ದಿಬ್ಬೂರಹಳ್ಳಿ: ಕಂಡಕ್ಟರ್​ಗೆ ವಿದ್ಯಾರ್ಥಿನಿ ಅಣ್ಣನ ಕಡೆಯಿಂದ ಹಿಗ್ಗಾಮುಗ್ಗಾ ಥಳಿತ, ಗಾಯಾಳು ಕಂಡಕ್ಟರ್ ನಿಮ್ಹಾನ್ಸ್ ಪಾಲು

ಚಿಕ್ಕಬಳ್ಳಾಪುರ: ಬೇರೆ ಮಾರ್ಗದ ಬಸ್ ಪಾಸ್ ನಡೆಯಲ್ಲ ಎಂದಿದ್ದಕ್ಕೆ ಕೆ.ಎಸ್.ಆರ್.ಟಿ.ಸಿ ಕಂಡಕ್ಟರ್ ಗೆ ವಿದ್ಯಾರ್ಥಿನಿಯ ಅಣ್ಣ ಹಾಗೂ ಆತನ ಸ್ನೇಹಿತರು ಹಿಗ್ಗಾಮುಗ್ಗಾ ಥಳಿಸಿರುವ ಪ್ರಕರಣ ನಡೆದಿದ್ದು, ಗಾಯಾಳು ಕಂಡಕ್ಟರ್ ಬೆಂಗಳೂರಿನ ನಿಮ್ಹಾನ್ಸ್ ಆಸ್ಪತ್ರೆಗೆ ದಾಖಲಾಗುವ ಪರಿಸ್ಥಿತಿ ಬಂದಿದೆ.

ಚಿಕ್ಕಬಳ್ಳಾಪುರ ಜಿಲ್ಲೆ ಚಿಂತಾಮಣಿ ತಾಲೂಕಿನ ತುರುಕೇಶಪಲ್ಲಿ ಗ್ರಾಮದ ಬಳಿ ನಿನ್ನೆ ಸಂಜೆ ಈ ಘಟನೆ ನಡೆದಿದೆ. ಚಿಂತಾಮಣಿ ಜೂಲಪಾಳ್ಯ ಮಾರ್ಗದ ಬಸ್​​ನಲ್ಲಿ ಈ ಘಟನೆ ನಡೆದಿದೆ. ಒಂದು ಮಾರ್ಗದ ಬಸ್ ಪಾಸ್ ಇನ್ನೊಂದು ಮಾರ್ಗದಲ್ಲಿ ನಡೆಯಲ್ಲ ಎಂದಿದ್ದಕ್ಕೆ ಹಿಗ್ಗಾಮುಗ್ಗಾ ಥಳಿಸಲಾಗಿದೆ. ಬಸ್ ಕಂಡಕ್ಟರ್ ತಿಮ್ಮರಾಯಪ್ಪ ತೀವ್ರವಾಗಿ ಹಲ್ಲೆಗೀಡಾದ ಕಂಡಕ್ಟರ್.

ವಿದ್ಯಾರ್ಥಿನಿ ಅನುಮತಿ ಪಡೆದ ಮಾರ್ಗದ ಬದಲು, ಬೇರೆ ಮಾರ್ಗದ ಬಸ್ ಹತ್ತಿದ್ದಳು. ವಿದ್ಯಾರ್ಥಿನಿಯ ಅಣ್ಣ ರಾಜೇಶ ಆತನ ಸ್ನೇಹಿತರಿಂದ ಕಂಡಕ್ಟರ್ ಮೇಲೆ ಹಲ್ಲೆ ನಡೆದಿದೆ ಎಂದು ಆರೋಪಿಸಲಾಗಿದೆ. ದಿಬ್ಬೂರಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಚಿಂತಾಮಣಿಯಲ್ಲಿ ಹೆಣ್ಣು ಶಿಶುವನ್ನು ತಿಪ್ಪೆಗೆ ಎಸೆದಿರುವ ದುರುಳರು:

ಚಿಂತಾಮಣಿ: ಚಿಕ್ಕಬಳ್ಳಾಪುರ ಜಿಲ್ಲೆಯ ಚಿಂತಾಮಣಿ ನಗರದ ಅಗ್ರಹಾರದಲ್ಲಿ ದುರುಳರು ನವಜಾತ ಹೆಣ್ಣು ಶಿಶುವನ್ನು ತಿಪ್ಪೆಗೆ ಎಸೆದಿರುವ ಘಟನೆ ನಡೆದಿದೆ. ಹುಟ್ಟಿದ ಮಗು ಹೆಣ್ಣೆಂಬ ಕಾರಣಕ್ಕೆ ತಿಪ್ಪೆಗೆ ಎಸೆದಿರುವ ಶಂಕೆ ವ್ತಕ್ತವಾಗಿದೆ. ಮಹಿಳಾ ಸಹಾಯವಾಣಿ ಸಾಂತ್ವನ ಕೇಂದ್ರದ ಸಿಬ್ಬಂದಿ ಮತ್ತು ಸ್ಥಳೀಯರು ಶಿಶುವನ್ನು ರಕ್ಷಣೆ ಮಾಡಿದ್ದಾರೆ.

ಚಿಂತಾಮಣಿ ನಗರ ಮಹಿಳಾ ಸಹಾಯವಾಣಿ ಸಾಂತ್ವನ ಕೇಂದ್ರದ ಸಿಬ್ಬಂದಿ ಮತ್ತು ಸ್ಥಳೀಯರು ಶಿಶುವನ್ನು ರಕ್ಷಣೆ ಮಾಡಿದ್ದಾರೆ.

(girl student brother and gang beat up ksrtc bus conductor in dibburahalli chikkaballapur district)