ಕಾಲ್ ಬಿಫೋರ್ ಯು ಡಿಗ್ ಆ್ಯಪ್ ಬಿಡುಗಡೆ ಮಾಡಿದ ಪ್ರಧಾನಿ ಮೋದಿ; ಏನಿದು CBuD? ಇದು ಹೇಗೆ ಕಾರ್ಯವೆಸಗುತ್ತದೆ?

ಪ್ರಧಾನಿ ನರೇಂದ್ರ ಮೋದಿ (Narendra Modi) ಇಂದು (ಬುಧವಾರ) ‘ಕಾಲ್ ಬಿಫೋರ್ ಯು ಡಿಗ್’ (Call before u dig) ಆ್ಯಪ್ ಬಿಡುಗಡೆ ಮಾಡಿದ್ದಾರೆ. CBuD ಮೊಬೈಲ್ ಅಪ್ಲಿಕೇಶನ್ ಸಂವಹನ ಸಚಿವಾಲಯದ ದೂರಸಂಪರ್ಕ ಇಲಾಖೆ (DoT) ಯ ಉಪಕ್ರಮವಾಗಿದೆ. ಅಗೆಯುವ ಏಜೆನ್ಸಿಗಳಿಗೆ ಇಂಟರ್ಫೇಸ್ ಒದಗಿಸುವ ಗುರಿಯನ್ನು ಇದು ಹೊಂದಿದೆ. ಅಲ್ಲಿ ಅವರು ಅಗೆಯುವ ಕಾರ್ಯವನ್ನು ಪ್ರಾರಂಭಿಸುವ ಮೊದಲು ನೆಲದಡಿಯಲ್ಲಿರುವ ಬೇರೆ ಕೇಬಲ್ ಉದಾಹರಣೆಗೆ  ಆಪ್ಟಿಕಲ್ ಫೈಬರ್ ಇದೆಯೇ ಎಂಬುದರ ಬಗ್ಗೆ ವಿಚಾರಿಸಬಹುದು. ಯುಟಿಲಿಟಿ ಮಾಲೀಕರು ಅಪ್ಲಿಕೇಶನ್ ಮೂಲಕ ಸೈಟ್‌ನಲ್ಲಿ ಮುಂಬರುವ ಕೆಲಸದ ಬಗ್ಗೆ ತಿಳಿದುಕೊಳ್ಳಬಹುದಾಗಿದೆ. ಅಗೆಯುವ ಕಾರ್ಯ ಮಾಡುವ ಏಜೆನ್ಸಿಗಳು ಮತ್ತು ಯುಟಿಲಿಟಿ ಮಾಲೀಕರ ನಡುವಿನ ಉತ್ತಮ ಸಮನ್ವಯವು ಗ್ಯಾಸ್ ಪೈಪ್‌ಲೈನ್‌ಗಳು, ನೀರಿನ ಪೈಪ್‌ಲೈನ್‌ಗಳು ಮತ್ತು ಆಪ್ಟಿಕಲ್ ಫೈಬರ್ ಕೇಬಲ್‌ಗಳಂತಹ ವಿವಿಧ ಆಧಾರವಾಗಿರುವ  ಆಸ್ತಿಗಳ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಸಹಾಯ ಮಾಡುತ್ತದೆ. CBuD ಅಪ್ಲಿಕೇಶನ್‌ನಲ್ಲಿ ಅಗೆಯುವ ಕಾರ್ಯದ ಬಗ್ಗೆ ಮಾಹಿತಿಯ ಲಭ್ಯವಿದ್ದು ಇದು ಸಮಯವನ್ನು ಉಳಿಸಲು ಮತ್ತು ಇದರ ಪ್ರಕ್ರಿಯೆಯನ್ನು ಹಾನಿಯಾಗದಂತೆ ಮಾಡಲು ಸಹಾಯ ಮಾಡುತ್ತದೆ.

ದೇಶದ ಆಡಳಿತದಲ್ಲಿ ‘ಸಂಪೂರ್ಣ ಸರ್ಕಾರದ ವಿಧಾನವನ್ನು’ ಅಳವಡಿಸಿಕೊಳ್ಳುವುದನ್ನು ವಿವರಿಸುವ CBuD, ವ್ಯವಹಾರವನ್ನು ಸುಲಭಗೊಳಿಸುವ ಮೂಲಕ ಎಲ್ಲಾ ಪಾಲುದಾರರಿಗೆ ಪ್ರಯೋಜನವನ್ನು ನೀಡುತ್ತದೆ. ಇದು ಸಂಭಾವ್ಯ ವ್ಯಾಪಾರ ನಷ್ಟವನ್ನು ಉಳಿಸುವುದು ಮಾತ್ರವಲ್ಲದೆ ರಸ್ತೆ, ಟೆಲಿಕಾಂ, ನೀರು, ಅನಿಲ ಮತ್ತು ವಿದ್ಯುತ್‌ನಂತಹ ಅಗತ್ಯ ಸೇವೆಗಳಲ್ಲಿ ಅಡಚಣೆ ಕಡಿಮೆ ಮಾಡುವ ಮೂಲಕ ನಾಗರಿಕರಿಗೆ ಅನಾನುಕೂಲತೆಯಾಗದಂತೆ ಮಾಡುತ್ತದೆ.

ಆ್ಯಪ್​​ನ ಅಗತ್ಯವೇನು?

