ಎಟಿಎಂನಲ್ಲಿ ಹಣ ಬರದಿದ್ದರೆ ಹೀಗೆ ಮಾಡಿ...

ಎಟಿಎಂನಲ್ಲಿ ಕಾರ್ಡ್ ಬಳಸಿ ಕ್ಯಾಷ್ ವಿತ್​ಡ್ರಾ ಮಾಡಲು ಯತ್ನಿಸಿದಾಗ ಕೆಲವೊಮ್ಮೆ ಹಣ ಬರುವುದಿಲ್ಲ. ಆದರೆ, ಅಕೌಂಟ್​ನಿಂದ ಹಣ ಡೆಬಿಟ್ ಆಗಬಹುದು. ಅಂಥ ಘಟನೆಗಳು ಸಾಕಷ್ಟು ಬಾರಿ ವರದಿಯಾಗಿವೆ.

ಎಟಿಎಂನಲ್ಲಿ ತಾಂತ್ರಿಕ ದೋಷ ಇದ್ದರೆ, ಕ್ಯಾಷ್ ಸಂಗ್ರಹ ಮುಗಿದಿದ್ದರೆ ಹೀಗೆ ಕೆಲ ಪ್ರಮುಖ ಕಾರಣಗಳಿಗೆ ಕ್ಯಾಷ್ ಬರದೇ ಹೋಗಬಹುದು. ಆದರೆ, ಬ್ಯಾಂಕ್ ಅಕೌಂಟ್​ನಿಂದ ಹಣ ಕಡಿತವಾಗಿದ್ದರೆ ಏನು ಮಾಡಬೇಕು?

ಎಟಿಎಂನಿಂದ ಬರುವ ಟ್ರಾನ್ಸಾಕ್ಷನ್ ಸ್ಲಿಪ್ ಅನ್ನು ಜಾಗ್ರತೆಯಿಂದ ಎತ್ತಿಟ್ಟುಕೊಳ್ಳಿ. ಎಟಿಎಂ ರೂಮ್​ನಲ್ಲಿರುವ ಕ್ಯಾಮೆರಾ ಮುಂದೆ ಹಣ ಬಂದಿಲ್ಲವೆಂದು ಕೈಸನ್ನೆ ಮೂಲಕ ತಿಳಿಸಲು ಯತ್ನಿಸಿ.

ಎಟಿಎಂ ವಹಿವಾಟು ವೇಳೆ ಅಕೌಂಟ್​ನಿಂದ ಹಣ ಡೆಬಿಟ್ ಆಗಿಬಿಟ್ಟರೆ ಸಾಮಾನ್ಯವಾಗಿ ಬೇಗನೇ ರಿವರ್ಸ್ ಆಗುತ್ತದೆ. ಇಲ್ಲವಾದಲ್ಲಿ ಬ್ಯಾಂಕ್​ನ ಕಸ್ಟಮರ್ ಸರ್ವಿಸ್ ಹೆಲ್ಪ್​ಲೈನ್ ಸಂಪರ್ಕಿಸಿ ಅಗತ್ಯ ಮಾಹಿತಿ ನೀಡಿ.

ಇದರಿಂದಲೂ ನಿಮ್ಮ ಸಮಸ್ಯೆ ತೀರಲಿಲ್ಲವೆಂದರೆ, ದೂರು ಸಲ್ಲಿಕೆಯಾಗಿ 30 ದಿನಗಳ ನಂತರ ಆರ್​ಬಿಐ ಅಥವಾ ಬ್ಯಾಂಕಿಂಗ್ ಓಂಬುಡ್ಸ್​ಮನ್ ಬಳಿ ನೀವು ಪೋಸ್ಟ್ ಅಥವಾ ಆನ್​ಲೈನ್ ಮುಖಾಂತರ ದೂರು ಸಲ್ಲಿಸಬೇಕು.