ದಿನೇಶ್ ಕಾರ್ತಿಕ್ ಸಿಡಿಲಬ್ಬರದ ಸಿಕ್ಸರ್ ಸಿಡಿಸುವ ಬ್ಯಾಟ್ ಬೆಲೆ ಎಷ್ಟು ಗೊತ್ತಾ?
Author: ಪೃಥ್ವಿ ಶಂಕರ
ಐಪಿಎಲ್ 2024 ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪ್ರದರ್ಶನ ತುಂಬಾ ಕಳಪೆಯಾಗಿದೆ. ತಂಡವು ಇದುವರೆಗೆ ಆಡಿರುವ 7 ಪಂದ್ಯಗಳಲ್ಲಿ 6 ರಲ್ಲಿ ಸೋತಿದೆ.
ಅದಾಗ್ಯೂ ತಂಡದ ಅನುಭವಿ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ದಿನೇಶ್ ಕಾರ್ತಿಕ್ ಮಾತ್ರ ತಂಡದ ಪರ ಅದ್ಭುತ ಪ್ರದರ್ಶನ ನೀಡುತ್ತಿದ್ದಾರೆ.
ಕೆಳಕ್ರಮಾಂಕದಲ್ಲಿ ಬ್ಯಾಟಿಂಗ್ಗೆ ಬರುವ 40 ವರ್ಷದ ದಿನೇಶ್ ಕಾರ್ತಿಕ್, ಆರ್ಸಿಬಿ ಗೆಲುವಿಗಾಗಿ ಇಲ್ಲಿಯವರೆಗೆ ಆಡಿರುವ ಭಾಗಶಃ ಪಂದ್ಯಗಳಲ್ಲಿ ಏಕಾಂಗಿ ಹೋರಾಟ ನೀಡಿದ್ದಾರೆ.
ಇದಕ್ಕೆ ಉದಾಹರಣೆಯಾಗಿ ಕಾರ್ತಿಕ್ ತಮ್ಮ ಕೊನೆಯ ಐಪಿಎಲ್ ಪಂದ್ಯದಲ್ಲಿ ಎಸ್ಆರ್ಹೆಚ್ ವಿರುದ್ಧ ಕೇವಲ 35 ಎಸೆತಗಳಲ್ಲಿ 83 ರನ್ ಗಳಿಸಿದ್ದರು.
ಅಲ್ಲದೆ ಇದೇ ಪಂದ್ಯದಲ್ಲಿ 107 ಮೀಟರ್ ಉದ್ದದ ಸಿಕ್ಸರ್ ಸಿಡಿಸಿ ಈ ಆವೃತ್ತಿಯ ಅತಿ ಉದ್ದದ ಸಿಕ್ಸರ್ ಸಿಡಿಸಿದ ಆಟಗಾರ ಎಂಬ ದಾಖಲೆಯನ್ನು ಬರೆದಿದ್ದರು.
ಇದೀಗ ನೀರು ಕುಡಿದಷ್ಟು ಸುಲಭವಾಗಿ ಸಿಕ್ಸರ್ ಹಾಗೂ ಬೌಂಡರಿಗಳನ್ನು ಸಿಡಿಸುವ ಕಾರ್ತಿಕ್ ಬಳಸುವ ಬ್ಯಾಟ್ನ ಬೆಲೆ ಎಷ್ಟು ಎಂದು ತಿಳಿದುಕೊಳ್ಳುವ ಕುತೂಹಲ ಅಭಿಮಾನಿಗಳಲ್ಲಿ ಮೂಡಿದೆ.
ವಾಸ್ತವವಾಗಿ ದಿನೇಶ್ ಕಾರ್ತಿಕ್ ಮೀರತ್‌ನ ಪ್ರಸಿದ್ಧ ಕಂಪನಿಯಾದ ಎಸ್‌ಎಸ್‌ನ ಬ್ಯಾಟ್ ಮತ್ತು ಇತರ ಕಿಟ್ಗಳನ್ನು ಬಳಸುತ್ತಾರೆ. ಇದು ಡಿಕೆ ಅವರ ನೆಚ್ಚಿನ ಬ್ರ್ಯಾಂಡ್ ಆಗಿದೆ.
ಕಳೆದ 15 ವರ್ಷಗಳಿಂದ ಈ ಕಂಪನಿಯ ಬ್ಯಾಟ್ ಅನ್ನು ಬಳಸುತ್ತಿದ್ದೇನೆ ಮತ್ತು ಯಾವಾಗಲೂ ಅದರೊಂದಿಗೆ ಬ್ಯಾಟಿಂಗ್ ಮಾಡುತ್ತೇನೆ ಎಂದು ಕಾರ್ತಿಕ್ ಅವರೇ ಸ್ವತಃ ವೀಡಿಯೊದಲ್ಲಿ ಹೇಳಿದ್ದಾರೆ.
ಈ ಬ್ಯಾಟ್ನ ವಿಶೇಷತೆಗೆ ಸಂಬಂಧಿಸಿದಂತೆ ಮಾತನಾಡಿರುವ ಕಾರ್ತಿಕ್ ಅದರ ವಿಲೋ ಅದ್ಭುತವಾಗಿದೆ. ಈ ಬ್ಯಾಟ್ಗೆ ಬಡಿದ ನಂತರ ಚೆಂಡು ಪಡೆಯುವ ಬೌನ್ಸ್ ಅತ್ಯುತ್ತಮವಾಗಿದೆ ಎಂದಿದ್ದರು.
ಅನೇಕ ಸ್ಟಾರ್ ಬ್ಯಾಟ್ಸ್‌ಮನ್‌ಗಳು 1 ರಿಂದ 1.5 ಲಕ್ಷ ರೂಪಾಯಿ ಬೆಲೆಯ ಬ್ಯಾಟ್ಗಳನ್ನು ಬಳಸುತ್ತಾರೆ. ಆದರೆ ಕಾರ್ತಿಕ್ ಅವರ ಬ್ಯಾಟ್ ಕೇವಲ 36000 ರೂ.ಗಳಾಗಿದ್ದು, ಕಂಪನಿಯಿಂದ 30000 ರೂ.ವರೆಗಿನ ರಿಯಾಯಿತಿ ಧರದಲ್ಲಿ ಲಭ್ಯವಿದೆ.