ಈ ವಾರ ಒಟಿಟಿಗೆ ಬಂದಿವೆ ಸೂಪರ್ ಹಿಟ್ ಸಿನಿಮಾಗಳು: ಇಲ್ಲಿದೆ ಪಟ್ಟಿ
OTT Release this week: ಪ್ರತಿ ವಾರದಂತೆ ಈ ವಾರವೂ ಸಹ ಒಟಿಟಿಗೆ ಕೆಲ ಸೂಪರ್ ಹಿಟ್ ಸಿನಿಮಾಗಳು ಎಂಟ್ರಿ ಕೊಟ್ಟಿವೆ. ವಿಶೇಷವಾಗಿ ಚಿತ್ರಮಂದಿರಗಳಲ್ಲಿ ಬ್ಲಾಕ್ ಬಸ್ಟರ್ ಆದ ‘ಇರುಮುಡಿ’ ಸಿನಿಮಾ ಈ ವಾರ ಒಟಿಟಿಗೆ ಬಂದಿದೆ. ಅದು ಮಾತ್ರವೇ ಅಲ್ಲದೆ ಇನ್ನೂ ಕೆಲವು ಸೂಪರ್ ಹಿಟ್ ಸಿನಿಮಾಗಳು, ವಿಮರ್ಶಕರಿಂದ ಮೆಚ್ಚುಗೆ ಗಳಿಸಿದ ಸಿನಿಮಾಗಳು ಸಹ ಒಟಿಟಿಗೆ ಎಂಟ್ರಿ ಕೊಟ್ಟಿವೆ. ಈ ವಾರ ಒಟಿಟಿಗೆ ಬಂದಿರುವ ಸಿನಿಮಾಗಳ ಪಟ್ಟಿ ಇಲ್ಲಿದೆ ನೋಡಿ....
ರವಿತೇಜ ನಟಿಸಿರುವ ತೆಲುಗಿನ ‘ಇರುಮುಡಿ’ ಸಿನಿಮಾ ‘ಟಾಕ್ಸಿಕ್’ ಜೊತೆಗೆ ಬಿಡುಗಡೆ ಆಗಿತ್ತು. ತೆಲುಗು ರಾಜ್ಯಗಳಲ್ಲಿ ದಾಖಲೆಯನ್ನೇ ಬರೆದಿರುವ ಈ ಸಿನಿಮಾ ಈ ವಾರ ಒಟಿಟಿಗೆ ಬಂದಿದೆ. ‘ಇರುಮುಡಿ’ ಸಿನಿಮಾವನ್ನು ನೆಟ್ಫ್ಲಿಕ್ಸ್ನಲ್ಲಿ ವೀಕ್ಷಿಸಬಹುದಾಗಿದೆ.
‘ಮೊದ ರಾತ್ರಿ’ ಹೆಸರೇ ಹೇಳುವಂತೆ ಫಸ್ಟ್ ನೈಟ್ ಸುತ್ತ ಸುತ್ತುವ ಕತೆ ಹೊಂದಿರುವ ತಮಿಳು ಸಿನಿಮಾ. ಅರೇಂಜ್ ಮ್ಯಾರೇಜ್ ಆದ ಇಬ್ಬರ ಮೊದಲ ರಾತ್ರಿಯಂದು ತೆರೆದುಕೊಳ್ಳುವ ಕೆಲ ಸತ್ಯಗಳು, ಆಘಾತಕಾರಿ ಅಂಶಗಳು ಕತೆಗೆ ಟ್ವಿಸ್ಟ್, ಥ್ರಿಲ್ಲರ್ ಅಂಶವನ್ನು ತುಂಬಿವೆ. ಈ ಸಿನಿಮಾ ಸಹ ನೆಟ್ಫ್ಲಿಕ್ಸ್ನಲ್ಲಿ ವೀಕ್ಷಣೆಗೆ ಲಭ್ಯವಿದೆ.
ಮೋಹನ್ಲಾಲ್ ಪುತ್ರಿ ವಿಸ್ಮಯಾ ಮೋಹನ್ಲಾಲ್ ಹಾಗೂ ಖುದ್ದು ಮೋಹನ್ಲಾಲ್ ಸಹ ನಟನೆ ಮಾಡಿರುವ ‘ತುಡಕ್ಕಮ್’ ಥ್ರಿಲ್ಲರ್ ಕತೆಯನ್ನು ಹೊಂದಿರುವ ಮಲಯಾಳಂ ಸಿನಿಮಾ. ಯುವತಿಯೊಬ್ಬಾಕೆ ತನಗೆ ಎದುರಾಗುವ ಅಪಾಯದಿಂದ ಕೆಚ್ಚೆದೆಯಿಂದ ಹೋರಾಡಿ ಪಾರಾಗುವ ಕತೆಯನ್ನು ಸಿನಿಮಾ ಒಳಗೊಂಡಿದೆ. ಸಿನಿಮಾ ಅನ್ನು ಜಿಯೋ ಹಾಟ್ಸ್ಟಾರ್ನಲ್ಲಿ ವೀಕ್ಷಿಸಬಹುದಾಗಿದೆ.
