Asia Cup 2023: ಪಾಕ್ ವಿರುದ್ಧದ ಪಂದ್ಯದಲ್ಲಿ ದಾಖಲೆ ಸೃಷ್ಟಿಸಲು ತಯಾರಾಗಿದ್ದಾರೆ ಭಾರತದ 6 ಬ್ಯಾಟರ್ಗಳು
Top Milestones Indian Players in Asia Cup 2023: ಏಷ್ಯಾಕಪ್ನಲ್ಲಿ ಭಾರತ ತಂಡವನ್ನು ರೋಹಿತ್ ಶರ್ಮಾ ನಾಯಕನಾಗಿ ಮುನ್ನಡೆಸಲಿದ್ದಾರೆ. ಇದರ ಜೊತೆಗೆ ಏಕದಿನ ಕ್ರಿಕೆಟ್ನಲ್ಲಿ ನೂತನ ದಾಖಲೆಯ ಹೊಸ್ತಿಲಲ್ಲಿದ್ದಾರೆ. ಹಿಟ್ಮ್ಯಾನ್ 10,000 ODI ರನ್‌ಗಳ ಕ್ಲಬ್‌ ಕೇವಲ 163 ರನ್‌ಗಳಷ್ಟೆ ಬೇಕಾಗಿದೆ.
ಏಷ್ಯಾಕಪ್ 2023 ಟೂರ್ನಿಗೆ ಅಧಿಕೃತ ಚಾಲನೆ ಸಿಕ್ಕಾಗಿದೆ. ಮೊದಲ ಪಂದ್ಯದಲ್ಲಿ ನೇಪಾಳ ವಿರುದ್ಧ ಪಾಕಿಸ್ತಾನ ಭರ್ಜರಿ ಜಯ ಸಾಧಿಸಿದೆ. ಭಾರತ ತನ್ನ ಮೊದಲ ಪಂದ್ಯವನ್ನು ಸೆಪ್ಟೆಂಬರ್ 2 ರಂದು ಪಾಕಿಸ್ತಾನ ವಿರುದ್ಧ ಆಡುವ ಮೂಲಕ ಅಭಿಯಾನ ಆರಂಭಿಸಲಿದೆ. ಈ ಪಂದ್ಯದಲ್ಲಿ ಭಾರತೀಯ ಕೆಲ ಆಟಗಾರರು ನೂತನ ದಾಖಲೆಯ ಹೊಸ್ತಿಲಲ್ಲಿದ್ದಾರೆ.
ಏಷ್ಯಾಕಪ್ನಲ್ಲಿ ಭಾರತ ತಂಡವನ್ನು ರೋಹಿತ್ ಶರ್ಮಾ ನಾಯಕನಾಗಿ ಮುನ್ನಡೆಸಲಿದ್ದಾರೆ. ಇದರ ಜೊತೆಗೆ ಏಕದಿನ ಕ್ರಿಕೆಟ್ನಲ್ಲಿ ನೂತನ ದಾಖಲೆಯ ಹೊಸ್ತಿಲಲ್ಲಿದ್ದಾರೆ. ಹಿಟ್ಮ್ಯಾನ್ 10,000 ODI ರನ್‌ಗಳ ಕ್ಲಬ್‌ ಕೇವಲ 163 ರನ್‌ಗಳಷ್ಟೆ ಬೇಕಾಗಿದೆ. ಸದ್ಯ ರೋಹಿತ್ 48.69 ಸರಾಸರಿಯಲ್ಲಿ, 30 ಶತಕಗಳು ಮತ್ತು 48 ಅರ್ಧಶತಕಗಳ ಸಿಡಿದ್ದಾರೆ.
ರನ್ ಮೆಷಿನ್ ವಿರಾಟ್ ಕೊಹ್ಲಿ ಕೂಡ ದಾಖಲೆ ಮುರಿಯಲು ತುದಿಗಾಲಲ್ಲಿ ನಿಂತಿದ್ದಾರೆ. 13,000 ODI ರನ್‌ಗಳನ್ನು ತಲುಪಲು ಕೊಹ್ಲಿಗೆ ಕೇವಲ 102 ರನ್‌ಗಳ ಅಗತ್ಯವಿದೆ, ಈ ಸಾಧನೆ ಮಾಡಿದ ಎರಡನೇ ಭಾರತೀಯರಾಗಲಿದ್ದಾರೆ. ಅಲ್ಲದೆ ಸಚಿನ್ ತೆಂಡೂಲ್ಕರ್ ಅವರ 34,357 ಅಂತರರಾಷ್ಟ್ರೀಯ ರನ್‌ಗಳ ಬೃಹತ್ ದಾಖಲೆಯ ಮೇಲೆ ಕಣ್ಣಿಟ್ಟಿದ್ದು, ಇದನ್ನು ಮುರಿಯಲು 418 ರನ್‌ಗಳು ಬಾಕಿಯಿದೆ.
