ಪ್ರಧಾನಿ ಮೋದಿ ಮುಂದಿನ ವಾರ ಸುಮಾರು 71,000 ನೇಮಕಾತಿ ಪತ್ರಗಳನ್ನು ಹಸ್ತಾಂತರಿಸುವ ಸಾಧ್ಯತೆ

ಪ್ರಧಾನಿ ನದೇಂದ್ರ ಮೋದಿ (PM Narendra Modi) ಅವರು ಮುಂದಿನ ವಾರ ಸುಮಾರು 71,000 ನೇಮಕಾತಿ ಪತ್ರಗಳನ್ನು (Appointment letters) ವರ್ಚುವಲ್ ಆಗಿ ಹಸ್ತಾಂತರಿಸುವ ಸಾಧ್ಯತೆಯಿದೆ. ಈ ಕಾರ್ಯಕ್ರಮವನ್ನು ಏಪ್ರಿಲ್ 13 ರಂದು ನಿಗದಿಪಡಿಸಲಾಗಿದೆ ಮತ್ತು ಕರ್ನಾಟಕವನ್ನು (Karnataka) ಹೊರತುಪಡಿಸಿ ಮಾದರಿ ನೀತಿ ಸಂಹಿತೆ ಜಾರಿಯಲ್ಲಿರುವ ರಾಜ್ಯಗಳಾದ್ಯಂತ 45 ಸ್ಥಳಗಳಲ್ಲಿ ಹೊಸ ನೇಮಕಾತಿ ಪತ್ರಗಳನ್ನು ವಿತರಿಸಲಾಗುತ್ತದೆ. ನೇಮಕಾತಿ ಪತ್ರಗಳ ದೊಡ್ಡ ಭಾಗವು ರೈಲ್ವೆಯಿಂದ (50,000), ನಂತರ ಪೋಸ್ಟ್ಗಳು (6,000) ಮತ್ತು ಹಣಕಾಸು ಸೇವೆಗಳ ಇಲಾಖೆ ಮತ್ತು ರಕ್ಷಣಾ ಸಚಿವಾಲಯದಿಂದ ಬರಲಿದೆ ಎಂದು ಮೂಲಗಳು ತಿಳಿಸಿವೆ.

ರೈಲ್ವೇಯಲ್ಲಿ ಹೊಸ ನೇಮಕಾತಿಗಳಲ್ಲಿ ಹೆಚ್ಚಿನವರು ಗ್ರೂಪ್-ಸಿ ಸೇವೆಗಳಿಗಾಗಿರುತ್ತಾರೆ ಮತ್ತು ಇವರಲ್ಲಿ ಗ್ಯಾಂಗ್‌ಮ್ಯಾನ್ ಮತ್ತು ಪಾಯಿಂಟ್‌ಮ್ಯಾನ್ ಸೇರಿದ್ದಾರೆ ಎಂದು TOI ವರದಿಯಲ್ಲಿ ತಿಳಿಸಲಾಗಿದೆ. ಹೊಸ ವಾಣಿಜ್ಯ ಗುಮಾಸ್ತರ ನೇಮಕಾತಿ ಪತ್ರಗಳನ್ನೂ ಹಸ್ತಾಂತರಿಸಲಾಗುವುದು.

ಪ್ರಧಾನಿ ನರೇಂದ್ರ ಮೋದಿ ಅವರು ಇಲ್ಲಿಯವರೆಗೆ ರೋಜ್‌ಗಾರ್ ಮೇಳಗಳ ಅಧ್ಯಕ್ಷತೆ ವಹಿಸಿದ್ದಾರೆ ಮತ್ತು ಮುಂದಿನ ಲೋಕಸಭೆ ಚುನಾವಣೆ 2024 ರ ಮೊದಲು 10 ಲಕ್ಷ ಉದ್ಯೋಗಗಳನ್ನು ನೀಡುವುದು ಸರ್ಕಾರದ ಘೋಷಣೆಯ ಭಾಗವಾಗಿದೆ.

ಇತ್ತೀಚೆಗಷ್ಟೇ ರೈಲ್ವೆ ಸಚಿವಾಲಯ ಲೋಕಸಭೆಗೆ 3.15 ಲಕ್ಷ ಹುದ್ದೆಗಳು ಖಾಲಿ ಇದ್ದು ಅವುಗಳಲ್ಲಿ ಹೆಚ್ಚಿನವು ಗ್ರೂಪ್-ಸಿ ಸೇವೆಗಳಲ್ಲಿವೆ ಎಂದು ತಿಳಿಸಿತ್ತು. ಪ್ರಶ್ನೆಯೊಂದಕ್ಕೆ ಲಿಖಿತ ಉತ್ತರದಲ್ಲಿ, ಮಾರ್ಚ್ 2023 ರ ಅಂತ್ಯದ ವೇಳೆಗೆ ಗ್ರೂಪ್ ಸಿ ಸೇವೆಗಳಿಗೆ ಸುಮಾರು 38,000 ವ್ಯಕ್ತಿಗಳ ನೇಮಕಾತಿಯನ್ನು ಪೂರ್ಣಗೊಳಿಸುವ ಗುರಿಯನ್ನು ಹೊಂದಿದೆ ಎಂದು ಲೋಕ ಸಭೆಯಲ್ಲಿ ತಿಳಿಸಲಾಗಿದೆ.

ಇದನ್ನೂ ಓದಿ: 49 ಇಂಟೆಲಿಜೆನ್ಸ್ ಆಫೀಸರ್ ಹುದ್ದೆಗಳಿಗೆ ಅರ್ಜಿ ಆಹ್ವಾನ

ರೋಜ್‌ಗಾರ್ ಮೇಳವು ಯುವಕರನ್ನು ಸಬಲೀಕರಣಗೊಳಿಸಲು ಮತ್ತು ಅವರನ್ನು ರಾಷ್ಟ್ರೀಯ ಅಭಿವೃದ್ಧಿಯಲ್ಲಿ ವೇಗವರ್ಧಕರನ್ನಾಗಿ ಮಾಡಲು ಸರ್ಕಾರದ ಯೋಜನೆಯಾಗಿದೆ. ಉದ್ಯೋಗ ಮೇಳವು ಉದ್ಯೋಗ ಸೃಷ್ಟಿಗೆ ಹೆಚ್ಚಿನ ಆದ್ಯತೆಯನ್ನು ನೀಡುತ್ತಾ, ಯುವಕರಿಗೆ ಉದ್ಯೋಗವನ್ನು ಪೂರೈಸುವ ಒಂದು ಹೆಜ್ಜೆಯಾಗಿದೆ ಮತ್ತು ಇದು ಹೆಚ್ಚಿನ ಉದ್ಯೋಗಗಳನ್ನು ಸೃಷ್ಟಿಸಲು ಮತ್ತು ಯುವಜನರಿಗೆ ಅರ್ಥಪೂರ್ಣ ಅವಕಾಶಗಳನ್ನು ಒದಗಿಸುವಲ್ಲಿ ಸರ್ಕಾರಿ ಯೋಜನೆಯಾಗಿದೆ.