ಅಂತೂ ಇಂತು ಗೆಲುವು ಕಂಡ ನಟಿ ಕೃತಿ ಶೆಟ್ಟಿ; ಆದರೆ ಟಾಲಿವುಡ್​ನಲ್ಲಿ ಅಲ್ಲ

ಕೃತಿ ಶೆಟ್ಟಿ ಅವರು ಟಾಲಿವುಡ್​ನಲ್ಲಿ ದೊಡ್ಡ ಮಟ್ಟದ ಹೆಸರು ಮಾಡಿದ್ದಾರೆ. ಅವರು ‘ಉಪ್ಪೇನಾ’ ಸಿನಿಮಾ ಮೂಲಕ ದೊಡ್ಡ ಗೆಲುವು ಕಂಡರು. ಕೃತಿ ಅವರಿಗೆ ತೆಲುಗು ಚಿತ್ರರಂಗದಲ್ಲಿ ಭರ್ಜರಿ ಆಫರ್​ಗಳು ಬರೋಕೆ ಆರಂಭ ಆದವು. ಆದರೆ, ಇತ್ತೀಚೆಗೆ ದೊಡ್ಡ ಮಟ್ಟದ ಗೆಲುವು ಸಿಕ್ಕಿಲ್ಲ. ಇತ್ತೀಚೆಗೆ ಅವರು ಫ್ಲಾಪ್ ನೀಡಿದ್ದೇ ಹೆಚ್ಚು. ಈಗ ಅವರ ಸಿನಿಮಾ ಫ್ಲಾಪ್ ಆಗಿದೆ.

ಕೃತಿ ಶೆಟ್ಟಿ ಅವರು ಮಲಯಾಳಂನಲ್ಲಿ ‘ಅಜಯಂತೆ ರಂದಮ್ ಮೋಷನಮ್’ ಸಿನಿಮಾ ಮಾಡಿದ್ದರು. ಎಆರ್​ಎಂ ಎಂದೇ ಫೇಮಸ್ ಆದವರು ಎಆರ್​ಎಂ. ಈ ಚಿತ್ರದಲ್ಲಿ ಕೃತಿ ನಟಿಸಿದ್ದಾರೆ. ಅವರಿಗೆ ಈ ಚಿತ್ರದಿಂದ ದೊಡ್ಡ ಗೆಲುವು ಸಿಕ್ಕಿದೆ. ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ಬ್ಲಾಕ್​ಬಸ್ಟರ್ ಎನಿಸಿಕೊಂಡಿದೆ. ಈ ಚಿತ್ರ ಈಗಾಗಲೇ 50 ಕೋಟಿ ರೂಪಾಯಿ ಗಳಿಕೆ ಮಾಡಿದೆ.

ಕೃತಿ ಶೆಟ್ಟಿ ಅವರಿಗೆ ಬ್ಯಾಕ್ ಟು ಬ್ಯಾಕ್ ಫ್ಲಾಪ್ ಸಿಕ್ಕಿಂದರಿಂದ ಅವರು ಚಿಂತೆಗೆ ಒಳಗಾಗಿದ್ದರು. ಮುಂದೇನು ಎನ್ನುವ ಪ್ರಶ್ನೆ ಅವರಲ್ಲಿ ಎದುರಾಗಿತ್ತು. ಈಗ ಅವರಿಗೆ ‘ಎಎಂಆರ್​’ ಚಿತ್ರದಿಂದ ಭರ್ಜರಿ ಲಾಟರಿ ಹೊಡೆದಿದೆ ಎಂದೇ ಹೇಳಬಹುದು. ಈ ಕಾರಣಕ್ಕೆ ಅವರಿಗೆ ಮಲಲಯಾಳಂ ಚಿತ್ರರಂಗದಿಂದ ಭರ್ಜರಿ ಆಫರ್​ಗಳು ಬರುವ ನಿರೀಕ್ಷೆ ಇದೆ.

ಕೃತಿ ಶೆಟ್ಟಿ ಅವರಿಗೆ ಬ್ಯಾಡ್ ಇಮೇಜ್ ಸೃಷ್ಟಿ ಆಗಿದೆ ಎಂದು ಅನೇಕರು ಮಾತನಾಡಿಕೊಂಡಿದ್ದು ಇದೆ. ಈ ಕಾರಣದಿಂದ ಅವರು ಕೆಲವು ಆಫರ್ ಕಳೆದುಕೊಂಡಿದ್ದಾರೆ ಎನ್ನುವ ಮಾತೂ ಇದೆ. ಈಗ ಅವರು ತಮಿಳು ಸಿನಿಮಾ ರಂಗದಲ್ಲಿ ಬ್ಯುಸಿ ಆಗಿದ್ದಾರೆ. ‘ವಾ ವಾಟಿಯಾರ್’, ‘ಲವ್ ಇನ್ಸುರೆನ್ಸ್ ಕಂಪನಿ’ ಮತ್ತು ‘ಜೆನಿ’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಇದನ್ನೂ ಓದಿ: ಮಂಕಾಗಿದ್ದ ಕೃತಿ ಶೆಟ್ಟಿಗೆ ಒಲಿದು ಬಂದ ಅದೃಷ್ಟ, ಒಟ್ಟಿಗೆ ಡಬಲ್ ಧಮಾಕ

ಕೃತಿ ಶೆಟ್ಟಿ ಅವರು ಸಣ್ಣ ವಯಸ್ಸಿನಲ್ಲೇ ದೊಡ್ಡ ಮಟ್ಟದ ಜನಪ್ರಿಯತೆ ಪಡೆದರು. 17ನೇ ವಯಸ್ಸಿಗೆ ಅವರು ‘ಉಪ್ಪೇನ’ ಸಿನಿಮಾದಲ್ಲಿ ನಟಿಸಿದರು. ಈ ಚಿತ್ರ ಅವರ ಬದುಕು ಬದಲಿಸಿತು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.