ಯಾಕಿಷ್ಟು ಸಿಂಪಲ್? ಮದುವೆಗೆ ಅಜ್ಜಿಯ ಆಭರಣ ಧರಿಸಿದ ಅಂಬಾನಿ ಸೊಸೆ ರಾಧಿಕಾ ಮರ್ಚಂಟ್

ರಾಧಿಕಾ ಮರ್ಚೆಂಟ್ ತನ್ನ ಮದುವೆ ವೇಳೆ ಸುಂದರವಾದ ಅಬು ಜಾನಿ ಸಂದೀಪ್ ಖೋಸ್ಲಾ ಲೆಹೆಂಗಾವನ್ನು ಧರಿಸಿದ್ದರು. ದಂತದ ಜರ್ದೋಜಿ ಕಟ್-ವರ್ಕ್, ಐದು ಮೀಟರ್ ಹೆಡ್ ವೆಲ್ ಮತ್ತು ಟಿಶ್ಯೂ ದುಪ್ಪಟ್ಟಾದೊಂದಿಗೆ ಈ ಘಾಗ್ರಾವನ್ನು ಡಿಸೈನ್ ಮಾಡಲಾಗಿತ್ತು.

ಆದರೆ, ಅಸಲಿ ವಿಷಯವೇನೆಂದರೆ ರಾಧಿಕಾ ಮರ್ಚಂಟ್ ಧರಿಸಿದ್ದ ನೆಕ್ಲೇಸ್ ಅವರ ವಂಶಪಾರಂಪರ್ಯವಾಗಿ ಬಳುವಳಿಯಾಗಿ ಬಂದಿರುವ ಪೂರ್ವಜರ ಆಭರಣವಾಗಿದೆ. ಇದೇ ನೆಕ್ಲೇಸ್ ಅನ್ನು ರಾಧಿಕಾಳ ಅಕ್ಕ ಅಂಜಲಿ ಕೂಡ ತನ್ನ ಮದುವೆಯಲ್ಲಿ ಧರಿಸಿದ್ದರು.

ರಾಧಿಕಾ ಮರ್ಚೆಂಟ್ ತನ್ನ ಸಹೋದರಿ ಅಂಜಲಿ ಮರ್ಚೆಂಟ್ ಮದುವೆಯಲ್ಲಿ ಧರಿಸಿದ್ದ ಆಭರಣವನ್ನೇ ತನ್ನ ಮದುವೆಗೆ ಧರಿಸಿದ್ದಾರೆ. ಇದನ್ನು ಹಲವು ತಲೆಮಾರುಗಳಿಂದ ಅವರ ಕುಟುಂಬದಲ್ಲಿ ಮದುಮಗಳು ಧರಿಸಿರುವ ವಂಶಪಾರಂಪರಿಕ ಆಭರಣವಾಗಿದೆ.