Leopard spotted in Kolar: ಕೋಲಾರ ಬಳಿಯಿರುವ ಗ್ರಾಮದ ಮನೆಯೊಂದನ್ನು ಪ್ರವೇಶಿಸಿದ ಚಿರತೆ, ಆತಂಕದಲ್ಲಿ ಗ್ರಾಮಸ್ಥರು!

ಕೋಲಾರ: ಕೋಲಾರ ತಾಲ್ಲೂಕಿನ (Kolar taluk) ಧನಮಟ್ನಗಳ್ಳಿ ಹೆಸರಿನ ಗ್ರಾಮದ ಮನೆಯೊಂದರಲ್ಲಿ ಬುಧವಾರ ರಾತ್ರಿ ಚಿರತೆ (leopard) ಕಾಣಿಸಿಕೊಂಡಿದೆ. ಗ್ರಾಮದ ಮನೆಯೊಂದರ ಕಂಪೌಂಡ್ ಹಾರಿದ ಚಿರತೆ ಮನೆ ಅಂಗಳದಲ್ಲಿ ನಡೆದಾಡುತ್ತಾ ಕಿಟಕಿಗಳವರೆಗೆ ಬಂದಿದೆ. ಮನೆಯಲ್ಲಿದ್ದ ಕುಟುಂಬದ ಸದಸ್ಯರು ಭಯದಿಂದ ತಲ್ಲಣಿಸಿದ್ದು ನಿಜವದರೂ ಮುಚ್ಚಿದ ಕಿಟಕಿಯಿಂದ ಮೊಬೈಲ್ ನಲ್ಲಿ ವನ್ಯಪಶು (wild beast) ಓಡಾಡುವುದನ್ನು ಚಿತ್ರಿಸಿದ್ದಾರೆ. ಘಟನೆಯಿಂದ ಧನಮಟ್ನಗಳ್ಳಿ ಗ್ರಾಮದ ನಿವಾಸಿಗಳು ಭಯಗೊಂಡಿದ್ದು, ಆದಷ್ಟು ಬೇಗೆ ಚಿರತೆಯನ್ನು ಸೆರೆ ಹಿಡಿಯುವಂತೆ ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಮನವಿ ಮಾಡಿದ್ದಾರೆ. ಪಕ್ಕದ ಅರಣ್ಯ ಪ್ರದೇಶದಿಂದ ಚಿರತೆ ಗ್ರಾಮದೊಳಗೆ ಬಂದಿದೆಯೆಂದು ಆತಂಕಕ್ಕೊಳಗಾಗಿರುವ ಗ್ರಾಮಸ್ಥರು ಹೇಳುತ್ತಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