ಈ ಸೊಳ್ಳೆಗಳಿಂದ ಡೆಂಘಿ ಬರುತ್ತೆ ಹುಷಾರಾಗಿರಿ

ಕರ್ನಾಟಕದಲ್ಲಿ ಡೆಂಘಿ ಭೀತಿ ಆರಂಭವಾಗಿದ್ದು, ಈಗಾಗಲೇ ಡೆಂಘಿ ಕೇಸುಗಳ ಸಂಖ್ಯೆ 1 ಸಾವಿರದ ಗಡಿ ದಾಟಿರುವುದು ಆತಂಕ ಮೂಡಿಸಿದೆ.

ಅದಲ್ಲದೆ ಮಳೆ ಬರುವ ಪ್ರಮಾಣ ಕೂಡ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು ಈ ರೀತಿಯ ಕಾಯಿಲೆಗಳ ಬಗ್ಗೆ ಜನರು ಹೆಚ್ಚಿನ ನಿಗಾ ವಹಿಸುವುದು ಬಹಳ ಮುಖ್ಯವಾಗಿದೆ.

ಡೆಂಘಿ ಹರಡುವ ಸೊಳ್ಳೆಗಳು ಕೆಲವು ಸಮಯದಲ್ಲಿ ಹೆಚ್ಚಾಗಿ ಕಂಡು ಬರುವುದರಿಂದ ಆ ಸಮಯದಲ್ಲಿ ಹೆಚ್ಚಿನ ನಿಗಾ ವಹಿಸುವುದು ಅವಶ್ಯವಾಗಿದೆ.

ಈಡಿಸ್​ ಈಜಿಪ್ಟಿ ಹೆಣ್ಣು ಸೊಳ್ಳೆಯು ಕೇವಲ ಡೆಂಘಿ ಮಾತ್ರವಲ್ಲದೇ ಚಿಕುನ್ ​ಗುನ್ಯಾ, ಝಿಕಾ ವೈರಸ್​ನಂತಹ ಇನ್ನಿತರ ಮಾರಣಾಂತಿಕ ಕಾಯಿಲೆಗಳನ್ನೂ ಹರಡುತ್ತದೆ.

ಈ ಸೊಳ್ಳೆಗಳ ಬಗ್ಗೆ ನಾವು ತಿಳಿದುಕೊಳ್ಳಬಹುದಾದ ಮತ್ತೊಂದು ಅಂಶವೆಂದರೆ ಇವು ತುಂಬಾ ಎತ್ತರಕ್ಕೆ ಹಾರಲಾರವು.

ಈ ಸೊಳ್ಳೆಗಳು ಜನರ ಪಾದ, ಕಾಲು ಹಾಗೂ ಮೊಣಕಾಲುಗಳ ಭಾಗದಲ್ಲಿ ಹೆಚ್ಚಾಗಿ ಕಚ್ಚುತ್ತದೆ. ಅಲ್ಲದೆ ಮೂಳೆಗಳು ಸುಲಭವಾಗಿ ಸಿಗುವ ಜಾಗದಲ್ಲಿ ಕಚ್ಚುತ್ತವೆ

ಡೆಂಘಿ ಸೊಳ್ಳೆಗಳು ಸೂರ್ಯೋದಯ ಆದ ನಂತರ ಸುಮಾರು ಎರಡು ಗಂಟೆಗಳ ಕಾಲ ಮತ್ತು ಸಂಜೆ ಸಮಯದಲ್ಲಿ ಕೆಲವು ಗಂಟೆಗಳ ಕಾಲ ಸಕ್ರಿಯವಾಗಿ ಇರುತ್ತವೆ.