ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ ಡೇವಿಡ್ ವಾರ್ನರ್ ವಿಶ್ವಕಪ್ 18 ನೇ ಪಂದ್ಯದಲ್ಲಿ ಅದ್ಭುತ ಶತಕ ಬಾರಿಸಿದರು
20 October 2023
ಡೇವಿಡ್ ವಾರ್ನರ್ ಕೇವಲ 85 ಎಸೆತಗಳಲ್ಲಿ 6 ಸಿಕ್ಸರ್ ಹಾಗೂ 7 ಬೌಂಡರಿಗಳ ನೆರವಿನಿಂದ ಶತಕ ಪೂರೈಸಿದರು.
ಇದು ವಿಶ್ವಕಪ್ನಲ್ಲಿ ವಾರ್ನರ್ ಅವರ ಐದನೇ ಶತಕವಾಗಿದ್ದು, ಈ ಮೂಲಕ ರಿಕಿ ಪಾಂಟಿಂಗ್ ದಾಖಲೆಯನ್ನು ಸರಿಗಟ್ಟಿದರು.
ಈ ಶತಕದೊಂದಿಗೆ ವಾರ್ನರ್ ವಿಶ್ವಕಪ್ನಲ್ಲಿ ಅತಿ ಹೆಚ್ಚು ಶತಕ ಸಿಡಿಸಿದ ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ ಎನಿಸಿಕೊಂಡಿದ್ದಾರೆ.
ಅಂದಹಾಗೆ, ಪಾಂಟಿಂಗ್ ಕೂಡ ವಿಶ್ವಕಪ್ನಲ್ಲಿ ಐದು ಶತಕಗಳನ್ನು ಸಿಡಿಸಿದ್ದಾರೆ.
ಡೇವಿಡ್ ವಾರ್ನರ್ ಪಾಕಿಸ್ತಾನದ ವಿರುದ್ಧ ಸತತ ನಾಲ್ಕನೇ ಏಕದಿನ ಶತಕ ದಾಖಲಿಸಿದರು.
ಈ ತಂಡದ ವಿರುದ್ಧ ಕಳೆದ 3 ಏಕದಿನ ಇನ್ನಿಂಗ್ಸ್ಗಳಲ್ಲಿ ವಾರ್ನರ್ 130, 179, 107 ರನ್ ಸಿಡಿಸಿದ್ದರು.
ಡೇವಿಡ್ ವಾರ್ನರ್ ಕೇವಲ 10 ರನ್ಗಳಲ್ಲಿದ್ದಾಗ ನೀಡಿದ್ದ ಸುಲಭ ಕ್ಯಾಚ್ ಅನ್ನು ಉಸಾಮಾ ಮಿರ್ ಕೈಬಿಟ್ಟರು.
ಜೀವದಾನದ ಲಾಭ ಪಡೆದ ವಾರ್ನರ್, ಶತಕ ಬಾರಿಸಿದ ನಂತರ ಪುಷ್ಪ ಚಿತ್ರದ ಸ್ಟೈಲ್ನಲ್ಲಿ ಸಂಭ್ರಮಾಚರಣೆ ಮಾಡಿದರು.
ಇದನ್ನೂ ಓದಿ