Tecno Phantom V Fold: ಭಾರತದ ಮಾರುಕಟ್ಟೆಗೆ ಬಿಡುಗಡೆಯಾಗುತ್ತಿದೆ ಮತ್ತೊಂದು ಫೋಲ್ಡಿಂಗ್ ಫೋನ್

ಫೋಲ್ಡಿಂಗ್ ಸ್ಮಾರ್ಟ್​ಫೋನ್ ಮಾರುಕಟ್ಟೆಯಲ್ಲಿ ಹೊಸ ಮಾದರಿಗಳದ್ದೇ ಹವಾ ಸೃಷ್ಟಿಯಾಗುತ್ತಿದೆ. ಸ್ಯಾಮ್​ಸಂಗ್ ಈಗಾಗಲೇ ಫೋಲ್ಡಿಂಗ್ ಫೋನ್ ಸರಣಿಯಲ್ಲಿ ಹಲವು ಮಾದರಿಗಳನ್ನು ಪರಿಚಯಿಸಿದೆ. ಜತೆಗೆ, ಇತರ ಕಂಪನಿಗಳಾದ ವಿವೊ, ಒಪ್ಪೊ, ಹುವೈ ಕೂಡ ವಿವಿಧ ಆಕರ್ಷಕ ಫೋಲ್ಡಿಂಗ್ ಫೋನ್ ಬಿಡುಗಡೆ ಮಾಡುತ್ತಿದೆ. ಅದರಂತೆ, ಬಜೆಟ್ ದರಕ್ಕೆ ಸೂಪರ್ ಸ್ಮಾರ್ಟ್​​ಫೋನ್ ಒದಗಿಸುತ್ತಿರುವ ಟೆಕ್ನೋ ಕೂಡ, ಫೋಲ್ಡಿಂಗ್ ಸ್ಮಾರ್ಟ್​ಫೋನ್ ಬಿಡುಗಡೆ ಮಾಡಲು ಮುಂದಾಗಿದೆ. ನೂತನ ಫೋಲ್ಡಿಂಗ್ ಫೋನ್, ಟೆಕ್ನೋ ಫ್ಯಾಂಟಮ್ ವಿ ಫೋಲ್ಡ್ ಭಾರತದ ಮಾರುಕಟ್ಟೆಗೆ ಲಗ್ಗೆ ಇರಿಸುತ್ತಿದೆ. ನೂತನ ಫೋನ್ ವೈಶಿಷ್ಟ್ಯಗಳ ಕುರಿತು ಮಾಹಿತಿ ಇಲ್ಲಿದೆ. ಮಡಚಬಲ್ಲ ಫೋನ್​ ಕುರಿತು ಜನರಿಗೆ ಹೆಚ್ಚಿನ ಆಸಕ್ತಿಯಿದ್ದರೂ, ಬೆಲೆ ಕಾರಣದಿಂದ ನಿರೀಕ್ಷಿತ ಜನಪ್ರಿಯತೆ ಗಳಿಸಿಲ್ಲ. ಆದರೆ ಚೀನಾ ಮೂಲದ ಕಂಪನಿಗಳ ಸ್ಮಾರ್ಟ್​ಫೋನ್ ಬ್ರ್ಯಾಂಡ್ ಭಾರತಕ್ಕೆ ಲಗ್ಗೆ ಇರಿಸಿದ ಬಳಿಕ, ಹೆಚ್ಚು ಫೋಲ್ಢಿಂಗ್ ಸ್ಮಾರ್ಟ್​ಫೋನ್ ಮಾದರಿಗಳು ಬಿಡುಗಡೆಯಾಗುತ್ತಿವೆ.