ಸೈಟ್‌ಗಳಲ್ಲಿ ಅಗೆಯುವ ಕೆಲಸ ಮಾಡಿದಾಗ ಏಜೆನ್ಸಿಗಳು ಅಸ್ತಿತ್ವದಲ್ಲಿರುವ ವಸ್ತುಗಳ ಬಗ್ಗೆ ಸಾಕಷ್ಟು ಜ್ಞಾನವನ್ನು ಹೊಂದಿರದ ಕಾರಣ ನೆಲದಡಿಯಲ್ಲಿರುವ ವಸ್ತುಗಳು ಹಾನಿಗೊಳಗಾಗುತ್ತವೆ. ಈ ಹಾನಿಯು ಯುಟಿಲಿಟಿ ಮಾಲೀಕರಿಗೆ ಆರ್ಥಿಕ ನಷ್ಟಕ್ಕೆ ಕಾರಣವಾಗುತ್ತದೆ ಮತ್ತು ಸಾರ್ವಜನಿಕರಿಗೆ ಅನಾನುಕೂಲತೆಯನ್ನು ಉಂಟುಮಾಡುತ್ತದೆ. ಸರ್ಕಾರದ ಪ್ರಕಾರ, ಟೆಲಿಕಾಂ ವಲಯದಲ್ಲಿ ವರ್ಷಕ್ಕೆ ಸುಮಾರು 10 ಲಕ್ಷ OFC (ಆಪ್ಟಿಕಲ್ ಫೈಬರ್ ಕೇಬಲ್) ಕಡಿತವುಂಟಾಗುತ್ತದೆ. ಇದರಿಂದಾಗಿ ಪ್ರತಿ ವರ್ಷ ಅಂದಾಜು ₹ 3,000 ಕೋಟಿ ನಷ್ಟವಾಗುತ್ತದೆ.
CBuD ಅಪ್ಲಿಕೇಶನ್ ನೆಲದಡಿಯಲ್ಲಿರುನ ಸ್ವತ್ತುಗಳನ್ನು ರಕ್ಷಿಸುವ ಮತ್ತು ನಷ್ಟವನ್ನು ತಡೆಗಟ್ಟುವುದಕ್ಕೆ ಸಹಕಾರಿ ಆಗಿದೆ.

ಏನಿದರ ವಿಶೇಷತೆ?

CBuD ಅಪ್ಲಿಕೇಶನ್ ಸಂಪರ್ಕ ವಿವರಗಳನ್ನು ಒಳಗೊಂಡಂತೆ ಯುಟಿಲಿಟಿ ಮಾಲೀಕರ ಬಗ್ಗೆ ಅಗೆಯುವವರಿಗೆ ಮಾಹಿತಿಯನ್ನು ಒದಗಿಸುತ್ತದೆ, ಇದರಿಂದ ಇಬ್ಬರೂ ಸಮನ್ವಯದಿಂದ ಕೆಲಸ ಮಾಡಬಹುದು. ಪಿಎಂ ಗತಿಶಕ್ತಿ ಎನ್‌ಎಂಪಿ ಪ್ಲಾಟ್‌ಫಾರ್ಮ್‌ನಲ್ಲಿ ಜಿಐಎಸ್ ನಿರ್ದೇಶಾಂಕಗಳನ್ನು ಬಳಸಿಕೊಂಡು ಯುಟಿಲಿಟಿ ಮಾಲೀಕರು ಅಸ್ತಿತ್ವದಲ್ಲಿರುವ ಸ್ವತ್ತುಗಳನ್ನು ನಕ್ಷೆ ಮಾಡಿದರೆ, ಅಗೆಯುವವರಿಗೆ ನೆಲದಡಿಯಲ್ಲಿರುವ ಆಸ್ತಿಗಳ ಸ್ಥಳವನ್ನು ಸಹ ತಿಳಿಯಲು ಸಾಧ್ಯವಾಗುತ್ತದೆ. ಅಗೆಯುವವರು ಮತ್ತು ಯುಟಿಲಿಟಿ ಮಾಲೀಕರು ಎಸ್ಎಂಎಸ್, ಇ-ಮೇಲ್ ಮತ್ತು ಅಪ್ಲಿಕೇಶನ್‌ನಲ್ಲಿ ಅಧಿಸೂಚನೆಯನ್ನು ಸ್ವೀಕರಿಸುತ್ತಾರೆ. ಏಜೆನ್ಸಿಗಳು ಅಪ್ಲಿಕೇಶನ್‌ನಲ್ಲಿ ” Click to call ” ವೈಶಿಷ್ಟ್ಯವನ್ನು ಸಹ ಬಳಸಬಹುದು.

ಇದನ್ನೂ ಓದಿ:ಮಲಯಾಳಂನಲ್ಲಿ ಸ್ತ್ರೀಲಿಂಗ ಮಾತ್ರ ಬಳಸಿಕೊಂಡ ದೇಶದ ಮೊದಲ ಮಸೂದೆಗೆ ಕೇರಳ ಸರ್ಕಾರ ಅಂಗೀಕಾರ

ಬಳಕೆದಾರರು ಫೆಸಿಲಿಟೇಶನ್ ನಂ. 0755-2700802ಗೆ ಕರೆ ಮಾಡಿ ) CBuD ಅಪ್ಲಿಕೇಶನ್ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ತಿಳಿದುಕೊಳ್ಳಬಹುದು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