Fastrack Limitless FS1: ಟ್ರೆಂಡಿಂಗ್ ಮತ್ತು ಸ್ಟೈಲಿಶ್ ವಿನ್ಯಾಸದಲ್ಲಿ ಬರುತ್ತಿದೆ ಸ್ಮಾರ್ಟ್​ವಾಚ್

ಇದು ಸ್ಮಾರ್ಟ್​ ಯುಗ. ದಿನವೂ ಹೊಸ ಹೊಸ ಸ್ಮಾರ್ಟ್​ ಗ್ಯಾಜೆಟ್​ಗಳು ಮಾರುಕಟ್ಟೆಗೆ ಪ್ರವೇಶಿಸುತ್ತವೆ. ಸ್ಮಾರ್ಟ್​ವಾಚ್​ನಿಂದ ತೊಡಗಿ, ಸ್ಮಾರ್ಟ್​ಫೋನ್​ ವರೆಗೆ ವಿವಿಧ ಬ್ರ್ಯಾಂಡ್​ಗಳು ಹಲವು ವೈಶಿಷ್ಟ್ಯಗಳನ್ನು ಹೊಂದಿರುವ ಮಾದರಿಗಳನ್ನು ಪರಿಚಯಿಸುತ್ತವೆ. ಫಾಸ್ಟ್​​ಟ್ರ್ಯಾಕ್ ಕಂಪನಿ, ಲಿಮಿಟ್​ಲೆಸ್ ಹೆಸರಿನಲ್ಲಿ ಆಕರ್ಷಕ ವಿನ್ಯಾಸದ ಹೊಸ ಸ್ಮಾರ್ಟ್​ವಾಚ್ ಬಿಡುಗಡೆ ಮಾಡಿದೆ. ಫಾಸ್ಟ್​​ಟ್ರ್ಯಾಕ್, ಲಿಮಿಟ್​ಲೆಸ್ ಎಫ್​ಎಸ್​1 ಬಿಡುಗಡೆಯಾಗಿದ್ದು, ಗ್ಯಾಜೆಟ್ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ನೂತನ ಸ್ಮಾರ್ಟ್​ವಾಚ್ ವೈಶಿಷ್ಟ್ಯಗಳು, ತಾಂತ್ರಿಕ ವಿವರ ಇಲ್ಲಿದೆ. ಭಾರತದ ಗ್ಯಾಜೆಟ್ ಮಾರುಕಟ್ಟೆಗೆ ಬಿಡುಗಡೆಯಾಗಿರುವ ಲಿಮಿಟ್​ಲೆಸ್ ಎಫ್​ಎಸ್​1 ಬ್ಲೂಟೂತ್ ಕಾಲಿಂಗ್ ಬೆಂಬಲ ಹೊಂದಿದೆ. ಫಾಸ್ಟ್​​ಟ್ರ್ಯಾಕ್ ಲಿಮಿಟ್​ಲೆಸ್ ಎಫ್​ಎಸ್​1 ವಾಚ್​ 1.95 ಇಂಚಿನ ಡಿಸ್​ಪ್ಲೇ ಹೊಂದಿದೆ. ಫಾಸ್ಟ್​​ಟ್ರ್ಯಾಕ್ ಸ್ಮಾರ್ಟ್​ವಾಚ್ ಮಾರುಕಟ್ಟೆಯಲ್ಲಿ ಕಪ್ಪು, ನೀಲಿ ಮತ್ತು ಗುಲಾಬಿ ಬಣ್ಣದಲ್ಲಿ ಲಭ್ಯವಿದೆ. ಅಮೆಜಾನ್ ಮೂಲಕ ಫಾಸ್ಟ್​​ಟ್ರ್ಯಾಕ್ ಲಿಮಿಟ್​ಲೆಸ್ ಎಫ್​ಎಸ್​1 ದೊರೆಯಲಿದ್ದು, 300mAh ಬ್ಯಾಟರಿ ಬೆಂಬಲ ಹೊಂದಿದೆ. ಭಾರತದಲ್ಲಿ ಲಿಮಿಟ್​ಲೆಸ್ ಎಫ್​ಎಸ್​1 ₹1,995 ದರ ಹೊಂದಿದ್ದು, ಹೃದಯ ಬಡಿತ ಮಾಪನ ಸಹಿತ ಹಲವು ಆರೋಗ್ಯ ಟ್ರ್ಯಾಕಿಂಗ್​ಗೆ ಸಹಾಯಕವಾಗಿದೆ.