World Penguin Day 2023: ತಂಪು ಪ್ರದೇಶದಲ್ಲಿ ವಾಸಿಸುವ ಪುಟ್ಟ ಪೆಂಗ್ವಿನ್ ಜಗತ್ತು ಬಲು ವಿಸ್ಮಯ
ಈ ಪೆಂಗ್ವಿನ್ ಪಕ್ಷಿಯು ಅಪಾಯದ ಅಂಚಿನಲ್ಲಿದೆ. ಇವುಗಳ ಸಂತತಿ ದಿನದಿಂದ ದಿನಕ್ಕೆ ಕ್ಷೀಣಿಸುತ್ತಿದೆ. ಪೆಂಗ್ವಿನ್‌ನಲ್ಲಿ ಎರಡು ವಿಧಗಳಿವೆ. ಒಂದು ಕಪ್ಪು ಪೆಂಗ್ವಿನ್ ಮತ್ತೊಂದು ಬಿಳಿ ಪೆಂಗ್ವಿನ್.
ಮೊದಲ ನೋಟದಲ್ಲಿ ದೃಢಕಾಯದ ಮನುಷ್ಯರಂತೆ ಕಾಣುವ ಪೆಂಗ್ವಿನ್ ಪಕ್ಷಿಗಳು ನೋಡಲು ಮುದ್ದಾಗಿರುತ್ತವೆ. ಮಕ್ಕಳಿಗೆ ಪೆಂಗ್ವಿನ್ ಎಂದರೆ ಬಲು ಪ್ರೀತಿ. ಏಪ್ರಿಲ್ 25ರಂದು ವಿಶ್ವ ಪೆಂಗ್ವಿನ್ ಡೇಯನ್ನು ಆಚರಿಸಲಾಗುತ್ತದೆ.
ಪೆಂಗ್ವಿನ್ ಗಳು ಅಂಟಾರ್ಟಿಕಾ ಪ್ರದೇಶದ ದೇಶಗಳಾದ ದಕ್ಷಿಣ ಆಫ್ರಿಕಾ, ಆಸ್ಪ್ರೇಲಿಯಾ, ನ್ಯೂಜಿಲೆಂಡ್‌, ಚಿಲಿ, ಗಲಪಗೋಸ್‌ ದ್ವೀಪ ಇತ್ಯಾದಿ ಕಡೆ ಜೀವಿಸುತ್ತಿರುವ ಜಲ ಜೀವಿಗಳು. ಇವು ಉಷ್ಟಾಂಶ ಇರುವಲ್ಲಿ ಜೀವಿಸುವುದಿಲ್ಲ.
ಈ ಪೆಂಗ್ವಿನ್ ಪಕ್ಷಿಯು ಅಪಾಯದ ಅಂಚಿನಲ್ಲಿದೆ. ಇವುಗಳ ಸಂತತಿ ದಿನದಿಂದ ದಿನಕ್ಕೆ ಕ್ಷೀಣಿಸುತ್ತಿದೆ. ಪೆಂಗ್ವಿನ್‌ನಲ್ಲಿ ಎರಡು ವಿಧಗಳಿವೆ. ಒಂದು ಕಪ್ಪು ಪೆಂಗ್ವಿನ್ ಮತ್ತೊಂದು ಬಿಳಿ ಪೆಂಗ್ವಿನ್.
ಪೆಂಗ್ವಿನ್ಗಳ ಆಹಾರ ಎಂದರೆ ಮೀನು, ಸ್ಕ್ವಿಡ್, ಸಣ್ಣ ಚಿಪ್ಪು ಜೀವಿಗಳು. ಪೆಂಗ್ವಿನ್ ತಮ್ಮ ಜೀವನದ ಅರ್ಧ ಭಾಗ ಭೂಮಿಯ ಮೇಲೆ ಕಳೆದರೆ, ಇನ್ನೂ ಅರ್ಧ ಭಾಗ ಸಾಗರದಲ್ಲಿ ಕಳೆಯುತ್ತವೆ.
ಪೆಂಗ್ವಿನ್ ಜಾತಿಗಳಲ್ಲಿ ' ಸಾಮ್ರಾಟ್' ಜಾತಿಯ ಪೆಂಗ್ವಿನ್ಗಳು ಅತ್ಯಂತ ದೊಡ್ಡ ಜಾತಿಯದ್ದಾಗಿದೆ. ಇವು 1.1 ಮೀಟರ್ ನಷ್ಟು ಎತ್ತರವಿದ್ದು, 35ಕೆಜಿ ಅಥವಾ ಹೆಚ್ಚು ತೋಕವಿರುತ್ತದೆ.
