Garmin Instinct 2X Solar: ಸೋಲಾರ್ ಪವರ್ ಮೂಲಕ ಚಾರ್ಜಿಂಗ್ ಗಾರ್ಮಿನ್ ಸ್ಮಾರ್ಟ್​ವಾಚ್

ಸ್ಪೋರ್ಟ್ಸ್, ಟ್ರೆಕ್ಕಿಂಗ್, ಫಿಸಿಕಲ್ ಆ್ಯಕ್ಟಿವಿಟಿ, ಫಿಟ್ನೆಸ್ ಬಗ್ಗೆ ನಿಮಗೆ ಹೆಚ್ಚಿನ ಕಾಳಜಿ ಇದೆ ಎಂದಾದರೆ, ಗಾರ್ಮಿನ್ ಕಂಪನಿ ಕುರಿತು ಕೇಳಿರುತ್ತೀರಿ. ಜಿಪಿಎಸ್, ಮ್ಯಾಪಿಂಗ್, ಸ್ಮಾರ್ಟ್​ವಾಚ್ ತಯಾರಿಸುವ ಗಾರ್ಮಿನ್ ಕಂಪನಿ, ಹೊಸ ಹೊಸ ವಿನ್ಯಾಸ, ಅತ್ಯಾಧುನಿಕ ಮತ್ತು ನಿಖರ ಫಲಿತಾಂಶ ನೀಡುವ ಸ್ಮಾರ್ಟ್​ವಾಚ್, ಗ್ಯಾಜೆಟ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತದೆ. ಈ ಬಾರಿ ಗಾರ್ಮಿನ್, ಸೋಲಾರ್ ಪವರ್ ಬಳಸಿಕೊಂಡು ಚಾರ್ಜ್ ಆಗುವ ನೂತನ ಸ್ಮಾರ್ಟ್​ವಾಚ್ ಬಿಡುಗಡೆ ಮಾಡಿದೆ. ಹೊಸ ವಾಚ್ ಕುರಿತ ವೈಶಿಷ್ಟ್ಯಗಳು ಇಲ್ಲಿವೆ. ಗಾರ್ಮಿನ್ ಇನ್​ಸ್ಟಿಂಕ್ಟ್ 2X ಸೋಲಾರ್ ವಾಚ್, ವಿಶೇಷತೆಗಳನ್ನು ತಿಳಿಯೋಣ ಬನ್ನಿ. ಸೋಲಾರ್ ಚಾರ್ಜಿಂಗ್ ಪವರ್ ಗ್ಲಾಸ್ ಹೊಂದಿರುವ ಗಾರ್ಮಿನ್ ಇನ್​ಸ್ಟಿಂಕ್ಟ್ 2X ಸೋಲಾರ್ ಸ್ಮಾರ್ಟ್​ವಾಚ್, 10ATM ವಾಟರ್ ರೆಸಿಸ್ಟ್, ಥರ್ಮಲ್ ಶಾಕ್ ರೆಸಿಸ್ಟ್ ಫೀಚರ್ಸ್ ಹೊಂದಿದೆ. 40mm, 45mm ಮತ್ತು 50mm ಎಂಬ ಮೂರು ಗಾತ್ರಗಳ ಮಾದರಿಗಳು ಲಭ್ಯವಿದ್ದು, ಕಪ್ಪು, ನೀಲಿ ಮತ್ತು ಬೂದು ಬಣ್ಣಗಳಲ್ಲಿ ದೊರೆಯಲಿದೆ. ನೂತನ ಸ್ಮಾರ್ಟ್​ವಾಚ್, ಅಮೆರಿಕದ ಮಾರುಕಟ್ಟೆಗೆ ಹೋಲಿಸಿದರೆ ಭಾರತದಲ್ಲಿ ₹37,000 ದರವಿದೆ. 40 ದಿನದ ಬ್ಯಾಟರಿ, ಸೋಲಾರ್ ಪವರ್ ಇದ್ದರೆ ನಿರಂತರ ಬ್ಯಾಟರಿ ಬಾಳಿಕೆ ಇದ್ದು, ಸ್ಮಾರ್ಟ್ ನೋಟಿಫಿಕೇಶನ್, ಅಪ್​ಡೇಟ್, ಬ್ಲೂಟೂತ್, ಜಿಪಿಎಸ್ ಸೌಲಭ್ಯ ಹೊಂದಿದೆ. ವಿವಿಧ ಹೆಲ್ತ್ ಮತ್ತು ಆ್ಯಕ್ಟಿವಿಟಿ ಟ್ರ್ಯಾಕಿಂಗ್ ಫೀಚರ್ಸ್
ಎಲ್​ಇಡಿ ಫ್ಲ್ಯಾಶ್​ಲೈಟ್, ಜಂಪ್ ಮಾಸ್ಟರ್ ಮೋಡ್ ವೈಶಿಷ್ಟ್ಯ ಹೊಂದಿದೆ.