ಎನ್​ಪಿಎಸ್ vs ಪಿಪಿಎಫ್: ಯಾವುದು ಉತ್ತಮ?

ಎನ್​ಪಿಎಸ್ ಮತ್ತು ಪಿಪಿಎಫ್ ಎರಡೂ ಕೂಡ ಸರ್ಕಾರದಿಂದ ನಡೆಸುವ ಹೂಡಿಕೆ ಯೋಜನೆಗಳಾಗಿವೆ. ಎರಡೂ ಕೂಡ ಟ್ಯಾಕ್ಸ್ ಬೆನಿಫಿಟ್ ನೀಡುತ್ತವೆ. ಆದರೆ, ರಿಟರ್ನ್ಸ್ ಬರುವ ವಿಚಾರದಲ್ಲಿ ಎರಡಕ್ಕೂ ವ್ಯತ್ಯಾಸ ಇದೆ.

ಪಿಪಿಎಫ್​ನಲ್ಲಿ ಸದ್ಯ ವರ್ಷಕ್ಕೆ ಶೇ 7.1ರಷ್ಟು ಬಡ್ಡಿ ಕೊಡಲಾಗುತ್ತದೆ. ಒಂದು ವರ್ಷದಲ್ಲಿ ಹೂಡಿಕೆ ಮಿತಿ 1.5 ಲಕ್ಷ ರೂ ಇದೆ. ಮೆಚ್ಯೂರಿಟಿ ಅವಧಿ 15 ವರ್ಷ. ಐದೈದು ವರ್ಷ ಅವಧಿ ವಿಸ್ತರಣೆಗೆ ಅವಕಾಶ ಇರುತ್ತದೆ.

ನ್ಯಾಷನಲ್ ಪೆನ್ಷನ್ ಸಿಸ್ಟಂನಲ್ಲಿ ನಿಗದಿತ ರಿಟರ್ನ್ ಇರುವುದಿಲ್ಲ. ಮಾರುಕಟ್ಟೆಗೆ ಜೋಡಿತವಾದ ಯೋಜನೆ ಇದು. ಆದರೆ, ಯಾವ ರೀತಿಯ ಹೂಡಿಕೆಗಳಲ್ಲಿ ಹಣತೊಡಗಿಸಬೇಕೆಂಬ ಆಯ್ಕೆ ನಿಮಗೆ ಇರುತ್ತದೆ.

ಈಕ್ವಿಟಿ, ಕಾರ್ಪೊರೇಟ್ ಬಾಂಡ್, ಗವರ್ನ್ಮೆಂಟ್ ಬಾಂಡ್, ಆಲ್ಟರ್ನೇಟಿವ್ಸ್, ಹೀಗೆ ನಾಲ್ಕು ರೀತಿಯ ಹೂಡಿಕೆ ಆಯ್ಕೆಗಳು ಎನ್​ಪಿಎಸ್ ಸದಸ್ಯರಿಗೆ ಇರುತ್ತವೆ. ಕಳೆದ ಏಳು ವರ್ಷದಲ್ಲಿ ಇವು ಶೇ. 6.17ರಿಂದ ಶೇ. 16.19ರವರೆಗೂ ರಿಟರ್ನ್ ಕೊಟ್ಟಿವೆ.