ಆನೆ ದಂತ ಕಳ್ಳರ ಲೋಕ, ಅದರ ಸ್ಮಗ್ಲಿಂಗ್ ಇನ್ನಿತರೆ ವಿಷಯಗಳನ್ನು ‘ಕತ್ತಾಲನ್’ ಸಿನಿಮಾ ಒಳಗೊಂಡಿದೆ. ಈ ಮಲಯಾಳಂ ಸಿನಿಮಾನಲ್ಲಿ ಆಂಟೊನಿ ವರ್ಗಿಸ್ ನಟನೆ ಮಾಡಿದ್ದಾರೆ. ಭೀಕರ ಆಕ್ಷನ್ ಅನ್ನು ಒಳಗೊಂಡಿರುವ ಸಿನಿಮಾ ಇದಾಗಿದೆ. ಸಿನಿಮಾ ಅನ್ನು ಸೋನಿ ಲಿವ್ನಲ್ಲಿ ವೀಕ್ಷಿಸಬಹುದಾಗಿದೆ.
ಸ್ಟಾಂಡಪ್ ಕಮಿಡಿ ಜಗತ್ತಿನ ಬಲು ಜನಪ್ರಿಯ ಮತ್ತು ಪ್ರತಿಭಾವಂತ ಕಮಿಡಿಯನ್ ಝಾಕಿರ್ ಖಾನ್. ವಿಶ್ವದಾದ್ಯಂತ ಅಭಿಮಾನಿಗಳನ್ನು ಹೊಂದಿರುವ ಝಾಕಿರ್ ಖಾನ್ ಅವರ ಹೊಸ ಸ್ಟಾಂಡಪ್ ಶೋ ಒಟಿಟಿಯಲ್ಲಿ ರಿಲೀಸ್ ಆಗುತ್ತಿದೆ. ನೆಟ್ಫ್ಲಿಕ್ಸ್ನಲ್ಲಿ ಅವರ ಹೊಸ ಸ್ಟಾಂಡಪ್ ಸ್ಪೆಷಲ್ ‘ಝಾಕಿರ್ ಖಾನ್: ಪಾಪ ಯಾರ್’ ರಿಲೀಸ್ ಆಗಲಿದೆ.
‘ಲಸ್ಟ್ ಸ್ಟೋರೀಸ್’ ಬಾಲಿವುಡ್ನ ಜನಪ್ರಿಯ ಕತೆಗಳ ಸಂಕಲನದ ಮಾದರಿಯ ಸಿನಿಮಾ. ಈಗಾಗಲೇ ‘ಲಸ್ಟ್ ಸ್ಟೋರೀಸ್’ ನ ಎರಡು ಭಾಗಗಳು ಬಿಡುಗಡೆ ಆಗಿ ಹಿಟ್ ಆಗಿವೆ. ಇದೀಗ ಇದರ ಮೂರನೇ ಭಾಗ ರಿಲೀಸ್ ಆಗಿದೆ. ‘ಲಸ್ಟ್ ಸ್ಟೋರೀಸ್ 3’ ಅನ್ನು ನೆಟ್ಫ್ಲಿಕ್ಸ್ನಲ್ಲಿ ವೀಕ್ಷಿಸಬಹುದಾಗಿದೆ.
‘ವೇಯಿಟಿಂಗ್ ಹೇ’ ಒಂದು ಆಸಕ್ತಿಕರ ಕತೆ ಒಳಗೊಂಡ ವೆಬ್ ಸರಣಿ ಆಗಿದೆ. ‘ಮಿರ್ಜಾಪುರ್’ ಖ್ಯಾತಿಯ ದಿವ್ಯೇಂದು ಮುಖ್ಯ ಪಾತ್ರದಲ್ಲಿ ನಟಿಸಿರುವ ಈ ವೆಬ್ ಸರಣಿ, ರೈಲ್ವೆಯ ತತ್ಕಾಲ್ ಹಗರಣವನ್ನು ತನಿಖೆ ನಡೆಸುವ ಕತೆ ಒಳಗೊಂಡಿದೆ. ವೆಬ್ ಸರಣಿ ಅಮೆಜಾನ್ ಪ್ರೈಂನಲ್ಲಿ ವೀಕ್ಷಣೆಗೆ ಲಭ್ಯವಿದೆ.