ಆನ್​ಲೈನ್ ವಂಚಕರ ಪತ್ತೆ ಹೇಗೆ?

ವಂಚಕರು ಕರೆ ಮಾಡಿದಾಗ ವಿವಿಧ ರೀತಿಯಲ್ಲಿ ಒತ್ತಡ ಹಾಕುತ್ತಾರೆ. ಹಣಕ್ಕಾಗಿ ಬೆದಕರಿಕೆ ಹಾಕಬಹುದು. ಇಂಥ ಒತ್ತಡಗಳಿಗೆ ಬಲಿಯಾಗಬೇಡಿ. ಕರೆಗೆ ಸ್ಪಂದಿಸದೆಯೇ ಕಟ್ ಮಾಡಿ.

ಯಾವುದಾದರೂ ಕಾರಣ ಹೇಳಿ ಗಿಫ್ಟ್, ಹ್ಯಾಂಪರ್ಸ್, ವೋಚರ್ಸ್ ಇತ್ಯಾದಿ ಅಸ್ವಾಭಾವಿಕ ವಿಧಾನಗಳಿಂದ ಹಣ ಪಾವತಿಗೆ ಕೇಳಬಹುದು. ಹೀಗಿದ್ದಾಗ ಜಾಗ್ರತೆಯಿಂದಿರಿ. ಯಾವುದೇ ವಹಿವಾಟು ಮಾಡಬೇಡಿ.

ಕರೆ ಮಾಡಿದಾತ ತಾನು ಇಂಥ ಸಂಸ್ಥೆಗೆ ಸೇರಿದವನೆಂದು ಹೇಳಿ ಸಂಪರ್ಕಿಸಲು ನಂಬರ್ ಕೊಡಬಹುದು. ಆದರೆ, ಆ ಸಂಸ್ಥೆಯ ಅಧಿಕೃತ ಕಸ್ಟಮರ್ ಕೇರ್​ಗೆ ಕರೆ ಮಾಡಿ ವಿಚಾರಿಸಿ ನೋಡಿ.

ವಂಚಕರು ಇಮೇಲ್ ಅಥವಾ ಟೆಕ್ಸ್ಟ್ ಮೆಸೇಜ್ ಮೂಲಕ ನಿಮ್ಮನ್ನು ಸೆಳೆಯಲು ಯತ್ನಿಸುತ್ತಾರೆ. ನೀವು ಆ ಸಂದೇಶಗಳಿಗೆ ಸ್ಪಂದಿಸಿದರೆ ಸುಲಿಗೆಗೆ ತೊಡಗುವ ಅಪಾಯ ಹೆಚ್ಚಿರುತ್ತದೆ.