ಮದುವೆ ಸಾಲ; ಬೇಕಾ, ಬೇಡವಾ?

ಭಾರತದಲ್ಲಿ ಮದುವೆ ಮಾಡಿ ನೋಡು, ಮನೆ ಕಟ್ಟಿ ನೋಡು ಎನ್ನುವ ಗಾದೆ ಮಾತಿದೆ. ಮದುವೆ ಎಂಬುದು ವಿಪರೀತ ವೆಚ್ಚ ಬೇಡುವ ಕಾರ್ಯ. ಬಡವರೂ ಕೂಡ ಲಕ್ಷಗಟ್ಟಲೆ ಹಣ ಖರ್ಚು ಮಾಡುತ್ತಾರೆ.

ಇವತ್ತಿನ ಬಹಳಷ್ಟು ಯುವಜನರು ತಮ್ಮ ಮದುವೆಗೆ ತಾವೇ ಹಣ ಹೊಂದಿಸಿಕೊಳ್ಳುತ್ತಾರೆ. ಐದಾರು ವರ್ಷದ ದುಡಿಮೆಯ ಹಣವನ್ನು ಮದುವೆಗೆ ಖರ್ಚು ಮಾಡುತ್ತಾರೆ.

ಒಡವೆ ಇಟ್ಟು ಕಡಿಮೆ ಬಡ್ಡಿಗೆ ಸಾಲ ಪಡೆಯಬಹುದು. ಮದುವೆಗೆ ಒಡವೆ ಬೇಕೇಬೇಕು. ಹೀಗಾಗಿ ಮದುವೆಗೆ ದುಡ್ಡು ಸಾಲದಾದರೆ ಪರ್ಸನಲ್ ಲೋನ್ ಪಡೆಯುವುದು ಅನಿವಾರ್ಯ.

ಪರ್ಸನಲ್ ಲೋನ್ ಸಾಮಾನ್ಯವಾಗಿ ಶೇ. 12ರಿಂದ 18ರಷ್ಟು ಬಡ್ಡಿದರ ಹೊಂದಿರುತ್ತದೆ. ಮದುವೆಗೆ ಇಷ್ಟು ಹೆಚ್ಚಿನ ಬಡ್ಡಿಯ ಸಾಲ ಮಾಡುವುದು ಎಷ್ಟು ಸಮಂಜಸ?

ನಂಟರಿಷ್ಟರು, ಸ್ನೇಹಿತರ ಸಮ್ಮುಖದಲ್ಲಿ ಮದುವೆ ಆಗಬೇಕೆಂಬ ಆಸೆ ಎಲ್ಲರಿಗೂ ಇರುತ್ತದೆ. ಆದರೆ ಮದುವೆಯನ್ನು ಸಾಧ್ಯವಾದಷ್ಟೂ ಸರಳವಾಗಿ ಮಾಡಲು ಯತ್ನಿಸಿ.