ಮ್ಯೂಸಿಕ್ ಪ್ರಿಯರಿಗೆ ಆ್ಯಪಲ್ ಬೀಟ್ಸ್ ಉತ್ಪನ್ನಗಳ ಗುಣಮಟ್ಟದ ಕುರಿತು ಚೆನ್ನಾಗಿ ಅರಿವು ಇರುತ್ತದೆ. ಅತ್ಯಂತ ಸ್ಪಷ್ಟ ಮತ್ತು ಆರಾಮದಾಯಕ ಮ್ಯೂಸಿಕ್ ಕೇಳಲು ಆ್ಯಪಲ್ ಬೀಟ್ಸ್ ಬೆಸ್ಟ್ ಚಾಯ್ಸ್ ಎನ್ನಬಹುದು. ಆ್ಯಪಲ್ ಬೀಟ್ಸ್ ನೂತನ ಸರಣಿಯಲ್ಲಿ ಬೀಟ್ಸ್ ಸ್ಟುಡಿಯೊ ಬಡ್ಸ್+ ಇಯರ್ಬಡ್ಸ್ ಬಿಡುಗಡೆ ಮಾಡಿದೆ. ಈ ಬಾರಿ ಪ್ಯಾಕೇಜಿಂಗ್ ಮತ್ತು ಬಡ್ಸ್ ವಿನ್ಯಾಸದಲ್ಲಿ ಆ್ಯಪಲ್ ವಿಶಿಷ್ಟತೆಯನ್ನು ಪರಿಚಯಿಸಿದೆ. ಪಾರದರ್ಶಕ ಹೊರಮೈ ವಿನ್ಯಾಸದಲ್ಲಿ ಹೊಸ ಬೀಟ್ಸ್ ಸ್ಟುಡಿಯೊ ಬಡ್ಸ್ + ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ. ಗುಣಮಟ್ಟದ, ಸ್ಪಷ್ಟತೆಯ ಸೌಂಡ್ ಬಯಸುವವರಿಗೆ ಬೀಟ್ಸ್ ಅತ್ಯುತ್ತಮ ಆಯ್ಕೆಯಾಗಿದೆ.