ಮುಂದಿನ ವರ್ಷ (2025) ಅಮೆರಿಕದ ಷೇರು ಮಾರುಕಟ್ಟೆಯ ಕುಸಿತ ಆರಂಭವಾಗಲಿದೆ ಎಂದು ಅಮೆರಿಕದ ಖ್ಯಾತ ಆರ್ಥಿಕ ತಜ್ಞ ಹ್ಯಾರಿ ಡೆಂಟ್ ಕರಾಳ ಭವಿಷ್ಯ ನುಡಿದಿದ್ದಾರೆ.

2008ರಲ್ಲಿ ಜಾಗತಿಕ ಹಣಕಾಸು ಬಿಕ್ಕಟ್ಟು ಸಾಕಷ್ಟು ಆತಂಕ ಸೃಷ್ಟಿಸಿತ್ತು. ಈ ಬಾರಿ ಅದಕ್ಕಿಂತಲೂ ಬಹಳ ಹೆಚ್ಚು ಹಿನ್ನಡೆ ಆಗುವ ಸಾಧ್ಯತೆ ಇದೆ ಎಂದಿದ್ದಾರೆ ಹ್ಯಾರಿ ಡೆಂಟ್.

ಅಮೆರಿಕದ ಆರ್ಥಿಕತೆಯೊಳಗೆ ವರ್ಷಗಳಿಂದಲೂ ಕೃತಕವಾಗಿ ಹಣ ತುಂಬಿಸಲಾಗುತ್ತಿದೆ. 14 ವರ್ಷಗಳಿಂದ ಉಬ್ಬರ ನಿರ್ಮಾಣವಾಗಿದೆ ಎನ್ನುತ್ತಾರೆ ಡೆಂಟ್.

ಯಾವುದೇ ಉಬ್ಬರ ಅಥವಾ ಗುಳ್ಳೆಯಾದರೂ ಒಂದಲ್ಲ ಒಂದು ಹಂತದಲ್ಲಿ ಒಡೆಯಲೇ ಬೇಕು. ಅದು ಪ್ರಕೃತಿ ಸಹಜ ಕ್ರಮ. ಈಗ ಷೇರು ಮಾರುಕಟ್ಟೆ ಗುಳ್ಳೆಯೂ ಒಡೆಯಲಿದೆ.

ಹಿಂದೆ ಹಲವು ಬಾರಿ ಷೇರು ಮಾರುಕಟ್ಟೆ ಕೃತಕವಾಗಿ ಉಬ್ಬಿದ್ದಿದೆ. ಆದರೆ, ಈಗ ನಿರ್ಮಾಣ ಆಗಿರುವ ಬಬಲ್ ಹಿಂದೆಂದಿಗಿಂತಲೂ ಬಹಳ ದೊಡ್ಡದು ಎಂದು ಹ್ಯಾರಿ ಡೆಂಟ್ ಹೇಳುತ್ತಾರೆ.

ಅಮೆರಿಕದ ಷೇರು ಮಾರುಕಟ್ಟೆಯ ಎಸ್ ಅಂಡ್ ಪಿ ಶೇ. 80ರಷ್ಟು, ನಾಸ್ಡಾಕ್ ಶೇ. 90ರಷ್ಟು ಕುಸಿಯಬಹುದು. 2025ರಲ್ಲಿ ಪತನ ಆರಂಭವಾಗಬಹುದು ಎಂದು ಹ್ಯಾರಿ ಡೆಂಟ್ ತಿಳಿಸಿದ್ದಾರೆ.

ಭಾರತದ ಷೇರು ಮಾರುಕಟ್ಟೆ ಕಳೆದ ಕೆಲ ವರ್ಷಗಳಿಂದ ನಾಗಾಲೋಟದಲ್ಲಿ ಬೆಳೆಯುತ್ತಿದೆ. ಹೂಡಿಕೆದಾರರ ಹಲವು ಲಕ್ಷ ಕೋಟಿ ರೂ ಹಣವನ್ನು ಹೊತ್ತು ಸಾಗುತ್ತಿದೆ. ಇದು ಕುಸಿದರೆ ಕಷ್ಟ..!