Infinix GT 10 Pro: ನಥಿಂಗ್ ಫೋನ್ ವಿನ್ಯಾಸ ಕಾಪಿ ಮಾಡಿತೇ ಇನ್ಫಿನಿಕ್ಸ್ ಫೋನ್?

ಇತ್ತೀಚೆಗಷ್ಟೇ ಬಿಡುಗಡೆಯಾಗಿ ಎಲ್ಲರ ಗಮನ ಸೆಳೆದಿರುವ ನಥಿಂಗ್ ಫೋನ್ 2 ಹಿಂಭಾಗ ಡಿಸೈನ್ ವಿಶೇಷವಾಗಿದ್ದು ಎಲ್​ಇಡಿ ಲೈಟ್​ಗಳಿಂದ ಕೂಡಿದೆ. ಹೀಗಿರುವಾಗ ಮತ್ತೊಂದು ಪ್ರಸಿದ್ಧ ಸ್ಮಾರ್ಟ್​ಫೋನ್ ಕಂಪನಿ ಇನ್ಫಿನಿಕ್ಸ್ ಹೊಸ ಫೋನ್ ಲಾಂಚ್ ಮಾಡಲು ತಯಾರಿ ನಡೆಸುತ್ತಿದ್ದು, ಅಚ್ಚರಿ ಎಂದರೆ ಈ ಫೋನಿನ ಹಿಂಭಾಗದ ಡಿಸೈನ್ ಕೂಡ ನಥಿಂಗ್ ಫೋನ್​ನಂತೆಯೇ ಇದೆ. ಇನ್ಫಿನಿಕ್ಸ್ ಕಂಪನಿ ಇನ್ಫಿನಿಕ್ಸ್ ಜಿಟಿ 10 ಪ್ರೊ ಎಂಬ ಹೊಸ ಸ್ಮಾರ್ಟ್​ಫೋನ್ ಬಿಡುಗಡೆ ಮಾಡಲು ಮುಂದಾಗಿದೆ. ಆದರೆ ಹೊಸ ಫೋನ್ ವಿನ್ಯಾಸ ಆನ್​ಲೈನ್​ನಲ್ಲಿ ಲೀಕ್ ಆಗಿದೆ. ಅದನ್ನು ನೋಡಿದರೆ, ನಥಿಂಗ್ ಫೋನ್​ನ ಕಾಪಿಯಂತೆಯೇ ಇದೆ. ಈ ಸಂಗತಿ ಗ್ಯಾಜೆಟ್ ಲೋಕದಲ್ಲಿ ಚರ್ಚೆಗೆ ಕಾರಣವಾಗಿದೆ.