ಪ್ರಧಾನಿ ನರೇಂದ್ರ ಮೋದಿ ತಮ್ಮ ಜನ್ಮದಿನವಾದ ಸೆ. 17ರಂದು ದೆಹಲಿಯ ದ್ವಾರಕಾ ಸೆಕ್ಟರ್ 25ರಲ್ಲಿ ಯಶೋಭೂಮಿ ಉದ್ಘಾಟನೆ ಮಾಡಿದರು.

ಇದು ಇಂಡಿಯಾ ಇಂಟರ್ನ್ಯಾಷನಲ್ ಕನ್ವೆನ್ಷನ್ ಅಂಡ್ ಎಕ್ಸ್​ಪೋ ಸೆಂಟರ್ (ಐಐಸಿಸಿ). ಅಂತಾರಾಷ್ಟ್ರೀಯ ಸಭೆ, ಸಮಾರಂಭ ಆಯೋಜಿಸಲು ಇರುವ ಬೃಹತ್ ಸಂಕೀರ್ಣ.

ಮುಂದಿನ ಕೆಲ ದಶಕಗಳಲ್ಲಿ ಭಾರತದ ಅಗಾಧ ಆರ್ಥಿಕ ಬೆಳವಣಿಗೆ ನಿರೀಕ್ಷಿಸಿ ಅದರ ಅಗತ್ಯತೆಗಳಿಗೆ ಅನುವಾಗುವ ರೀತಿಯಲ್ಲಿ ವಿಶ್ವದರ್ಜೆಯ ಸಭಾಂಗಣ ಬೇಕಾಗುತ್ತದೆ.

ಯಶೋಭೂಮಿಯನ್ನು 2 ಹಂತಗಳಲ್ಲಿ ನಿರ್ಮಿಸಲಾಗುತ್ತಿದೆ. ಮೊದಲ ಹಂತ ಮುಗಿದು ಉದ್ಘಾಟನೆ ಅಗಿದೆ. ಎರಡೂ ಹಂತ ಸೇರಿ ಅಂದಾಜು ವೆಚ್ಚ 25,703 ಕೋಟಿ ರೂ.

ಯಶೋಭೂಮಿಯ ಸಮಗ್ರ ಯೋಜನೆಯನ್ನು ಒಟ್ಟು 221.37 ಎಕರೆ ಪ್ರದೇಶದಲ್ಲಿ ನಿರ್ಮಿಸಲಾಗುತ್ತಿದೆ. ಕಟ್ಟಡಗಳ ವಿಸ್ತೀರ್ಣ 1.8 ಲಕ್ಷ ಚ.ಮೀ.ಗೂ ಹೆಚ್ಚು ಇದೆ.

ಇದರ ಸಭಾಂಗಣದಲ್ಲಿ 15 ಕನ್ವೆನ್ಷನ್ ರೂಮ್, ಭವ್ಯ ಬಾಲ್​ರೂಮ್, 13 ಮೀಟಿಂಗ್ ರೂಮ್​ಗಳಿವೆ. ಮುಖ್ಯ ಆಡಿಟೋರಿಯಂನಲ್ಲಿ 6,000 ಅತಿಥಿಗಳು ಆಸೀನರಾಗಬಹುದು.

ಯಶೋಭೂಮಿಯಲ್ಲಿ ಹಲವು ವಿಶೇಷತೆಗಳಿವೆ. ತ್ಯಾಜ್ಯನೀರು ಮರುಬಳಕೆ, ಮಳೆನೀರಿ ಸಂಗ್ರಹಣೆ, ಸೌರಶಕ್ತಿ ಬಳಕೆ ಇತ್ಯಾದಿ ಪರಿಸರಸ್ನೇಹಿ ವ್ಯವಸ್ಥೆ ಇದರಲ್ಲಿದೆ.