ದಕ್ಷಿಣ ಆಫ್ರಿಕಾ 27 ವರ್ಷಗಳ ಕಾಯುವಿಕೆಯನ್ನು ಕೊನೆಗೊಳಿಸಿ, ಶನಿವಾರ ಲಾರ್ಡ್ಸ್‌ನ ಐತಿಹಾಸಿಕ ಮೈದಾನದಲ್ಲಿ ಆಸ್ಟ್ರೇಲಿಯಾವನ್ನು 5 ವಿಕೆಟ್‌ಗಳಿಂದ ಸೋಲಿಸುವ ಮೂಲಕ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ 2025 ಪ್ರಶಸ್ತಿಯನ್ನು ಗೆದ್ದುಕೊಂಡಿತು.
ಈ ಗೆಲುವಿನೊಂದಿಗೆ, ದಕ್ಷಿಣ ಆಫ್ರಿಕಾ 1998 ರ ನಂತರ ಮೊದಲ ಬಾರಿಗೆ ಐಸಿಸಿ ಟ್ರೋಫಿಯನ್ನು ಗೆದ್ದಿದೆ. 282 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ಆಫ್ರಿಕಾ, ಜಯ ಸಾಧಿಸಿತು.
ಐಡೆನ್ ಮಾರ್ಕ್ರಮ್ ಅವರ ಅದ್ಭುತ ಶತಕ ಮತ್ತು ನಾಯಕ ಟೆಂಬಾ ಬವುಮಾ ಅವರ ಅರ್ಧಶತಕದ ನೆರವಿನಿಂದ ಆಫ್ರಿಕಾ ಗೆದ್ದುಕೊಂಡಿತು.
ಪಂದ್ಯದ ನಾಲ್ಕನೇ ದಿನದಂದು ಆಟ ಪ್ರಾರಂಭವಾದಾಗ, ತಂಡಕ್ಕೆ ಗೆಲ್ಲಲು ಇನ್ನೂ 69 ರನ್‌ಗಳು ಬೇಕಾಗಿದ್ದವು. ಬವುಮಾ ಬೇಗನೆ ಔಟಾದರೂ, ಮಾರ್ಕ್ರಮ್ ಜವಾಬ್ದಾರಿಯನ್ನು ತೆಗೆದುಕೊಂಡು ತಂಡವನ್ನು ಗೆಲುವಿನ ಹತ್ತಿರಕ್ಕೆ ತಂದರು.
ಮಾರ್ಕ್ರಾಮ್ 207 ಎಸೆತಗಳಲ್ಲಿ 136 ರನ್ ಗಳಿಸಿ ಪಂದ್ಯ ಗೆಲ್ಲುವ ಅದ್ಭುತ ಇನ್ನಿಂಗ್ಸ್ ಆಡಿದರು, ಆದರೆ ಗೆಲ್ಲುವ ಮೊದಲೇ ಔಟಾದರು.
ಆಫ್ರಿಕಾಕ್ಕೆ ಟ್ರೋಫಿ ತಂದುಕೊಟ್ಟ ನಾಯಕ ಟೆಂಬಾ ಬವುಮಾ ಗೆದ್ದ ನಂತರ, ಅವರ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ಬಹಳ ವೈರಲ್ ಆಗುತ್ತಿವೆ.
ಆದರೆ ತೆಂಬಾ ಬವುಮಾ ಹೆಸರಿನ ಅರ್ಥವೇನು ಮತ್ತು ಅವರಿಗೆ ಆ ಯಾರು ಹೆಸರಿಟ್ಟರು ಎಂದು ನಿಮಗೆ ತಿಳಿದಿದೆಯೇ?
ಬವುಮಾ ಅವರ ಅಜ್ಜಿ ಅವರಿಗೆ ಟೆಂಬಾ ಎಂದು ಹೆಸರಿಟ್ಟರಂತೆ. ಅಂದಹಾಗೆ ಟೆಂಬಾ ಎಂಬ ಹೆಸರಿನ ಅರ್ಥ ಭರವಸೆ ಎಂದು.