ಇಡೀ ವಿಶ್ವದಲ್ಲಿ ಅತಿ ಹೆಚ್ಚು ಸೇವನೆಯಾಗುವ ತರಕಾರಿ ಎಂದರೆ ಆಲೂಗಡ್ಡೆ. ಅದು ಬಿಟ್ಟರೆ ಈರುಳ್ಳಿ ಅತಿಹೆಚ್ಚು ಬಳಕೆಯಾಗುವ ತರಕಾರಿ. ಈರುಳ್ಳಿಗೆ ಬೇಡಿಕೆ ಹೆಚ್ಚು.

ವಿಶ್ವಾದ್ಯಂತ ಒಂದು ವರ್ಷದಲ್ಲಿ 9.3 ಕೋಟಿಯಷ್ಟು ಈರುಳ್ಳಿ ಉತ್ಪಾದನೆ ಆಗುತ್ತದೆ. ವಿಶ್ವದ ಅರ್ಧದಷ್ಟು ಈರುಳ್ಳಿ ಉತ್ಪಾದನೆ ಚೀನಾ ಮತ್ತು ಭಾರತದಲ್ಲಿ ಆಗುತ್ತದೆ.

ಈರುಳ್ಳಿ ಉತ್ಪಾದನೆಯಲ್ಲಿ ಚೀನಾ ಅಗ್ರಸ್ಥಾನ ಪಡೆದರೆ, ಭಾರತ ಸಮೀಪದಲ್ಲೇ ಇದೆ. ಚೀನಾ 24,000 ಎಂಟಿ, ಭಾರತ 21,360 ಮೆಟ್ರಿಕ್ ಟನ್​ನಷ್ಟು ಈರುಳ್ಳಿ ಬೆಳೆಯುತ್ತವೆ.

ಅಮೆರಿಕ, ಇಂಡೋನೇಷ್ಯಾ, ಜರ್ಮನಿ, ಮಲೇಷ್ಯಾ, ಬ್ರೆಜಿಲ್, ಬಾಂಗ್ಲಾದೇಶ, ಯುಎಇ ಮೊದಲಾದ ದೇಶಗಳು ಅತಿಹೆಚ್ಚು ಈರುಳ್ಳಿ ಆಮದು ಮಾಡಿಕೊಳ್ಳುತ್ತವೆ.

ಭಾರತ ಈರುಳ್ಳಿ ಉತ್ಪಾದನೆಯಲ್ಲಿ 2ರಲ್ಲಿದೆಯಾದರೂ ರಫ್ತಿನಲ್ಲಿ 3ನೇ ಸ್ಥಾನದಲ್ಲಿದೆ. ದೇಶದಲ್ಲಿ ಅತಿಹೆಚ್ಚು ಈರುಳ್ಳಿ ಎಲ್ಲಿ ಬೆಳೆಯಲಾಗುತ್ತದೆ, ಮುಂದಿದೆ ವಿವರ.

ಮಹಾರಾಷ್ಟ್ರ ಬಿಟ್ಟರೆ ಈರುಳ್ಳಿ ಉತ್ಪಾದನೆಯಲ್ಲಿ ಕರ್ನಾಟಕ ಮುಂದಿದೆ. ಭಾರತದ ಒಟ್ಟಾರೆ ಈರುಳ್ಳಿ ಉತ್ಪಾದನೆಯಲ್ಲಿ ಕರ್ನಾಟಕದ ಪಾಲು ಶೇ. 16ರಷ್ಟಿದೆ.

ಭಾರತದಲ್ಲಿ ಶೇ. 60ಕ್ಕಿಂತಲೂ ಹೆಚ್ಚು ಈರುಳ್ಳಿ ಉತ್ಪಾದನೆ ಮಹಾರಾಷ್ಟ್ರ, ಕರ್ನಾಟಕ ಮತ್ತು ಗುಜರಾತ್ ರಾಜ್ಯಗಳಲ್ಲಿ ಆಗುತ್ತದೆ. ಮಧ್ಯಪ್ರದೇಶ, ಬಿಹಾರ ರಾಜ್ಯಗಳು ಟಾಪ್-5ನಲ್ಲಿವೆ.

ಕರ್ನಾಟಕದಲ್ಲಿ ಎಲ್ಲೆಡೆ ಈರುಳ್ಳಿ ಬೆಳೆಯಲಾಗುತ್ತದೆಯಾದರೂ, ಬೆಳಗಾವಿ, ಬಿಜಾಪುರ, ಬಾಗಲಕೋಟೆ, ಕಲಬುರ್ಗಿ, ಬೀದರ್, ಧಾರವಾಡದಲ್ಲಿ ಹೆಚ್ಚು ಉತ್ಪಾದನೆ ಇದೆ.