ಈ ಸರಳ ವ್ಯಾಯಾಮದ ದಿನಚರಿಯು ಒಟ್ಟಾರೆ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಮತ್ತು ಮಧುಮೇಹವನ್ನು ಉತ್ತಮವಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ. ನಿಮಗೆ ಯಾವುದು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ನಿಮ್ಮ ಮಧುಮೇಹ ತಜ್ಞರನ್ನು ಮುಂಚಿತವಾಗಿ ಸಂಪರ್ಕಿಸುವುದು ಮುಖ್ಯವಾಗಿದೆ.
Health Tips: ಮುಂಗಾರು ಸಮಯದಲ್ಲಿ ಮಧುಮೇಹಿಗಳು ಮಾಡಬೇಕಾದ ವ್ಯಾಯಾಮಗಳು ಇಲ್ಲಿವೆ
ಮಧುಮೇಹ ಹೊಂದಿರುವವರು ತಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಾಪಾಡಿಕೊಳ್ಳಲು ಒಳಾಂಗಣ ತಾಲೀಮು ದಿನಚರಿಯನ್ನು ನಿರ್ಮಿಸಬೇಕು. ತಮ್ಮ ವೈದ್ಯರೊಂದಿಗೆ ಸಮಾಲೋಚಿಸುವ ಮೂಲಕ ಒಳಾಂಗಣ ವ್ಯಾಯಾಮಗಳನ್ನು ಪ್ರಯತ್ನಿಸಬೇಕು.
ಸಾಂಕೇತಿಕ ಚಿತ್ರ
ಮಧುಮೇಹ ಹೊಂದಿರುವ ಜನರು ಸರಿಯಾದ ಚಿಕಿತ್ಸೆಗೆ ಬದ್ಧರಾಗಿರಲು, ಸಮತೋಲಿತ ಮತ್ತು ಪೌಷ್ಟಿಕಾಂಶದ ಆಹಾರವನ್ನು ಕಂಡುಕೊಳ್ಳಲು ಮತ್ತು ನಿಯಮಿತವಾದ ವ್ಯಾಯಾಮವನ್ನು ನಿರ್ಮಿಸಲು ಸಮಗ್ರ ಮಧುಮೇಹ ನಿರ್ವಹಣಾ ಚಿಕಿತ್ಸೆಯು ಸೂಚಿಸುತ್ತದೆ. ದೈಹಿಕ ಚಟುವಟಿಕೆಯು ಮಧುಮೇಹ ಆರೈಕೆಯ ಪ್ರಮುಖ ಅಂಶವಾಗಿದೆ. ಟೈಪ್ 1 ಮಧುಮೇಹ ಹೊಂದಿರುವ ಜನರಲ್ಲಿ ವ್ಯಾಯಾಮದ ಸಮಯದಲ್ಲಿ ರಕ್ತದ ಸಕ್ಕರೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ. ಅಮೇರಿಕನ್ ಡಯಾಬಿಟಿಸ್ ಅಸೋಸಿಯೇಷನ್‌ನ ಪ್ರಕಾರ, ತೂಕದೊಂದಿಗೆ ವ್ಯಾಯಾಮವು ಮೂಳೆಗಳನ್ನು ಬಲಪಡಿಸುವುದು, ರಕ್ತದೊತ್ತಡ ಮತ್ತು ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುವುದು, ತೂಕ ನಷ್ಟ ಮತ್ತು ಹೃದಯ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುವಂತಹ ಹೆಚ್ಚುವರಿ ಆರೋಗ್ಯ ಪ್ರಯೋಜನಗಳೊಂದಿಗೆ ಬರುತ್ತದೆ.
