ಇನ್ಷೂರೆನ್ಸ್ ಲ್ಯಾಪ್ಸ್ ಆದರೆ ಏನು ಮಾಡಬೇಕು?

ಬೇರೆ ಬೇರೆ ಕಾರಣಗಳಿಗೆ ಇನ್ಷೂರೆನ್ಸ್ ಪಾಲಿಸಿ ಅಸಿಂಧುಗೊಳ್ಳಬಹುದು. ಸರಿಯಾದ ಕಾಲಕ್ಕೆ ಪ್ರೀಮಿಯಮ್ ಕಟ್ಟದೇ ಹೋದರೆ ದಂಡ ವಿಧಿಸಲಾಗುತ್ತದೆ. ಗ್ರೇಸ್ ಪೀರಿಯಡ್​ನೊಳಗೆಯೂ ಕಟ್ಟದಿದ್ದರೆ ಪಾಲಿಸಿ ಸ್ಥಗಿತಗೊಳ್ಳಬಹುದು.

ಗ್ರೇಸ್ ಪೀರಿಯಡ್ ಬಳಿಕವೂ ನೀವು ಪಾಲಿಸಿ ಪುನಶ್ಚೇತನ ಮಾಡಬಹುದು. ಇನ್ಷೂರೆನ್ಸ್ ಕಂಪನಿಯಿಂದ ರೀಇನ್ಸ್​ಟೇಟ್ಮೆಂಟ್ ಅಪ್ಲಿಕೇಶನ್ ಫಾರ್ಮ್ ಭರ್ತಿ ಮಾಡಿ ಅಗತ್ಯ ದಾಖಲೆಗಳೊಂದಿಗೆ ಸಲ್ಲಿಕೆ ಮಾಡಬೇಕು.

ನೀವು ಕಟ್ಟದೇ ಬಾಕಿ ಉಳಿಸಿಕೊಂಡಿರುವ ಪ್ರೀಮಿಯಮ್ ಎಲ್ಲವನ್ನೂ ಕಟ್ಟಬೇಕು. ಲೇಟ್ ಫೀ, ಪೆನಾಲ್ಟಿ ಇತ್ಯಾದಿ ಸಮೇತ ಬಾಕಿ ಪ್ರೀಮಿಯಮ್ ಕಟ್ಟಿದರೆ ಮಾತ್ರ ಪಾಲಿಸಿ ರೀಇನ್ಸ್​ಟೇಟ್ ಮಾಡಲು ಸಾಧ್ಯ. ನೀವು ತಡ ಮಾಡಿದಷ್ಟೂ ದಂಡ ಹೆಚ್ಚುತ್ತದೆ.

ನೀವು ಪಾಲಿಸಿ ಪುನಶ್ಚೇತನಗೊಳಿಸಲು ತಡ ಮಾಡಿದಷ್ಟೂ ಇನ್ಷೂರೆನ್ಸ್ ಕಂಪನಿಗಳು ಹಿಂದೆ ಮುಂದೆ ನೋಡಬಹುದು. ಪ್ರೀಮಿಯಮ್ ಮೊತ್ತ ಹೆಚ್ಚಿಸಲೂ ಬಹುದು. ಆದ್ದರಿಂದ ಪಾಲಿಸಿ ರೀಇನ್ಸ್​ಟೇಟ್ ಮಾಡುವುದು ನಿಧಾನಿಸದಿರಿ.