು ಹೆಚ್ಚಿಸಬೇಕು. ಆಲಸ್ಯ ಮತ್ತು ಸೋಮಾರಿತನಗಳಿಂದ ಹೊರಬರಬೇಕು. ಜಡಭರತರಂತೆ ಕಾಲ ಕಳೆಯಬಾರದು. ನಿರಂತರವಾಗಿ ವ್ಯಾಯಾಮ ಯೋಗಾಭ್ಯಾಸಗಳಂತಹ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳಬೇಕು ಎಂದು ಹೇಳಲಾಗಿದೆ. ಕೊರೊನಾ ಇಲ್ಲದಿದ್ದರೂ ಇಂತಹ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳುವುದು ನಮ್ಮ ಆರೋಗ್ಯಕ್ಕೆ ಉತ್ತಮವೇ ತಾನೇ? ಮತ್ತೇಕೆ ತಡ!

ಇದನ್ನೂ ಓದಿ: ಇಂಥ ಲಕ್ಷಣಗಳಿದ್ದರೆ ಕೊರೊನಾ ಬಂದಿರುವ ಸಾಧ್ಯತೆಯಿದೆ, ಒಮ್ಮೆ ಟೆಸ್ಟ್ ಮಾಡಿಸಿ

Covid India Update: ಭಾರತದಲ್ಲಿ ಒಂದೇ ದಿನ 1027 ಮಂದಿ ಸಾವು; 1.84 ಲಕ್ಷ ಹೊಸ ಕೊವಿಡ್ ಪ್ರಕರಣ ಪತ್ತೆ

(Physically inactive people suffer from Covid 19 says research)

Published On - 7:52 am, Thu, 15 April 21

Click on your DTH Provider to Add TV9 Kannada