ಶುಭ್‌ಮನ್ ಗಿಲ್ ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅದರಲ್ಲೂ ಏಕದಿನ ಕ್ರಿಕೆಟ್ನಲ್ಲಿ ಭರ್ಜರಿ ಫಾರ್ಮ್ನಲ್ಲಿದ್ದಾರೆ. ಇವರು 62.47 ರ ಸರಾಸರಿಯೊಂದಿಗೆ 2,000 ODI ರನ್‌ಗಳನ್ನು ತಲುಪಲು ಕೇವಲ 563 ರನ್‌ಗಳ ದೂರದಲ್ಲಿದ್ದಾರೆ. ಒಟ್ಟಾರೆಯಾಗಿ ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ 3,000 ರನ್‌ಗಳ ಗಡಿಯತ್ತ ದಾಪುಗಾಲಿಡುತ್ತಿದ್ದಾರೆ.
ನಾಲ್ಕನೇ ಕ್ರಮಾಂಕದಲ್ಲಿ ಕಣಕ್ಕಿಳಿಯಲಿರುವ ಶ್ರೇಯಸ್ ಅಯ್ಯರ್ ಮೇಲೆ ಬೆಟ್ಟದಷ್ಟು ನಿರೀಕ್ಷೆಯಿದೆ. ಸ್ಪಿನ್ನರ್ಗಳ ವಿರುದ್ಧ ಅಮೋಘ ಆಟವಾಡುವ ಅಯ್ಯರ್ 2,000 ODI ರನ್‌ಗಳ ಗಡಿ ತಲುಪಲು ಕೇವಲ 369 ರನ್‌ಗಳಷ್ಟೆ ಬೇಕಾಗಿದೆ. ಈ ಬಾರಿಯ ಏಷ್ಯಾಕಪ್ನಲ್ಲಿ ಅಯ್ಯರ್ ಈ ಸಾಧನೆ ಮಾಡಲಿದ್ದಾರೆ.
ಇಂಜುರಿಯಿಂದ ಗುಣಮುಖರಾಗುತ್ತಿರುವ ಕೆಎಲ್ ರಾಹುಲ್ ಎರಡು ಮೈಲಿಗಲ್ಲುಗಳ ಅಂಚಿನಲ್ಲಿದ್ದಾರೆ. 2,000 ODI ರನ್ ಬಾರಿಸಲು 14 ರನ್‌ಗಳು ಬೇಕಾಗಿವೆಯಷ್ಟೆ. ಜೊತೆಗೆ 7,000 ಅಂತರರಾಷ್ಟ್ರೀಯ ರನ್‌ಗಳನ್ನು ಪೂರೈಸಲು 107 ರನ್‌ಗಳ ಅವಶ್ಯಕತೆಯಿದೆ. ಸದ್ಯದಲ್ಲೇ ರಾಹುಲ್ ಈ ದಾಖಲೆ ನಿರ್ಮಿಸಿದ್ದಾರೆ.
ಭಾರತದ ಅಗ್ರಮಾನ್ಯ ಆಲ್‌ರೌಂಡರ್ ರವೀಂದ್ರ ಜಡೇಜಾ ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ 6,000 ರನ್ ಗಡಿ ತಲುಪಲು ಕೇವಲ 179 ರನ್‌ಗಳ ಅಗತ್ಯವಿದೆ. ಬ್ಯಾಟ್ ಮತ್ತು ಬಾಲ್ ಎರಡರಲ್ಲೂ ಮಿಂಚುತ್ತಿರುವ ಜಡೇಜಾ ಏಷ್ಯಾಕಪ್ 2023 ರಲ್ಲಿ ಈ ದಾಖಲೆ ನಿರ್ಮಿಸಲು ತುದಿಗಾಲಿನಲ್ಲಿ ನಿಂತಿದ್ದಾರೆ.
ಟೀಮ್ ಇಂಡಿಯಾದ ಮತ್ತೋರ್ವ ಆಲ್‌ರೌಂಡರ್ ಅಕ್ಷರ್ ಪಟೇಲ್ 150 ಅಂತರರಾಷ್ಟ್ರೀಯ ವಿಕೆಟ್‌ಗಳನ್ನು ಗಳಿಸಲು ಕೇವಲ ಮೂರು ವಿಕೆಟ್‌ಗಳ ಅಂತರದಲ್ಲಿದ್ದಾರೆ. ಟೆಸ್ಟ್, ಏಕದಿನ, ಮತ್ತು ಟಿ20 ಅಂತರರಾಷ್ಟ್ರೀಯ ಕ್ರಿಕೆಟ್ ಒಳಗೊಂಡಂತೆ ಅವರ ಖಾತೆಯಲ್ಲಿ 147 ವಿಕೆಟ್‌ಗಳಿವೆ.