29 ಮಾರ್ಚ್ 2025
Pic credit - X
ಆಪರೇಷನ್ ಬ್ರಹ್ಮ ಎಂದರೇನು? ಇದೇ ಹೆಸರನ್ನು ಆಯ್ಕೆ ಮಾಡಿದ್ದೇಕೆ?
Author: Sushma Chakre
ಮ್ಯಾನ್ಮಾರ್‌ನಲ್ಲಿ ಉಂಟಾದ ಭೂಕಂಪದಿಂದ ಸಾವಿರಾರು ಜನರು ಮೃತಪಟ್ಟಿದ್ದಾರೆ.
Pic credit - X
ಈ ಹಿನ್ನೆಲೆಯಲ್ಲಿ ಭಾರತ ಸರ್ಕಾರ ನೆರೆಯ ದೇಶಕ್ಕೆ ಸಹಾಯ ಮಾಡಲು ಆಪರೇಷನ್ ಬ್ರಹ್ಮ ಮೂಲಕ ಮೂಲಸೌಕರ್ಯಗಳನ್ನು ರವಾನಿಸಿದೆ.
Pic credit - X
ಆದರೆ, ಮ್ಯಾನ್ಮಾರ್ ಭೂಕಂಪ ಪರಿಹಾರಕ್ಕಾಗಿ ಭಾರತ ಹಿಂದೂ ದೇವರ ಹೆಸರನ್ನು ಏಕೆ ಆರಿಸಿಕೊಂಡಿತು? ಎಂಬ ಬಗ್ಗೆ ಇಂದು ವಿದೇಶಾಂಗ ಸಚಿವಾಲಯ ವಿವರಿಸಿದೆ.
Pic credit - X
ಭೂಕಂಪ ಪೀಡಿತ ಮ್ಯಾನ್ಮಾರ್ ಅನ್ನು ಬೆಂಬಲಿಸಲು ಭಾರತ 'ಆಪರೇಷನ್ ಬ್ರಹ್ಮ'ವನ್ನು ಪ್ರಾರಂಭಿಸಿದೆ.
Pic credit - X
ಇದರಡಿ ಟೆಂಟ್ಗಳು, ಸ್ಲೀಪಿಂಗ್ ಬ್ಯಾಗ್ಗಳು, ಕಂಬಳಿಗಳು, ತಿನ್ನಲು ಸಿದ್ಧವಾದ ಊಟ, ನೀರು ಶುದ್ಧೀಕರಣ ಯಂತ್ರಗಳು, ನೈರ್ಮಲ್ಯದ ಕಿಟ್‌ಗಳು, ಔಷಧಿಗಳು ಮತ್ತು ವೈದ್ಯಕೀಯ ಉಪಕರಣಗಳನ್ನು ಕಳುಹಿಸಲಾಗಿದೆ.
Pic credit - X
ಸುಮಾರು 15 ಟನ್ ಪರಿಹಾರ ಸಾಮಗ್ರಿಗಳನ್ನು ಹೊತ್ತ ಭಾರತೀಯ ವಾಯುಪಡೆಯ ಸಿ -130 ಜೆ ವಿಮಾನವು ಇಂದು ಯಾಂಗೋನ್‌ಗೆ ಬಂದಿಳಿದಿದೆ.
Pic credit - X
"ಆಪರೇಷನ್ ಬ್ರಹ್ಮ" ಹೆಸರಿನ ಹಿಂದಿನ ಕಾರಣವನ್ನು ವಿವರಿಸಿದ ವಿದೇಶಾಂಗ ಸಚಿವಾಲಯದ ವಕ್ತಾರ ರಣಧೀರ್ ಜೈಸ್ವಾಲ್, ಬ್ರಹ್ಮನನ್ನು ಸೃಷ್ಟಿಯ ದೇವರು ಎಂದು ಪರಿಗಣಿಸಲಾಗಿದೆ.
Pic credit - X
ಇದು ಮ್ಯಾನ್ಮಾರ್ ಸರ್ಕಾರ ಮತ್ತು ಅದರ ಜನರಿಗೆ ನೆರವು ನೀಡುವತ್ತ ಗಮನಹರಿಸುವ, ವ್ಯಾಪಕ ವಿನಾಶದ ನಂತರ ತಮ್ಮ ರಾಷ್ಟ್ರವನ್ನು ಪುನರ್ನಿರ್ಮಿಸುವಲ್ಲಿ ಅವರನ್ನು ಬೆಂಬಲಿಸುವ ಭಾರತದ ಪ್ರಯತ್ನಗಳನ್ನು ಪ್ರತಿಬಿಂಬಿಸುತ್ತದೆ ಎಂದಿದ್ದಾರೆ.
Pic credit - X
"ಇಂದು ನಾವು ಆಪರೇಷನ್ ಬ್ರಹ್ಮವನ್ನು ಪ್ರಾರಂಭಿಸಿದ್ದೇವೆ. ಬ್ರಹ್ಮ ಸೃಷ್ಟಿಯ ದೇವರು, ಈ ಸಮಯದಲ್ಲಿ ನಾವು ಮ್ಯಾನ್ಮಾರ್ ಸರ್ಕಾರಕ್ಕೆ ಮತ್ತು ವಿನಾಶದ ನಂತರ ತಮ್ಮ ದೇಶವನ್ನು ಪುನರ್ನಿರ್ಮಿಸಲು ಮ್ಯಾನ್ಮಾರ್ ಜನರಿಗೆ ಸಹಾಯ ಹಸ್ತ ಚಾಚುತ್ತಿದ್ದೇವೆ" ಎಂದು ಜೈಸ್ವಾಲ್ ಹೇಳಿದರು.
Pic credit - X
ಶುಕ್ರವಾರ ಮ್ಯಾನ್ಮಾರ್‌ನಲ್ಲಿ 7.7 ತೀವ್ರತೆಯ ಭೂಕಂಪ ಸಂಭವಿಸಿದೆ. ಇದರಿಂದ ಹಲವಾರು ಜನರು ಸಾವನ್ನಪ್ಪಿದರು ಮತ್ತು ದೇಶದ ಮಿಲಿಟರಿ ಜುಂಟಾ ಅಂತಾರಾಷ್ಟ್ರೀಯ ಸಹಾಯವನ್ನು ಕೋರಿತು.
Pic credit - X