ನೇಣು ಬಿಗಿದ ಸ್ಥಿತಿಯಲ್ಲಿ ಬಿಜೆಪಿ ಕಾರ್ಯಕರ್ತನ ಶವ ಪತ್ತೆ: ಆತ್ಮಹತ್ಯೆಯಲ್ಲ, ಕೊಲೆ ಎನ್ನುತ್ತಿರುವ ಕುಟುಂಬಸ್ಥರು

ಕಲಬುರಗಿ: ರಾಜ್ಯ ವಿಧಾನಸಭೆ ಚುನಾವಣೆ(Karnataka Assembly Election) ಮೊನ್ನೆಯಷ್ಟೇ(ಮೇ.10) ಮತದಾನ ನಡೆದಿದ್ದು, ನಾಳೆ ಫಲಿತಾಂಶ ಹೊರಬಿಳಲಿದೆ. ಜಿಲ್ಲೆಯಲ್ಲಿ ಕೂಡ ಶಾಂತಿಯುತವಾಗಿ ಮತದಾನ ನಡೆದಿದೆ. ಆದ್ರೆ, ನಿನ್ನೆ(ಮೇ.10) ಚಿಂಚೋಳಿ (Chincholi) ವಿಧಾನಸಭಾ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿದ್ದ ಡಾ. ಅವಿನಾಸ್ ಜಾಧವ್( Avinash Jadhav) ಪರ, ಸಲಗರ ಬಸಂತಪುರ ತಾಂಡಾದ ಬೂತ್​ನಲ್ಲಿ ಬಿಜೆಪಿ ಏಜೆಂಟ್ ಆಗಿದ್ದ ರಾಮು ರಾಠೋಡ್ ಎನ್ನುವ 45 ವರ್ಷದ ವ್ಯಕ್ತಿ ನಿನ್ನೆ(ಮೇ.11) ಮುಂಜಾನೆ ಶವವಾಗಿ ಪತ್ತೆಯಾಗಿದ್ದಾನೆ. ಹೌದು ರಾಮು ರಾಠೋಡ್, ಬಿಜೆಪಿಯ ಸಕ್ರಿಯ ಕಾರ್ಯಕರ್ತನಾಗಿದ್ದ ಇತ. ಅನೇಕ ಬಾರಿ ಮುಂಬೈಗೆ ಹೋಗಿ ಬಿಜೆಪಿ ಕಾರ್ಯಕರ್ತರನ್ನು ಸಂಪರ್ಕಿಸಿ ಅವರನ್ನು ಮತದಾನಕ್ಕೆ ಕರೆದುಕೊಂಡು ಬಂದಿದ್ದ. ಈ ಭಾಗದಲ್ಲಿ ಬಿಜೆಪಿಯ ಕಾರ್ಯಕ್ರಮದಲ್ಲಿ ಭಾಗಿಯಾಗುವದಲ್ಲದೆ, ಬಿಜೆಪಿ ಪಕ್ಷವನ್ನು ಕಟ್ಟಿ ಬೆಳೆಸುವ ಕೆಲಸ ಮಾಡಿದ್ದ. ನಿನ್ನೆ(ಮೇ.10) ಮುಂಜಾನೆಯಿಂದ ಬಿಜೆಪಿ ಏಜೆಂಟ್ ಆಗಿ ಕೆಲಸ ಮಾಡಿದ್ದ ರಾಮು ರಾಠೋಡ್, ಇವಿಎಮ್ ಮಷಿನ್ ಹೋಗೋವರಗೆ ತಾಂಡಾದ ಶಾಲೆಯಲ್ಲಿಯೇ ಇದ್ದ.

ಚುನಾವಣೆ ಕೆಲಸ ಮುಗಿದ ಮೇಲೆ ಮದ್ಯ ಸೇವನೆ ಮಾಡಿದ್ದ ರಾಮು, ತನ್ನ ಮಗಳಿಗೆ ಪೋನ್ ಮಾಡಿದ್ದನಂತೆ. ಮಗಳು ಮನೆಗೆ ಹೋಗು ಎಂದು ಹೇಳಿದಾಗ, ಮನೆಗೆ ಬಂದು ಮಲಗಿದ್ದನಂತೆ. ರಾತ್ರಿ 12 ಗಂಟೆ ಸಮಯದಲ್ಲಿ ಮನೆಗೆ ಬಂದಿದ್ದ ರಾಮು, ಮಧ್ಯರಾತ್ರಿ ಯಾರೋ ಪೋನ್ ಮಾಡಿದರೆಂದು ಮನೆಯಿಂದ ಹೊರಗೆ ಹೋಗಿದ್ದನಂತೆ. ಆದ್ರೆ, ಮತ್ತೆ ಮಗಳು ಪೋನ್ ಮಾಡಿದಾಗ, ಪೋನ್ ರಿಂಗ್ ಆದ್ರು, ಕೂಡ ಪೋನ್ ತೆಗೆದಿಲ್ಲ. ಹೀಗಾಗಿ ರಾಮು ರಾಠೋಡ್ ಪುತ್ರರು ಮತ್ತು ಸಂಬಂಧಿಗಳು ಸುತ್ತಮುತ್ತ ಹುಡುಕಾಡಿದ್ದಾರೆ. ಆದ್ರೆ, ಮುಂಜಾನೆ ರಾಮು ರಾಠೋಡ್, ತಾಂಡಾದ ಹೊರವಯದಲ್ಲಿರುವ ಕೃಷಿ ಜಮೀನಿನಲ್ಲಿ ಮರಕ್ಕೆ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾನೆ.