ಅತ್ಯಂತ ಚಿಕ್ಕ ಪೆಂಗ್ವಿನ್ ಜಾತಿ ಎಂದರೆ 'ಪುಟ್ಟ ನೀಲಿ ಪೆಂಗ್ವಿನ್ಗಳು' ಇವು 40 ಸೆಂ.ಮೀ ಎತ್ತರ ಹಾಗೂ 1 ಕೆಜಿ ತೋಕವಿರುತ್ತವೆ. ದೊಡ್ಡ ಪೆಂಗ್ವಿನ್ ತಂಪಾಗಿರುವ ಪ್ರದೇಶದಲ್ಲಿ ವಾಸಿಸಿದರೆ, ಚಿಕ್ಕ ಗಾತ್ರದ ಪೆಂಗ್ವಿನ್ ಸಮಶೀತೋಷ್ಣವಲಯದ ವಾತಾವರಣದಲ್ಲಿ ಕಂಡುಬರುತ್ತವೆ.
ಪೆಂಗ್ವಿನ್ಗಳಲ್ಲಿ ಮತ್ತೊಂದು ವಿಶೇಷವೆಂದರೆ ವಿಪರೀತ ಚಳಿ ಇದ್ದಾಗ ಇವುಗಳು ತಮ್ಮ ದೇಹದ ಉಷ್ಣತೆ ಹೆಚ್ಚಿಸಲು, ಗುಂಪು ಗುಂಪಾಗಿ ಬಹಳ ಹತ್ತಿರದಲ್ಲಿ ನಿಂತುಕೊಳ್ಳುತ್ತವೆ. ಬಳಿಕ ಒಳಭಾಗದಲ್ಲಿ ನಿಂತಿದ್ದ ಪೆಂಗ್ವಿನ್ಗಳು ಹೊರಭಾಗಕ್ಕೆ ಒಂದು ಸ್ಥಾನಪಲ್ಲಟ ಮಾಡುತ್ತವೆ.
ದೊಡ್ಡ ಜಾತಿಯ ಸಾಮ್ರಾಟ್ ಪೆಂಗ್ವಿನ್ಗಳು, ಮೇ ಮತ್ತು ಜೂನ್ ತಿಂಗಳಿನಲ್ಲಿ ಮೊಟ್ಟೆ ಇಡುತ್ತವೆ. ಇವು ಸಂತಾನೋತ್ಪತ್ತಿಗೆ ವಿಶೇಷವಾದ ಜಾಗ ಆಯ್ಕೆ ಮಾಡಿಕೊಳ್ಳುತ್ತವೆ. ಅಂದರೆ ದೊಡ್ಡ ಚಪ್ಪಟೆಯಾದ ಹಿಮದ ಜಾಗ ಹುಡುಕಿಕೊಳ್ಳುತ್ತವೆ. ಸುತ್ತಲೂ ಎತ್ತರದ ಹಿಮದ ಬಂಡೆ ಇರುವ ಹಾಗೆ ನೋಡಿಕೊಳ್ಳುತ್ತವೆ.
ಹೆಣ್ಣು ಪೆಂಗ್ವಿನ್ಗಳು ಮೊಟ್ಟೆ ಇಟ್ಟ ನಂತರ, ಮೊಟ್ಟೆಗೆ ಕಾವು ಕೊಡುವ ಕರ್ತವ್ಯವನ್ನು ಗಂಡು ಪೆಂಗ್ವಿನ್ ಗೆ ಒಪ್ಪಿಸುತ್ತದೆ. ಗಂಡು ಪೆಂಗ್ವಿನ್ ತನ್ನ ಕಾಲಿನ ಮೇಲೆ ಮೊಟ್ಟೆಯನ್ನು ಇಟ್ಟುಕೊಂಡು ತನ್ನ ಹೊಟ್ಟೆಯ ವಿಶೇಷ ಚರ್ಮವನ್ನು ಅದರ ಮೇಲೆ ಹೊದಿಸಿ, ಕಾವು ಕೊಡುತ್ತಾ ನಿಲ್ಲುತ್ತದೆ.
ಗಂಡು ಪೆಂಗ್ವಿನ್ಗಳಿಗೆ ಮೊಟ್ಟೆಯ ಜವಾಬ್ದಾರಿ ನೀಡಿ ಹೆಣ್ಣು ಪೆಂಗ್ವಿನ್ಗಳು ಆಹಾರ ಹುಡುಕಲು ಸಮುದ್ರಕ್ಕೆ ಇಳಿಯುತ್ತವೆ. ಸುಮಾರು 4 ತಿಂಗಳಿನ ವರೆಗೂ ಹೆಣ್ಣು ಪೆಂಗ್ವಿನ್ಗಳು ಹಿಂತಿರುಗಿ ಬರುವುದಿಲ್ಲ. ಅಲ್ಲಿಯ ವರೆಗೂ ಗಂಡು ಪೆಂಗ್ವಿನ್ಗಳು ಉಪವಾಸ ಇರುತ್ತವೆ.