Obed McCoy: ಚೊಚ್ಚಲ ಐಪಿಎಲ್ನಲ್ಲೇ 20ನೇ ಓವರ್ ಬೌಲಿಂಗ್: ರಾಜಸ್ಥಾನಕ್ಕೆ ರೋಚಕ ಗೆಲುವು ತಂದುಕೊಟ್ಟ ಮೆಕಾಯ್
RR vs KKR, IPL 2022: ಮೆಕಾಯ್ ಅವರು 3.4 ಓವರ್ಗಳಲ್ಲಿ 41 ರನ್ಗಳಿಗೆ ಎರಡು ವಿಕೆಟ್ಗಳನ್ನು ಪಡೆದರು. ಕೊನೆಯ ಓವರ್ನಲ್ಲಿ 11 ರನ್ಗಳನ್ನು ಡಿಫೆಕ್ಟ್ ಮಾಡಬೇಕಿತ್ತು. ಅದ್ಭುತ ಬೌಲಿಂಗ್ ಪ್ರದರ್ಶಿಸಿದ ಇವರು 20ನೇ ಓವರ್ ನಲ್ಲಿ ಕೇವಲ ಮೂರು ರನ್ ಬಿಟ್ಟುಕೊಟ್ಟು ಎರಡು ವಿಕೆಟ್ ಪಡೆದು ಗೆಲುವಿನ ರೂವಾರಿಯಾದರು.
ಐಪಿಎಲ್ ನಲ್ಲಿ ಸೋಮವಾರ ನಡೆದ ರೋಚಕ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವನ್ನು ಸೋಲಿಸಿದ ರಾಜಸ್ಥಾನ್ ರಾಯಲ್ಸ್ ಈ ಋತುವಿನ ನಾಲ್ಕನೇ ಗೆಲುವು ದಾಖಲಿಸಿತು. ಆರ್ ಆರ್ ಟೀಮ್ ನ ಪರ ಪದಾರ್ಪಣೆ ಪಂದ್ಯದಲ್ಲೇ ಒಬೆಡ್ ಮೆಕಾಯ್ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಅದರಲ್ಲೂ ಡೆತ್ ಓವರ್ ಗಳಲ್ಲಿ ಇವರ ಅಮೋಘ ಬೌಲಿಂಗ್ ತಂಡಕ್ಕೆ ಜಯ ತಂದುಕೊಟ್ಟಿತು. (Obed Mcoy Instagram)
ಒಬೆಡ್ ಮೆಕಾಯ್ ವೆಸ್ಟ್ ಇಂಡೀಸ್ ಆಲ್ ರೌಂಡರ್ ಆಗಿದ್ದು, 2018 ರಲ್ಲಿ ಅಂತರರಾಷ್ಟ್ರೀಯ ಕ್ರಿಕೆಟ್ ಗೆ ಪದಾರ್ಪಣೆ ಮಾಡಿದರು. 2018 ರ ಕೆರಿಬಿಯನ್ ಪ್ರೀಮಿಯರ್ ಲೀಗ್ ನಲ್ಲಿ ಸೇಂಟ್ ಲೂಸಿಯಾ ಪರ ಕಣಕ್ಕಿಳಿದರು ಅತಿ ಹೆಚ್ಚು ವಿಕೆಟ್ ಪಡೆದರು. ಅವರು 2019 ರಲ್ಲಿ ODI ಗೆ ಕೂಡ ಕಾಲಿಟ್ಟರು. ವೆಸ್ಟ್ ಇಂಡೀಸ್ ಪರ 2 ODIಗಳಲ್ಲಿ 4 ವಿಕೆಟ್ ಮತ್ತು 13 T20 ಪಂದ್ಯಗಳಲ್ಲಿ 19 ವಿಕೆಟ್ ಕಿತ್ತಿದ್ದಾರೆ. (Obed Mcoy Instagram)
ಈ ವರ್ಷದ ಐಪಿಎಲ್ ಮೆಗಾ ಹರಾಜಿನಲ್ಲಿ ರಾಜಸ್ಥಾನ್ ಫ್ರಾಂಚೈಸಿ ಇವರನ್ನು 75 ಲಕ್ಷ ರೂ.ಗೆ ಖರೀದಿಸಿತ್ತು. ಸೋಮವಾರ ಚೊಚ್ಚಲ ಪಂದ್ಯವಾಡಲು ಇವರಿಗೆ ಅವಕಾಶ ಒಲಿದು ಬಂತು. (Obed Mcoy Instagram)
ಮೆಕಾಯ್ ಅವರು 3.4 ಓವರ್ಗಳಲ್ಲಿ 41 ರನ್ಗಳಿಗೆ ಎರಡು ವಿಕೆಟ್ಗಳನ್ನು ಪಡೆದರು. ಕೊನೆಯ ಓವರ್ನಲ್ಲಿ 11 ರನ್ಗಳನ್ನು ಡಿಫೆಕ್ಟ್ ಮಾಡಬೇಕಿತ್ತು. ಅದ್ಭುತ ಬೌಲಿಂಗ್ ಪ್ರದರ್ಶಿಸಿದ ಇವರು 20ನೇ ಓವರ್ ನಲ್ಲಿ ಕೇವಲ ಮೂರು ರನ್ ಬಿಟ್ಟುಕೊಟ್ಟು ಎರಡು ವಿಕೆಟ್ ಪಡೆದು ಗೆಲುವಿನ ರೂವಾರಿಯಾದರು.
ಗೆಲುವಿನ ನಂತರ ಪುಷ್ಪ ಸಿನಿಮಾದಲ್ಲಿ ಅಲ್ಲು ಅರ್ಜುನ್ ರೀತಿ ಅದ್ಧೂರಿಯಾಗಿ ಸಂಭ್ರಮಿಸಿದರು. ಇದೀಗ ಈ ವಿಡಿಯೋ ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿದೆ.
Published On - 12:20 pm, Tue, 19 April 22