06-12-2023
ತಂದೆಗೆ ಅನಾರೋಗ್ಯ; ತಂಡದೊಂದಿಗೆ ಆಫ್ರಿಕಾಗೆ ತೆರಳದ ಟೀಂ ಇಂಡಿಯಾ ವೇಗಿ..!
Author: ಪೃಥ್ವಿ ಶಂಕರ
ಕ್ರಿಕೆಟ್ನ ಮೂರು ಮಾದರಿಗಳ ಸರಣಿ ಆಡುವ ಸಲುವಾಗಿ ಇಂದು ಟೀಂ ಇಂಡಿಯಾ ಬೆಂಗಳೂರಿನಿಂದ ದಕ್ಷಿಣ ಆಫ್ರಿಕಾಕ್ಕೆ ವಿಮಾನ ಹತ್ತಿದೆ.
ಬೆಂಗಳೂರಿನಿಂದ ಪ್ರಯಾಣ ಬೆಳೆಸಿರುವ ಟೀಂ ಇಂಡಿಯಾ ಆಟಗಾರರು ದುಬೈ ಮೂಲಕ ದಕ್ಷಿಣ ಆಫ್ರಿಕಾದ ನಗರ ಡರ್ಬನ್ ತಲುಪಲಿದ್ದಾರೆ.
ಮಾಹಿತಿ ಪ್ರಕಾರ ವೇಗಿ ದೀಪಕ್ ಚಹಾರ್ ಹೊರತುಪಡಿಸಿ ಭಾರತದ ಎಲ್ಲಾ ಆಯ್ದ ಆಟಗಾರರು ದಕ್ಷಿಣ ಆಫ್ರಿಕಾ ಪ್ರವಾಸಕ್ಕೆ ತೆರಳಿದ್ದಾರೆ ಎಂದು ವರದಿಯಾಗಿದೆ.
ವಾಸ್ತವವಾಗಿ ದೀಪಕ್ ಅವರ ತಂದೆಯ ಆರೋಗ್ಯ ಹದಗೆಟ್ಟ ಕಾರಣ ಅವರು ತಂಡದೊಂದಿಗೆ ದಕ್ಷಿಣ ಆಫ್ರಿಕಾಕ್ಕೆ ತೆರಳಲು ಸಾಧ್ಯವಾಗಿಲ್ಲ.
ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ಭಾರತವು 3ಟಿ20, 3 ಏಕದಿನ ಮತ್ತು 2 ಟೆಸ್ಟ್ ಪಂದ್ಯಗಳನ್ನು ಆಡಲಿದೆ.
ಈ ಪ್ರವಾಸದಲ್ಲಿ ದೀಪಕ್ ಚಹಾರ್ ಭಾರತದ ಟಿ20 ತಂಡದ ಭಾಗವಾಗಿದ್ದು, ಸರಣಿ ಆರಂಭಕ್ಕೂ ಮುನ್ನ ಅವರು ತಂಡ ಸೇರುಕೊಳ್ಳುತ್ತಾರೋ, ಇಲ್ಲವೋ ಎಂಬುದು ಖಚಿತವಾಗಿಲ್ಲ.
ಡಿಸೆಂಬರ್ 10 ರಿಂದ ಆರಂಭವಾಗಲಿರುವ ಉಭಯ ತಂಡಗಳ ನಡುವಿನ ಕದನ ಜನವರಿ 7 ರಂದು ಟೆಸ್ಟ್ ಸರಣಿಯೊಂದಿಗೆ ಅಂತ್ಯವಾಗಲಿದೆ.
NEXT: ಈ ಬಾರಿಯ ಐಪಿಎಲ್ ಹರಾಜಿನಲ್ಲಿ ಮಹತ್ವದ ಬದಲಾವಣೆ..!