ಇದನ್ನೂ ಓದಿ:Karnataka Assembly Election 2023: ಮತದಾನದಲ್ಲಿ ಈ ಜಿಲ್ಲೆಯೇ ರಾಜ್ಯಕ್ಕೆ ಪ್ರಥಮ. ಕಾರಣವೇನು?

ಆತ್ಮಹತ್ಯೆಯಲ್ಲ, ಕೊಲೆ ಎನ್ನುವ ಅನುಮಾನ

ಇನ್ನು ರಾಮು ರಾಠೋಡ್, ಕಾಲುಗಳು ನೆಲಕ್ಕೆ ತಾಗುತ್ತಿರುವುದರಿಂದ , ಚಿಕ್ಕ ಮರಕ್ಕೆ ನೇಣು ಬಿಗಿದುಕೊಂಡ ಸ್ಥಿತಿಯಲ್ಲಿ ಶವ ಪತ್ತೆಯಾಗಿರುವುದು ಮತ್ತು ಶವದ ಮೇಲೆ ಕೆಲವಡೇ ಗಾಯದ ಗುರುತುಗಳು ಇರೋದು ಅನೇಕ ಅನುಮಾನಗಳಿಗೆ ಕಾರಣವಾಗಿದೆ. ಕುಟುಂಬದವರು, ರಾಮು ರಾಠೋಡ್​ನದ್ದು ಸಹಜ ಸಾವಲ್ಲ,, ಕೊಲೆಯೆಂದು ಆರೋಪಿಸಿದ್ದಾರೆ. ರಾಮು ರಾಠೋಡ್ ಕುಡಿಯುವುದನ್ನ ಬಿಟ್ಟಿದ್ದ. ಆದ್ರೆ, ಮೊನ್ನೆ(ಮೇ.10) ಆತನಿಗೆ ಯಾರೋ ಚೆನ್ನಾಗಿ ಕುಡಿಸಿದ್ದಾರೆ. ರಾತ್ರಿ ಸಮಯದಲ್ಲಿ ಕರೆದುಕೊಂಡು ಹೋಗಿ ಕೊಲೆ ಮಾಡಿ, ನಂತರ ಮರಕ್ಕೆ ನೇಣು ಹಾಕಿದ್ದಾರೆ ಎಂದು ಆರೋಪಿಸುತ್ತಿದ್ದಾರೆ. ನಮ್ಮ ತಂದೆ ಆತ್ಮಹತ್ಯೆ ಮಾಡಿಕೊಳ್ಳುವಂತಹ ವ್ಯಕ್ತಿಯಾಗಿರಲಿಲ್ಲ, ಅನೇಕರಿಗೆ ಬುದ್ದಿ ಹೇಳುತ್ತಿದ್ದ. ಇನ್ನು ಆತ ಯಾರ ಜೊತೆ ಕೂಡ ವೈಷಮ್ಯ ಇರಲಿಲ್ಲ. ಆದ್ರೆ, ರಾಜಕೀಯ ಕಾರಣಕ್ಕೆ ಯಾರಾದ್ರು, ಕೊಲೆ ಮಾಡಿರಬಹುದೆಂದು ಆರೋಪಿಸುತ್ತಿದ್ದಾರೆ. ಇನ್ನು ಮಾಹಿತಿ ತಿಳಿದ ನಂತರ ಕಲಬುರಗಿ ಸಂಸದ ಡಾ. ಉಮೇಶ್ ಜಾಧವ್ ಆಗಮಿಸಿ ಪರಿಶೀಲನೆ ನಡೆಸಿದ್ರು. ಸಾವಿನ ಬಗ್ಗೆ ಅನುಮಾನವಿದ್ದು, ತನಿಖೆ ನಡೆಸಬೇಕೆಂದು ಆಗ್ರಹಿಸಿದ್ದಾರೆ.

ಸದ್ಯ ರಾಮು ಸಾವಿನ ಬಗ್ಗೆ ಚಿಂಚೋಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಪೊಲೀಸರು ರಾಮು ಸಾವಿನ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ತನಿಖೆ ನಂತರವೇ, ರಾಮು ರಾಠೋಡ್​ನದ್ದು ಕೊಲೆಯಾ ಅಥವಾ ಆತ್ಮಹತ್ಯೆಯಾ ಅನ್ನೋದು ಗೊತ್ತಾಗಲಿದೆ. ಆದ್ರೆ, ಚುನಾವಣೆ ನಡೆದ ದಿನವೇ, ಬಿಜೆಪಿ ಕಾರ್ಯಕರ್ತನ ಸಾವು ಸಾಕಷ್ಟು ಅನುಮಾನಗಳಿಗೆ ಕಾರಣವಾಗಿದ್ದು, ಈ ಬಗ್ಗೆ ಪೊಲೀಸರು ನಿಸ್ಪಕ್ಷಪಾತವಾಗಿ ತನಿಖೆ ನಡೆಸಬೇಕಿದೆ.

ವರದಿ: ಸಂಜಯ್ ಟಿವಿ9 ಕಲಬುರಗಿ

ಇನ್ನಷ್ಟು ಅಪರಾಧ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