ಡಯಾಬ್ಕುರಾ ಹೆಲ್ತ್‌ಕೇರ್ ಮತ್ತು ಧರ್ಮ ಡಯಾಬಿಟಿಸ್ ಮತ್ತು ಮೆಟಾಬಾಲಿಕ್ ಕ್ಲಿನಿಕ್ಸ್‌ನ ಡೈರೆಕ್ಟರ್ ಮತ್ತು ಕನ್ಸಲ್ಟೆಂಟ್ ಡಯಾಬಿಟಾಲಜಿಸ್ಟ್ ಡಾ.ಮುದಿತ್ ಸಬರ್ವಾಲ್ ಪ್ರಕಾರ, “ತಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಾಪಾಡಿಕೊಳ್ಳಲು ಒಳಾಂಗಣ ತಾಲೀಮು ದಿನಚರಿಯನ್ನು ನಿರ್ಮಿಸುವ ಮೂಲಕ ಸಣ್ಣ ಪ್ರಯತ್ನಗಳನ್ನು ಮಾಡಬೇಕಾಗುತ್ತದೆ. ಅದಾಗ್ಯೂ ವ್ಯಾಯಾಮದ ಸಮಯದಲ್ಲಿ ರಕ್ತದಲ್ಲಿನ ಸಕ್ಕರೆಯ ಏರಿಳಿತದ ಬಗ್ಗೆ ತಿಳಿದುಕೊಳ್ಳುವುದು ಸಹ ಮುಖ್ಯವಾಗಿದೆ. ರಕ್ತದ ಸಕ್ಕರೆಯನ್ನು ಟ್ರ್ಯಾಕ್ ಮಾಡಬೇಕಾಗುತ್ತದೆ. ಮಧುಮೇಹ ಹೊಂದಿರುವ ಜನರು ತಮ್ಮ ವೈದ್ಯರೊಂದಿಗೆ ಸಮಾಲೋಚಿಸುವ ಮೂಲಕ ಒಳಾಂಗಣ ವ್ಯಾಯಾಮವನ್ನು ಪ್ರಯತ್ನಿಸಬೇಕು. ಕೆಳಗಿನ ಕೆಲವು ಒಳಾಂಗಣ ವ್ಯಾಯಾಮಗಳನ್ನು ಅನುಸರಿಸಬಹುದು:
ವಾಲ್ ಪುಷ್-ಅಪ್‌ : ಒಳಾಂಗಣದಲ್ಲೇ ಮಾಡಬಹುದಾದ ವ್ಯಾಯಾಮಗಳಲ್ಲಿ ಮೊದಲನೆಯದ್ದು, ವಾಲ್ ಪುಷ್ಅಪ್. ಗೋಡೆಗೆ ಕೈ ಇಟ್ಟು ದೇಹವನ್ನು ಹಲಗೆಯಂತೆ ನೇರವಾಗಿರಿಸಿ ಪುಷ್ಅಪ್ಗಳನ್ನು ತೆಗೆಯಬಹುದು.
ಬದಿಗೆ ಕೈಗಳನ್ನು ಎತ್ತುವುದು : ಕುಳಿತುಕೊಳ್ಳಬಹುದು ಅಥವಾ ನಿಂತುಕೊಂಡು ನಿಮ್ಮ ಕೈಗಳನ್ನು ನಿಮ್ಮ ಬದಿಗಳಲ್ಲಿ ಮತ್ತು ಪ್ರತಿ ಕೈಯಲ್ಲಿ ತೂಕವನ್ನು ಇರಿಸಿ. ನಿಧಾನವಾಗಿ ಎರಡೂ ಕೈಗಳನ್ನು ಬದಿಗೆ ಎತ್ತಿ, ಮೊಣಕೈಗಳನ್ನು ಸ್ವಲ್ಪ ಬಾಗಿಸಿ. ಕ್ರಮೇಣ ನಿಮ್ಮ ತೋಳುಗಳನ್ನು ಕೆಳಕ್ಕೆ ಇಳಿಸಿ ಮತ್ತು ಪುನರಾವರ್ತಿಸಿ.
ಬೈಸೆಪ್ ಕರ್ಲ್ಸ್ : ನಿಮ್ಮ ತೋಳುಗಳನ್ನು ನಿಮ್ಮ ಬದಿಗಳಲ್ಲಿ ಮತ್ತು ಪ್ರತಿ ಕೈಯಲ್ಲಿ ಡಂಬಲ್ಸ್ ಅಥವಾ ತೂಕವನ್ನು ಹಿಡಿದುಕೊಳ್ಳಿ. ತೂಕವನ್ನು ನಿಮ್ಮ ಭುಜಕ್ಕೆ ವರ್ಗಾಯಿಸಲು ಒಂದು ತೋಳನ್ನು ಬಗ್ಗಿಸಿ. ನೀವು ಹಿಂತಿರುಗಿ ಬಂದಾಗ ಎದುರು ತೋಳಿನಿಂದ ಪುನರಾವರ್ತಿಸಿ.
ಟ್ರೈಸ್ಪ್ಸ್ ವಿಸ್ತರಣೆಗಳು : ಡಂಬಲ್ಸ್ ಹಿಡಿದು ಅಥವಾ ಭಾರವಾಗಿರುವ ವಸ್ತುವನ್ನು ಹಿಡಿದು ಎರಡೂ ಕೈಗಳಿಂದ ತಲೆಯ ಮೇಲೆ ಕೊಂಡುಹೋಗಿ ಮತ್ತು ಹಾಗೆಯೇ ಹಿಂದಕ್ಕೆ ಬಾಗಿಸಿ.
