ಲವ್ ಲೈಫ್ ವಿಚಾರ ಬಿಚ್ಚಿಟ್ಟ ನಟಿ ಶ್ರೀಲೀಲಾ: ಇಲ್ಲಿದೆ ವಿವರ

ನಟಿ ಶ್ರೀಲೀಲಾ ಅವರು ಟಾಲಿವುಡ್​ನಲ್ಲಿ ಬ್ಯಾಕ್ ಟು ಬ್ಯಾಕ್ ಸಿನಿಮಾ ಆಫರ್ ಒಪ್ಪಿಕೊಂಡಿದ್ದರು. ಇತ್ತೀಚೆಗೆ ಅವರು ಫ್ಲಾಪ್ ಕೊಟ್ಟಿದ್ದೇ ಹೆಚ್ಚು. ಇದರಿಂದ ಅವರು ಬೇಸರಗೊಂಡಿದ್ದಾರೆ. ಅವರ ಬಗ್ಗೆ, ಅವರ ಜೀವನದ ಬಗ್ಗೆ ತಿಳಿದುಕೊಳ್ಳಬೇಕು ಎಂಬುದು ಫ್ಯಾನ್ಸ್ ಆಸೆ. ಆದರೆ, ಅವರು ಖಾಸಗಿ ವಿಚಾರಗಳನ್ನು ರಿವೀಲ್ ಮಾಡಿದ್ದು ಕಡಿಮೆ. ಈಗ ಅವರು ತಮ್ಮ ಲವ್ ವಿಚಾರ ಹೇಳಿಕೊಂಡಿದ್ದಾರೆ.

ನಟಿ ಶ್ರೀಲೀಲಾಗೆ ಈಗಿನ್ನು 23 ವರ್ಷ. ಅವರು ಈಗ ಯಾವುದೇ ಪ್ರೀತಿ-ಪ್ರೇಮದ ಪಾಶದಲ್ಲಿ ಬಿದ್ದಿಲ್ಲ. ಅವರು ನಟನೆಯ ಜೊತೆಗೆ ಓದಿನ ಕಡೆಗೂ ಗಮನ ಹರಿಸುತ್ತಿದ್ದಾರೆ. ಸದ್ಯದ ಮಟ್ಟಿಗೆ ಅವರಿಗೆ ಇದೇ ಪ್ರೀತಿ-ಪ್ರೇಮ ಎಲ್ಲವೂ. ಶೀಘ್ರವೇ ಅವರ ಶಿಕ್ಷಣ ಪೂರ್ಣಗೊಳ್ಳಲಿದೆ. ಆ ಬಳಿಕ ಅವರು ಸಿನಿಮಾ ಕಡೆಗೆ ಹೆಚ್ಚಿನ ಗಮನ ಹರಿಸುತ್ತಾರೆ.

ಬಹುತೇಕ ಹೀರೋಯಿನ್​ಗಳು 30ರ ಬಳಿಕವೇ ಮದುವೆ ಆಗಲು ಬಯಸುತ್ತಾರೆ. ಇನ್ನೂ ಕೆಲವು ಹೀರೋಯಿನ್​ಗಳು 35 ವರ್ಷ ಆದರೂ ಮದುವೆ ಆಗದೆ ಇದ್ದವರು ಇದ್ದಾರೆ. ಆ ಸಾಲಿಗೆ ಶ್ರೀಲೀಲಾ ಕೂಡ ಸೇರ್ಪಡೆ ಆಗುತ್ತಾರೆ ಎಂದು ಹೇಳಲಾಗಿದೆ. ಶ್ರೀಲೀಲಾ ಅವರು ಎಂಬಿಬಿಎಸ್ ಮಾಡುತ್ತಿದ್ದಾರೆ. ಅವರು ಎಂಎಸ್ ಮಾಡುವ ಕನಸನ್ನು ಕೂಡ ಇಟ್ಟುಕೊಂಡಿದ್ದಾರೆ.

ಇದನ್ನೂ ಓದಿ:ಮುಂಬೈನಲ್ಲಿ ಸೆಟಲ್ ಆಗುವ ಯೋಜನೆಯಲ್ಲಿ ಶ್ರೀಲೀಲಾ

ಡಾಕ್ಟರ್ ಸ್ವರ್ಣಲತಾ ಅವರು ಖ್ಯಾತ ಸ್ತ್ರೀರೋಗ ತಜ್ಞರು. ಅವರ ಮಗಳೇ ಶ್ರೀಲೀಲಾ. ಅನೇಕ ಸೆಲೆಬ್ರಿಟಿಗಳನ್ನು ಸ್ವರ್ಣಲತಾ ಕನ್ಸಲ್ಟ್ ಮಾಡಿದ್ದಾರೆ. ಈ ಕಾರಣಕ್ಕೂ ಶ್ರೀಲೀಲಾಗೆ ಚಿತ್ರರಂಗದ ಜೊತೆ ಒಳ್ಳೆಯ ನಂಟು ಬೆಳೆಯಿತು ಎನ್ನಲಾಯಿತು.

ಶ್ರೀಲೀಲಾ ಅವರು ‘ರಾಬಿನುಡ್’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ವೆಂಕಿ ಕುಡುಮುಲಾ ನಿರ್ದೇಶನ ಮಾಡುತ್ತಿದ್ದಾರೆ. ನಿತಿನ್, ವೆನೆಲಾ ಕಿಶೋರ್ ನಟಿಸುತ್ತಿದ್ದಾರೆ. ಮೈತ್ರಿ ಮೂವೀ ಮೇಕರ್ಸ್ ಈ ಚಿತ್ರ ನಿರ್ಮಾಣ ಮಾಡಿದ್ದಾರೆ. ಡಿಸೆಂಬರ್ 20ರಂದು ಸಿನಿಮಾ ರಿಲೀಸ್ ಆಗುತ್ತಿದೆ. ಆಸ್ಟ್ರಿಯಾದಲ್ಲಿ ಸಿನಿಮಾದ ಶೂಟ್ ನಡೆಯುತ್ತಿದೆ.

ಶ್ರೀಲೀಲಾ ಅವರು ಮೊದಲು ನಟಿಸಿದ್ದು ಕನ್ನಡದ ಸಿನಿಮಾದಲ್ಲಿ. 2017ರಲ್ಲಿ ರಿಲೀಸ್ ಆದ ‘ಚಿತ್ರಾಂಗದ’ ಸಿನಿಮಾದಲ್ಲಿ ಬಾಲ ಕಲಾವಿದೆಯಾಗಿ ನಟಿಸಿದ್ದರು. ‘ಕಿಸ್’ ಸಿನಿಮಾದಲ್ಲಿ ನಟಿಸಿ ಫೇಮಸ್ ಆದರು. ‘ಭರಾಟೆ’ ಚಿತ್ರದಲ್ಲೂ ಅವರು ನಟಿಸಿದ್ದಾರೆ. ನಂತರ ಅವರು ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