ನ್ಯೂರಾಲಿಂಕ್ ಎರಡನೇ ಪ್ರಯೋಗ; ‘ಸೂಪರ್​ಪವರ್’ ಶಕ್ತಿ ಸಿಗುತ್ತಾ?

ಅಮೆರಿಕದ ಅರಿಜೋನಾದ ನೋಲಾಂಡ್ ಆರ್ಬಾಗ್ ಎಂಬುವವರ ಮೇಲೆ ಮೊದಲ ಪ್ರಯೋಗ ನಡೆದಿತ್ತು. ಅದರಿಂದ ಸಕಾರಾತ್ಮಕ ಅಂಶಗಳು ನ್ಯೂರಾಲಿಂಕ್​ಗೆ ಇನ್ನಷ್ಟು ಉತ್ತೇಜನ ನೀಡಿವೆ.

ಮಿದುಳಿಗೆ ಚಿಪ್ ಹಾಕಿದ ಬಳಿಕ ನೋಲ್ಯಾಂಡ್ ಚೇತರಿಸಿಕೊಂಡಿದ್ದರು. ತಮ್ಮ ಆಲೋಚನೆಯಿಂದಲೇ ಅವರು ಕಂಪ್ಯೂಟರ್ ಕ್ರಿಯೆ ಮಾಡಬಲ್ಲವರಾಗಿದ್ದರು. ಚೆಸ್ ಆಡಬಲ್ಲವರಾಗಿದ್ದರು.

ಮೊದಲ ಪ್ರಯೋಗದಲ್ಲಿ ಮಿದುಳಿನ ಜೀವಕೋಶದಿಂದ ಎಲೆಕ್ಟ್ರೋಡ್ ಥ್ರೆಡ್ ಜಾರಿ ಬರುತ್ತಿತ್ತು. ಈಗ ಎರಡನೇ ಪ್ರಯೋಗದಲ್ಲಿ ಆ ತಪ್ಪು ಮರುಕಳಿಸದಂತೆ ನೋಡಿಕೊಳ್ಳುವ ಉದ್ದೇಶ ಇದೆ.

ಪಾರ್ಶ್ವವಾಯು, ಸ್ಮರಣಾ ನಷ್ಟ ಇತ್ಯಾದಿ ಮಿದುಳು ಸಮಸ್ಯೆಗಳಿಗೆ ಪರಿಹಾರ ಸದ್ಯದ ಗುರಿ. ಮನುಷ್ಯನ ಜಾಣ್ಮೆ ಮತ್ತು ಡಿಜಿಟಲ್ ಜಾಣ್ಮೆ ಎರಡನ್ನೂ ಮಿಳಿತಗೊಳಿಸಿ, ಸೂಪರ್ ಪವರ್ ಶಕ್ತಿ ಕೊಡುವುದು ಅಂತಿಮ ಗುರಿ.