ಈ ಬಾರಿಯ ಐಪಿಎಲ್ ಹರಾಜಿಗಾಗಿ ಒಟ್ಟು 1166 ಆಟಗಾರರು ಹೆಸರು ನೀಡಿದ್ದಾರೆ. ಇದರಲ್ಲಿ 830 ಭಾರತೀಯ ಹಾಗೂ 336 ವಿದೇಶಿ ಆಟಗಾರರಿದ್ದಾರೆ.
ಹರಾಜಾಗುವುದು ಡೌಟ್:
ಈ 830 ಭಾರತೀಯ ಆಟಗಾರರಲ್ಲಿ ಕೆಲವರಿಗೆ ಐಪಿಎಲ್ ಫ್ರಾಂಚೈಸ್ಗಳು ಮಣೆ ಹಾಕುವುದು ಅನುಮಾನ. ಏಕೆಂದರೆ ಈ ಆಟಗಾರರು ಈಗಾಗಲೇ ಐಪಿಎಲ್ನಲ್ಲಿ ಕಳಪೆ ಪ್ರದರ್ಶನ ನೀಡಿದ್ದಾರೆ.
ಮೂಲಬೆಲೆ ಹೆಚ್ಚು:
ಇಲ್ಲಿ ಕೆಲ ಆಟಗಾರರು ಕಳಪೆ ಪ್ರದರ್ಶನ ನೀಡಿದ ನಿದರ್ಶನಗಳಿದ್ದರೆ, ಮತ್ತೆ ಕೆಲ ಪ್ಲೇಯರ್ಸ್ ಅಧಿಕ ಮೂಲ ಬೆಲೆಯೊಂದಿಗೆ ಕಾಣಿಸಿಕೊಂಡಿದ್ದಾರೆ. ಹೀಗಾಗಿ ಈ ಆಟಗಾರರು ಹರಾಜಾಗುವುದು ಅನುಮಾನ...
1- ಕೇದರ್ ಜಾಧವ್:
ಕೇದರ್ ಜಾಧವ್ ಈ ಬಾರಿಯ ಹರಾಜಿಗಾಗಿ ಘೋಷಿಸಿರುವ ಮೂಲ ಬೆಲೆ 2 ಕೋಟಿ ರೂ. ಕಳೆದ ಸೀಸನ್ ಹರಾಜಿನಲ್ಲಿ 1 ಕೋಟಿ ಬೇಸ್ ಪ್ರೈಸ್ ಹೊಂದಿದ್ದರೂ ಅವರನ್ನು ಯಾವುದೇ ಫ್ರಾಂಚೈಸ್ ಖರೀದಿಸಿರಲಿಲ್ಲ.
2- ಹನುಮ ವಿಹಾರಿ:
ಟೆಸ್ಟ್ ಸ್ಪೆಷಲಿಸ್ಟ್ ಎಂದೇ ಬ್ರ್ಯಾಂಡ್ ಆಗಿರುವ ಹನುಮ ವಿಹಾರಿ ಕೂಡ ಈ ಬಾರಿಯ ಹರಾಜಿಗೆ ಹೆಸರು ನೀಡಿದ್ದಾರೆ. 50 ಲಕ್ಷ ರೂ. ಮೂಲ ಬೆಲೆ ಹೊಂದಿರುವ ವಿಹಾರಿ ಅನ್ಸೋಲ್ಡ್ ಆಗುವ ಸಾಧ್ಯತೆಯಿದೆ.
3- ವರುಣ್ ಆರೋನ್:
ವೇಗದ ಬೌಲರ್ ವರುಣ್ ಆರೋನ್ ಈ ಬಾರಿ 50 ಲಕ್ಷ ರೂ. ಮೂಲ ಬೆಲೆಯೊಂದಿಗೆ ಕಾಣಿಸಿಕೊಂಡಿದ್ದಾರೆ. ಇದಾಗ್ಯೂ ಅವರ ಖರೀದಿಗೆ ಫ್ರಾಂಚೈಸ್ಗಳು ಮುಂದೆ ಬರುವುದು ಡೌಟ್.
4- ಶಹಬಾಝ್ ನದೀಮ್:
ಕಳೆದ 2 ವರ್ಷಗಳಿಂದ ಯಾವುದೇ ಐಪಿಎಲ್ ಪಂದ್ಯವಾಡದ ಶಹಬಾಝ್ ನದೀಮ್ ಈ ಬಾರಿ ಕೂಡ ಹೆಸರು ನೀಡಿದ್ದಾರೆ. ಆದರೆ ಅವರ ಖರೀದಿಗೆ ಯಾವುದೇ ಫ್ರಾಂಚೈಸ್ ಆಸಕ್ತಿವಹಿಸುವ ಸಾಧ್ಯತೆಯಿಲ್ಲ.
5- ಧವಳ್ ಕುಲಕರ್ಣಿ:
2021 ರಲ್ಲಿ ಮುಂಬೈ ಇಂಡಿಯನ್ಸ್ ತಂಡದಲ್ಲಿದ್ದ ಧವಳ್ ಕುಲಕರ್ಣಿ ಆ ಬಳಿಕ ಯಾವುದೇ ಪಂದ್ಯವಾಡಿಲ್ಲ. ಇದೀಗ ಐಪಿಎಲ್ ಹರಾಜಿಗೆ ಹೆಸರು ನೀಡಿರುವ ಅವರು ಕೂಡ ಅನ್ಸೋಲ್ಡ್ ಆಗುವ ಸಾಧ್ಯತೆಯಿದೆ.