ತಂದೆ ಜೀವಂತವಾಗಿರುವಾಗಲೂ ಅವರ ಮಕ್ಕಳು ಕುಟುಂಬದ ಅರ್ಚಕ ಸಂಪ್ರದಾಯ ಮುಂದುವರಿಸಬಹುದು: ಕರ್ನಾಟಕ ಸರ್ಕಾರ

ದತ್ತಿ ಇಲಾಖೆಗೆ (endowments department) ಸೇರಿದ ದೇವಸ್ಥಾನಗಳಲ್ಲಿ (temples) ಕೆಲಸ ಮಾಡುವ ಪುರೋಹಿತರ (ಅರ್ಚಕ- Purohit, priest) ಮಕ್ಕಳಿಗೆ ಅವರ ತಂದೆ ಜೀವಂತವಾಗಿರುವಾಗಲೂ ಅರ್ಚಕರಾಗಿ ಕೆಲಸ ಮಾಡಲು ರಾಜ್ಯ ಸರ್ಕಾರ (Karnataka Government) ಮೊದಲ ಬಾರಿಗೆ ಅನುಮತಿ ನೀಡಿದೆ.

ಇಲ್ಲಿಯವರೆಗೆ, ಅಂತಹ ಮಕ್ಕಳಿಗೆ ಅವರ ತಂದೆ-ತಾಯಿ ತೀರಿಕೊಂಡ ನಂತರವೇ ಹುದ್ದೆಗಳನ್ನು ನೀಡಲಾಗುತ್ತಿತ್ತು. ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿರುವ ಪುರೋಹಿತರ ಮಕ್ಕಳು ತಮ್ಮ ಕುಟುಂಬದ ಸಂಪ್ರದಾಯವನ್ನು ಮುಂದುವರಿಸಲು ಇಲಾಖೆಯು ಇದೀಗ ಅಧಿಸೂಚನೆಯನ್ನು ಹೊರಡಿಸಿದೆ ಎಂದು www.newindianexpress.com ವರದಿ ಮಾಡಿದೆ.

ರಾಜ್ಯವು 34,000 ದತ್ತಿ ದೇವಾಲಯಗಳನ್ನು ಹೊಂದಿದೆ. ಕರ್ನಾಟಕ ಹಿಂದೂ ಧಾರ್ಮಿಕ ಮತ್ತು ದತ್ತಿ ಕಾಯಿದೆ ( Karnataka Hindu Religious and Charitable Endowments Act) 1997, ಸೆಕ್ಷನ್ 9(1) ಪ್ರಕಾರ, ಸಿ ದರ್ಜೆಯ ದೇವಾಲಯಗಳಲ್ಲಿ ಕೆಲಸ ಮಾಡುವ ಪುರೋಹಿತರ ಪುತ್ರರು ತಮ್ಮ ತಂದೆ ಮರಣ ಹೊಂದಿದರೆ ವಂಶಪಾರಂಪರ್ಯವಾಗಿ ಅರ್ಚಕ ವೃತ್ತಿ ಮುಂದುವರಿಸಬಹುದು. ಆದರೆ, ದೇವಸ್ಥಾನದ ಪೂಜೆಗೆ ಹಾಜರಾಗಲು ಸಾಧ್ಯವಾಗದ ವಯಸ್ಸಾದ ಅರ್ಚಕರಿಗೆ ಅವರ ಮಕ್ಕಳು ಅಥವಾ ವಾರಸುದಾರರಿಗೆ ಕೆಲಸ ನೀಡಲಾಗುವುದಿಲ್ಲ ಎಂದಿತ್ತು.

ಇದನ್ನೂ ಓದಿ: ಕರ್ನಾಟಕದ ಮುಜರಾಯಿ ಇಲಾಖೆ ಅರ್ಚಕರಿಗೆ ಗುಡ್ ನ್ಯೂಸ್, ತಸ್ತಿಕ್​​ ಹಣ ರಿಲೀಸ್​

ಇದೀಗ ಸರಕಾರ ಆದೇಶ ಹೊರಡಿಸಿದ್ದು, ಪುರೋಹಿತರು ಮೃತಪಟ್ಟರೆ ಅಥವಾ ಆರೋಗ್ಯ ಮತ್ತು ವಯೋಸಹಜ ಸಮಸ್ಯೆಗಳಿಂದಾಗಿ ದೇವಸ್ಥಾನಗಳಲ್ಲಿ ಪೂಜೆ ಸಲ್ಲಿಸಲು ಸಾಧ್ಯವಾಗದೇ ಇದ್ದಲ್ಲಿ ವಂಶಪಾರಂಪರ್ಯ ಹಕ್ಕುಗಳನ್ನು ಮಕ್ಕಳಿಗೆ ನೀಡಲಾಗುವುದು ಎಂದು ಹೇಳಿದೆ.

ಕರ್ನಾಟಕದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ಕಿಸಿ