ಚೆಕ್‌ನ ಹಿಂಭಾಗದಲ್ಲಿ ಯಾಕೆ ಸಹಿ ಮಾಡ್ತಾರೆ? ಇದೇ ನೋಡಿ ಕಾರಣ

ಇತ್ತೀಚೆಗಿನ ದಿನಗಳಲ್ಲಿ ನೆಟ್ ಬ್ಯಾಂಕಿಂಗ್, ಯುಪಿಐ ವಹಿವಾಟುಗಳೇ ಹೆಚ್ಚಾಗಿದೆ. ಹೀಗಾಗಿ ಬ್ಯಾಂಕಿಗೆ ಹೋಗಿ ವಹಿವಾಟು ನಡೆಸುವವರು ಕಡಿಮೆಯೇ. ದೊಡ್ಡ ಮೊತ್ತದ ವ್ಯವಹಾರಗಳಲ್ಲಿ ಚೆಕ್‌ ಬಳಸುತ್ತಾರೆ. ಈ ಚೆಕ್ ಡ್ರಾ (Cheque draw) ಅಥವಾ ಠೇವಣಿ ಮಾಡಲು ಹೋದಾಗ ಬ್ಯಾಂಕಿನಲ್ಲಿ ಚೆಕ್‌ನ ಹಿಂಭಾಗಕ್ಕೆ ಸಹಿ ಮಾಡಲು ಹೇಳುತ್ತಾರೆ. ಇದು ಯಾಕೆ ಎಂದು ಒಮ್ಮೆಯಾದ್ರು ನೀವು ಯೋಚನೆ ಮಾಡಿದ್ದೀರಾ. ಚೆಕ್ ಸ್ವೀಕರಿಸುವವರು ಅಥವಾ ಪಡೆಯುವವರು ತಾವು ಹಣ ಪಡೆದಿದ್ದೇವೆ ಎಂಬುದಕ್ಕೆ ಸಾಕ್ಷಿಯಾಗಿ  ಹಾಗೂ ವಂಚನೆ ತಡೆಯಲು ಈ ರೀತಿ ಬ್ಯಾಂಕ್‌ ಸಿಬ್ಬಂದಿ ಸಹಿ ಹಾಕಿಸಿಕೊಳ್ಳುತ್ತಾರೆ.

ಚೆಕ್ ಹಿಂಬದಿ ಸಹಿ ಹಾಕುವುದು ಯಾಕೆ?

• ಚೆಕ್ ದುರ್ಬಳಕೆ ತಡೆಯಲು ಮತ್ತು ಹಣ ಪಡೆದ ವ್ಯಕ್ತಿ ಯಾರೆಂಬುದನ್ನು ದಾಖಲಿಸಲು ಈ ಸಹಿ ಸಹಕಾರಿಯಾಗಿದೆ.
• ವಹಿವಾಟು ಪೂರ್ಣಗೊಂಡಿದೆ ಎಂದು ತೋರಿಸಲು ಚೆಕ್‌ನ ಹಿಂಭಾಗಕ್ಕೆ ಸಹಿ ಹಾಕಲು ಹೇಳುತಾರೆ, ಇದು ಬ್ಯಾಂಕಿಗೆ ಅಧಿಕೃತ ಪುರಾವೆಯಾಗಿದೆ.
• ನಗದು ಠೇವಣಿಗಳಲ್ಲಿ ಯಾವುದೇ ವ್ಯತ್ಯಾಸವಿದ್ದಲ್ಲಿ ವ್ಯಕ್ತಿ ಹಾಕಿದ ಈ ಸಹಿ ಆಧಾರವಾಗಿ ಕೆಲಸ ಮಾಡುತ್ತದೆ.
• ಚೆಕ್‌ಗಳು ಕಳೆದುಹೋದರೆ ಇತರರು ಅವುಗಳನ್ನು ನಗದೀಕರಿಸುವುದನ್ನು ತಡೆಯುವ ಉದ್ದೇಶವು ಇದರಲ್ಲಿದೆ.

ಇದನ್ನೂ ಓದಿ: ಸಿಸ್ಟಮ್ಯಾಟಿಕ್ ಇನ್ವೆಸ್ಟ್​ಮೆಂಟ್ ಪ್ಲಾನ್, ಹೂಡಿಕೆದಾರರಿಗೆ ಉಪಯುಕ್ತವಾಗುವ ಕೆಲ ಪರಿಕರಗಳು

ಸಾಮಾನ್ಯವಾಗಿ ಕೇಳುವ ಪ್ರಶ್ನೆ ಮತ್ತು ಉತ್ತರ (FAQs)

ಪ್ರಶ್ನೆ: ಚೆಕ್ ವ್ಯವಹಾರ ಯಾಕೆ ಮುಖ್ಯ?

ಉತ್ತರ: ದೊಡ್ಡ ಮೊತ್ತದ ಹಣ ವರ್ಗಾವಣೆಗೆ ಚೆಕ್ ವ್ಯವಹಾರ ಅತ್ಯಂತ ಸುರಕ್ಷಿತ ಹಾಗೂ ಕಾನೂನುಬದ್ಧ ದಾಖಲೆ ಇದಾಗಿದೆ.

ಪ್ರಶ್ನೆ: ಚೆಕ್ ಕಳೆದು ಹೋದರೆ ಏನು ಮಾಡಬೇಕು?

ಉತ್ತರ: ಚೆಕ್ ಕಳೆದುಹೋದರೆ ತಕ್ಷಣವೇ ನಿಮ್ಮ ಬ್ಯಾಂಕ್‌ಗೆ ತೆರಳಿ ಸ್ಟಾಪ್ ಪೇಮೆಂಟ್ ಅರ್ಜಿ ಸಲ್ಲಿಸಿ.

ಪ್ರಶ್ನೆ: ಚೆಕ್ ಹಿಂಬದಿ ಸಹಿ ಹಾಕುವುದು ಯಾಕೆ?

ಉತ್ತರ: ಹಣ ಪಡೆದುಕೊಳ್ಳುವ ವ್ಯಕ್ತಿಯು ತಾನು ಹಣವನ್ನು ಸ್ವೀಕರಿಸುತ್ತಿದ್ದೇನೆ ಅಥವಾ ಚೆಕ್ ನ್ನು ನಗದು ಮಾಡಲು ಒಪ್ಪಿಗೆ ನೀಡುತ್ತಿದ್ದೇನೆ ಎಂಬುದನ್ನು ಈ ಸಹಿ ಸೂಚಿಸುತ್ತದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