iPhone 14 Max: ಭಾರತದಲ್ಲಿ ಯಾವಾಗ ರಿಲೀಸ್ ಆಗಲಿದೆ ಐಫೋನ್ 14 ಮ್ಯಾಕ್ಸ್?: ಇದರ ಬೆಲೆ ಎಷ್ಟಿರಬಹುದು?
iPhone 14 Max: ಆ್ಯಪಲ್ ಪ್ರಿಯರು ತುದಿಗಾಲಿನಲ್ಲಿ ನಿಂತು ಕಾಯುತ್ತಿರುವ ಐಫೋನ್ 14 ಮ್ಯಾಕ್ಸ್ ಫೋನ್ ಯಾವಾಗ ಬಿಡುಗಡೆ ಆಗಲಿದೆ ಎಂಬ ಸಿಳಿವೊಂದು ಸೋರಿಕೆಯಾಗಿದೆ. ಇದರ ಪ್ರಕಾರ ಈ ಬಹುನಿರೀಕ್ಷಿತ ಫೋನ್ ಈ ವರ್ಷದ ಕೊನೆಯಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿದೆ.
ಆ್ಯಪಲ್ ಪ್ರಿಯರು ತುದಿಗಾಲಿನಲ್ಲಿ ನಿಂತು ಕಾಯುತ್ತಿರುವ ಐಫೋನ್ 14 ಮ್ಯಾಕ್ಸ್ ಫೋನ್ ಯಾವಾಗ ಬಿಡುಗಡೆ ಆಗಲಿದೆ ಎಂಬ ಸಿಳಿವೊಂದು ಸೋರಿಕೆಯಾಗಿದೆ. ಇದರ ಪ್ರಕಾರ ಈ ಬಹುನಿರೀಕ್ಷಿತ ಫೋನ್ ಈ ವರ್ಷದ ಕೊನೆಯಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿದೆ. ಪ್ರತಿ ವರ್ಷದಂತೆ, ಮುಂಬರುವ ಐಫೋನ್ ಸರಣಿಯು ನಾಲ್ಕು ಹೊಸ ಮಾದರಿಗಳನ್ನು ಒಳಗೊಂಡಿರುತ್ತದೆ. ಆದರೆ ಈ ಬಾರಿ ಯಾವುದೇ ಮಿನಿ ಮಾದರಿ ಇರುವುದಿಲ್ಲ. ಬದಲಾಗಿ, ಆ್ಯಪಲ್ ಈ ಬಾರಿ ಐಫೋನ್ 14 ಮ್ಯಾಕ್ಸ್ ಪ್ರಾರಂಭಿಸುವ ಸಾಧ್ಯತೆಯಿದೆ.
ಈಗಾಗಲೇ iPhone 14 ಸರಣಿಯ ಅಚ್ಚುಗಳೆಂದು ಹೇಳಿಕೊಳ್ಳುವ ಒಂದು ಫೋಟೋ ವಿಶ್ವದಾದ್ಯಂತ ಕುತೂಹಲಕ್ಕೆ ಕಾರಣವಾಗಿದ್ದು, ಚೀನಾದ ಜನಪ್ರಿಯ ಮೈಕ್ರೋಬ್ಲಾಗಿಂಗ್ ವೆಬ್ಸೈಟ್ Weiboನಲ್ಲಿ ಪ್ರಕಟಿಸಲಾಗಿದೆ. ಈ ಫೋಟೋದಲ್ಲಿರುವುದು iPhone 14 ಸರಣಿ ಸ್ಮಾರ್ಟ್ಫೋನ್ಗಳೇ ಆಗಿರಬಹುದು ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.
ಕಂಪನಿಯು ಪ್ರಸ್ತುತ ಈ ವರ್ಷದ ಆರಂಭದಲ್ಲಿ ಬಿಡುಗಡೆಯಾದ iPhone SE (2022) ಮಾರಾಟ ಮಾಡುತ್ತಿದೆ. iPhone SE (2022) 64GB ಮಾದರಿ 43,900 ರೂಗಳ ಆರಂಭಿಕ ಬೆಲೆಯಲ್ಲಿ ಲಭ್ಯವಿದೆ ಮತ್ತು 256GB ಸ್ಟೋರೇಜ್ ಮಾದರಿ ರೂ. 58900 ವರೆಗೆ ಹೋಗುತ್ತದೆ.
iPhone 14 Max ಹಿಂದಿನ iPhone 12 ನಂತಹ ವಿಶಾಲ ದರ್ಜೆಯೊಂದಿಗೆ 6.1-ಇಂಚಿನ ಡಿಸ್ಪ್ಲೇ ಒಳಗೊಂಡಿರುತ್ತದೆ ಎಂದು ಹೇಳಲಾಗುತ್ತದೆ. ಪ್ರೊ ಮಾದರಿಗಳು ವಿಭಿನ್ನ ವಿನ್ಯಾಸವನ್ನು ಒಳಗೊಂಡಿರುತ್ತವೆ ಮತ್ತು ಮಾತ್ರೆ-ಆಕಾರದ ನಾಚ್ ಒಳಗೊಂಡಿರುತ್ತವೆ.
ಕ್ಯಾಮೆರಾಗಳ ವಿಷಯದಲ್ಲಿ, ಐಫೋನ್ 14 ಹಿಂದಿನ ಪ್ಯಾನೆಲ್ ನಲ್ಲಿ ಎರಡು ಕ್ಯಾಮೆರಾ ಸಂವೇದಕಗಳನ್ನು ಮತ್ತು ಐಫೋನ್ 13 ಸರಣಿಯಂತೆಯೇ ವಿಶಾಲವಾದ ನಾಚ್ನ ಮುಂಭಾಗದಲ್ಲಿ ಒಂದೇ ಸಂವೇದಕವನ್ನು ಒಳಗೊಂಡಿರುತ್ತದೆ.
ಭಾರತದಲ್ಲಿ iPhone 14 Pro Max ಖಚಿತ ಬೆಲೆ ತಿಳಿದುಬಂದಿಲ್ಲ. ಆದರ, ಟಿಪ್ಸ್ಟರ್ರೊಬ್ಬರು ಈಗಾಗಲೇ ಎಲ್ಲಾ ನಾಲ್ಕು ಮಾದರಿಗಳ ಬೆಲೆಯನ್ನು ಸೋರಿಕೆ ಮಾಡಿದ್ದಾರೆ. ಅವರ ಪ್ರಕಾರ, iPhone 14 Pro Max ಬೆಲೆ $899 ಆಗಿರುತ್ತದೆ, ಇದು ಭಾರತದಲ್ಲಿ ಸರಿಸುಮಾರು 70,000 ರೂ. ಆದಾಗ್ಯೂ, ಹೆಚ್ಚಿನ ಆಮದು ಸುಂಕ ಮತ್ತು ಜಿಎಸ್ಟಿಯಿಂದಾಗಿ ಭಾರತದಲ್ಲಿ ಸ್ಮಾರ್ಟ್ಫೋನಿನ ಬೆಲೆ ಸ್ವಲ್ಪ ಹೆಚ್ಚಿರಬಹುದು.
Published On - 6:03 am, Wed, 18 May 22