ವಿಶ್ವಕಪ್ನಲ್ಲಿ ಕಾಣಿಸಿಕೊಳ್ಳುತ್ತಿರುವ ಅಫ್ಘಾನಿಸ್ತಾನದ ಈ ಮಿಸ್ಟರಿ ಬ್ಯೂಟಿ ಯಾರು ಗೊತ್ತೇ?
Who Is Afghanistan Mystery Girl Wazhma Ayoubi: ಭಾರತ ಹಾಗೂ ಅಫ್ಘಾನಿಸ್ತಾನ ಪಂದ್ಯ ನಡೆಯುತ್ತಿದ್ದರೆ ಅಲ್ಲಿ ಇವರು ಹಾಜರಿರುತ್ತಾರೆ. ಇದರ ಹೆಸರು ವಾಜ್ಮಾ ಅಯೂಬಿ. ವಾಜ್ಮಾ ಉದ್ಯಮಿ, ರೂಪದರ್ಶಿ ಮತ್ತು ಕ್ರಿಕೆಟ್ ಅಭಿಮಾನಿ. ಮೂಲತಃ ಅಫ್ಘಾನ್ ದೇಶದವರಾದ ಇವರು ಅಫ್ಘಾನಿಸ್ತಾನ ತಂಡವನ್ನು ಹುರಿದುಂಬಿಸಲು ಭಾರತಕ್ಕೆ ಬಂದಿದ್ದಾರೆ.
ಭಾರತದಲ್ಲಿ ನಡೆಯುತ್ತಿರುವ ಐಸಿಸಿ ಏಕದಿನ ವಿಶ್ವಕಪ್ 2023 ಟೂರ್ನಿ ರೋಚಕತೆ ಸೃಷ್ಟಿಸುತ್ತಿದೆ. ಟೀಮ್ ಇಂಡಿಯಾದ ಪಂದ್ಯಕ್ಕೆ ಮಾತ್ರವಲ್ಲದೆ ಇತರೆ ತಂಡಗಳ ನಡುವಣ ಪಂದ್ಯಕ್ಕೆ ಕೂಡ ಸ್ಟೇಡಿಯಂನ ಹೌಸ್ಫುಲ್ ಆಗಿದೆ. ಇದರ ನಡುವೆ ವಿಶ್ವಕಪ್ ಪಂದ್ಯದಲ್ಲಿ ಮಿಸ್ಟರಿ ಬ್ಯೂಟಿ ಒಬ್ಬರು ಕಾಣಿಸಿಕೊಂಡಿದ್ದಾರೆ.
ಭಾರತ ಹಾಗೂ ಅಫ್ಘಾನಿಸ್ತಾನ ಪಂದ್ಯ ನಡೆಯುತ್ತಿದ್ದರೆ ಅಲ್ಲಿ ಇವರು ಹಾಜರಿರುತ್ತಾರೆ. ಇದರ ಹೆಸರು ವಾಜ್ಮಾ ಅಯೂಬಿ. ವಾಜ್ಮಾ ಉದ್ಯಮಿ, ರೂಪದರ್ಶಿ ಮತ್ತು ಕ್ರಿಕೆಟ್ ಅಭಿಮಾನಿ. ಮೂಲತಃ ಅಫ್ಘಾನ್ ದೇಶದವರಾದ ಇವರು ಅಫ್ಘಾನಿಸ್ತಾನ ತಂಡವನ್ನು ಹುರಿದುಂಬಿಸಲು ಭಾರತಕ್ಕೆ ಬಂದಿದ್ದಾರೆ.
ಅಫ್ಘಾನಿಸ್ತಾನ ಬಿಟ್ಟರೆ ಇವರ ನೆಚ್ಚಿನ ತಂಡ ಅದು ಟೀಮ್ ಇಂಡಿಯಾ ಎಂದು ಸ್ವತಃ ಅವರೇ ಹೇಳಿದ್ದಾರೆ. ವಜ್ಮಾ ಭಾರತವನ್ನು ತನ್ನ ಎರಡನೇ ಮನೆ ಎಂದು ಹೇಳಿಕೊಂಡಿದ್ದಾರೆ. ಭಾರತದ ಜೆರ್ಸಿಯಲ್ಲಿ ಇವರು ತೆಗೆದುಕೊಂಡಿರುವ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಧೂಳೆಬ್ಬಿಸಿದೆ.
ಈ ಹಿಂದೆ ಏಷ್ಯಾಕಪ್ 2023 ಸಂದರ್ಭದಲ್ಲಿ ಕೂಡ ವಾಜ್ಮಾ ಅಯೂಬಿ ಸೋಷಿಯನ್ ಮೀಡಿಯಾದಲ್ಲಿ ಸದ್ದು ಮಾಡಿದ್ದರು. ಭಾರತ-ಪಾಕ್ ಪಂದ್ಯ ಇರುವಾಗ ಕೂಡ ಇವರು ಕಾಣಿಸಿಕೊಂಡಿದ್ದರು. ವಾಜ್ಮಾ ಪ್ರಸ್ತುತ ದುಬೈನಲ್ಲಿ ನೆಲೆಸಿದ್ದು ಯುಎಇ ಮೂಲದ ಮಾಡೆಲ್ ಆಗಿದ್ದಾರೆ. ಗ್ಲೋಬಲ್ ಮ್ಯಾನೇಜ್ಮೆಂಟ್ ಮತ್ತು ಲೀಡರ್ಶಿಪ್ನಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದುಕೊಂಡಿದ್ದಾರೆ.
ವಾಜ್ಮಾ ಉದ್ಯಮಿಯಾಗಿದ್ದು ಅವರ ಇನ್ಸ್ಟಾಗ್ರಾಮ್ ಫಾಲೋವರ್ಸ್ ಸಂಖ್ಯೆ 5.76 ಲಕ್ಷ ಆಗಿದೆ. ಇವರು ಭಾರತದ ಮೇಲಿನ ಪ್ರೀತಿಯನ್ನು ತೋರ್ಪಡಿಸುತ್ತಿರುವುದು ಇದೇ ಮೊದಲಲ್ಲ. ಈ ಮೊದಲು ಐಪಿಎಲ್ನಲ್ಲೂ ಕಾಣಿಸಿಕೊಂಡಿದ್ದರು. ಐಪಿಎಲ್ 2023 ರ ಸಂದರ್ಭದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ನಡುವಿನ ಪಂದ್ಯವನ್ನು ವೀಕ್ಷಿಸಲು ವಾಜ್ಮಾ ಬಂದಿದ್ದರು.
ವಾಜ್ಮಾ ಅವರಿಗೆ ಭಾರತೀಯ ಚಿತ್ರರಂಗದಲ್ಲಿ ಕಾಣಿಸಿಕೊಳ್ಳಬೇಕು ಎಂಬ ಬಯಕೆ ಕೂಡ ಇದೆಯಂತೆ. ಬಾಲಿವುಡ್ನಲ್ಲಿ ಕೆಲಸ ಮಾಡುವ ಕುರಿತು ಮಾತನಾಡಿದ್ದಾರೆ. ಈ ಹಿಂದೆ ಇವರು ನಟ ಅಕ್ಷಯ್ ಕುಮಾರ್, ಕರಣ್ ಜೋಹಾರ್ ಜೊತೆಗೆ ಫೋಟೋದಲ್ಲಿ ಕಾಣಿಸಿಕೊಂಡಿದ್ದರು. ಮನೋರಂಜನಾ ಕ್ಷೇತ್ರದಲ್ಲಿ ಮಿಂಚುವ ಕನಸು ಇವರಿಗಿದೆ.