ಅಮೆರಿಕಕ್ಕೆ ಓದಲು ಹೋಗುವ ವಿದ್ಯಾರ್ಥಿಗಳ ಗಮನಕ್ಕೆ...

ಅಮೆರಿಕದಲ್ಲಿ ಉನ್ನತ ವ್ಯಾಸಂಗಕ್ಕಾಗಿ ಹೋಗಲು ಬಯಸುವ ಭಾರತೀಯರ ಸಂಖ್ಯೆ ಹೆಚ್ಚು. ಓದಲು ಅಮೆರಿಕಕ್ಕೆ ಹೋಗಬೇಕಾದರೆ ಸ್ಟುಡೆಂಟ್ ವೀಸಾ ಅಥವಾ ಎಫ್​1 ವೀಸಾ ಅಥವಾ ಎಂ ವೀಸಾ ಅವಶ್ಯಕವಾಗಿರುತ್ತದೆ.

ಅಮೆರಿಕದಲ್ಲಿ ಮೊದಲು ನೀವು ಯಾವುದಾದರೂ ಯೂನಿವರ್ಸಿಟಿ ಅಥವಾ ಕಾಲೇಜಿಗೆ ದಾಖಲಾಗಬೇಕು. ಆನ್​ಲೈನ್​ನಲ್ಲಿ ನೀವು ಅಡ್ಮಿಶನ್ ಪಡೆಯಬಹುದು. ಅದಾದ ಬಳಿಕವಷ್ಟೇ ನೀವು ವೀಸಾಗೆ ಅರ್ಜಿ ಹಾಕಬಹುದು.

ಎಫ್1 ವೀಸಾವನ್ನು 365 ದಿನಗಳವರೆಗೆ ಪಡೆಯಬಹುದು. ಕೋರ್ಸ್ ಆರಂಭಕ್ಕೆ 30ಕ್ಕೂ ಹೆಚ್ಚು ದಿನಗಳ ಮುಂಚೆಯೇ ನೀವು ಅಮೆರಿಕಕ್ಕೆ ಹೋಗಬೇಕೆಂದಿದ್ದರೆ ಅದಕ್ಕೆ ವಿಸಿಟರ್ ವೀಸಾಗೆ ಪ್ರತ್ಯೇಕವಾಗಿ ಅರ್ಜಿ ಹಾಕಬೇಕು.

ವೀಸಾ ಇಂಟರ್​ವ್ಯೂನಲ್ಲಿ ನೀವು ಈ ಕೆಳಗಿನ ದಾಖಲೆ ತೆಗೆದುಕೊಂಡು ಹೋಗಬೇಕು: ಪಾಸ್​ಪೋರ್ಟ್, ಡಿಎಸ್160 ಅರ್ಜಿ, ಐ20 ಅರ್ಜಿ, ಶುಲ್ಕ ಪಾವತಿ ಸ್ವೀಕೃತಿ, ಫೋಟೋ, ಅಡ್ಮಿಶನ್ ದಾಖಲೆ ಇತ್ಯಾದಿ ಇರಬೇಕು.