ಒಂದು ಕೆಜಿ ತೂಕ ಕಳೆದುಕೊಂಡರೆ ಅಭಿವೃದ್ಧಿ ಕಾರ್ಯಗಳಿಗಾಗಿ ₹1,000 ಕೋಟಿ; ಗಡ್ಕರಿ ವಾಗ್ದಾನವನ್ನು ಸ್ವೀಕರಿಸಿ 15ಕೆಜಿ ಕಳೆದುಕೊಂಡ ಉಜ್ಜಯಿನಿ ಸಂಸದ

ಉಜ್ಜಯಿನಿಯ (Ujjain) ಬಿಜೆಪಿ ಸಂಸದ ಅನಿಲ್ ಫಿರೋಜಿಯಾ (Nitin Gadkari) ಅವರು ಗಮನಾರ್ಹವಾದ ತೂಕ ಇಳಿಸುವ ಪ್ರಯಾಣದಲ್ಲಿದ್ದಾರೆ. “ಪ್ರತಿ ಕೆಜಿ ಕಳೆದುಕೊಂಡರೆ 1,000 ಕೋಟಿ ರೂಪಾಯಿಗಳನ್ನು” ಗಳಿಸಬಹುದು ಎಂಬ ಕೇಂದ್ರ ಸಚಿವ ನಿತಿನ್ ಗಡ್ಕರಿ (Nitin Gadkari)ಅವರ ಭರವಸೆಯಿಂದ ಅನಿಲ್ ತಮ್ಮ ತೂಕ ಇಳಿಸಲು ಶುರು ಮಾಡಿದ್ದಾರೆ. ಈ ವರ್ಷದ ಫೆಬ್ರುವರಿಯಲ್ಲಿ ಕೆಲವು ಯೋಜನೆಗಳ ಶಂಕುಸ್ಥಾಪನೆ ಸಮಾರಂಭವನ್ನು ಉದ್ದೇಶಿಸಿ ಮಾತನಾಡಿದ ಗಡ್ಕರಿ ಅವರು “ಫಂಡ್ಸ್ ಫಾರ್ ಫ್ಲಾಬ್” (funds for flab)ಭರವಸೆ ನೀಡಿದ ನಂತರ ಸಂಸದರು  ತೂಕ ಇಳಿಸಿಕೊಳ್ಳಲು  ಶುರು ಮಾಡಿದರು. ಮೊದಲ ಬಾರಿಗೆ ಸಂಸದರಾಗಿರುವ ಫಿರೋಜಿಯಾ ಅವರು ಫೆಬ್ರವರಿಯಲ್ಲಿ 127 ಕಿಲೋಗ್ರಾಂಗಳಷ್ಟು ತೂಕ ಹೊಂದಿದ್ದರು ಎಂದು ಶನಿವಾರ ಪಿಟಿಐಗೆ ತಿಳಿಸಿದರು. ನನ್ನನ್ನು ಫಿಟ್ ಆಗುವಂತೆ ಪ್ರೇರೇಪಿಸಲು ಫೆಬ್ರವರಿಯಲ್ಲಿ ಗಡ್ಕರಿ ಈ ಘೋಷಣೆ ಮಾಡಿದ್ದರು. ನಾನು ಕಳೆದುಕೊಂಡ ಪ್ರತಿ ಕಿಲೋಗ್ರಾಂ ತೂಕದ ಅಭಿವೃದ್ಧಿ ಕಾಮಗಾರಿಗಳಿಗೆ 1,000 ಕೋಟಿ ರೂಪಾಯಿ ಮಂಜೂರು ಮಾಡುವುದಾಗಿ ಹೇಳಿದ್ದರು. ನಾನು ಅವರ ಸವಾಲನ್ನು ಸ್ವೀಕರಿಸಿದೆ. ಕಳೆದ ನಾಲ್ಕು ತಿಂಗಳಲ್ಲಿ 15 ಕಿಲೋಗ್ರಾಂಗಳಷ್ಟು ಕಳೆದುಕೊಂಡಿದ್ದೇನೆ ಎಂದು ಫಿರೋಜಿಯಾ ಹೇಳಿದರು.

ಮಿತವಾದ ಆಹಾರ ಮತ್ತು ದೈಹಿಕ ವ್ಯಾಯಾಮ, ಸೈಕ್ಲಿಂಗ್ ಮತ್ತು ಯೋಗದಲ್ಲಿ ತೊಡಗಿಸಿಕೊಳ್ಳುವ ಮೂಲಕ ನಾನು ಇದನ್ನು ಸಾಧಿಸುತ್ತಿದ್ದೇನೆ. ನಾನು ಮೊದಲು 127 ಕಿಲೋಗ್ರಾಂಗಳಷ್ಟು ಇದ್ದೆ. ಈಗ ನಾನು 15 ಕಿಲೋಗ್ರಾಂಗಳಷ್ಟು ತೂಕವನ್ನು ಕಳೆದುಕೊಂಡಿರುವುದರಿಂದ ನನ್ನ ಕ್ಷೇತ್ರದಲ್ಲಿ ಅಭಿವೃದ್ಧಿ ಕಾರ್ಯಗಳಿಗಾಗಿ 15,000 ಕೋಟಿ ರೂ ಕೇಳಲು ನಾನು ಅರ್ಹನಾಗಿದ್ದೇನೆ ಎಂದು ಎಲ್ಎಸ್ ಸಂಸದರು ಹೇಳಿದ್ದಾರೆ.

ತಮ್ಮ ಲೋಕಸಭೆ ಕ್ಷೇತ್ರದ ಅಭಿವೃದ್ಧಿಗೆ ಹೆಚ್ಚಿನ ಹಣ ಸಿಗುವಂತೆ ತೂಕ ಇಳಿಸುವುದನ್ನು ಮುಂದುವರಿಸುವುದಾಗಿ ಹೇಳಿದರು. ಫೆಬ್ರವರಿಯಲ್ಲಿ ಭಾಷಣ ಮಾಡಿದ ಗಡ್ಕರಿ ಅವರು ತಮ್ಮದೇ ಆದ ತೂಕ ಇಳಿಸಿದ ಪ್ರಯಾಣದ ಬಗ್ಗೆ ಮಾತನಾಡಿದ್ದು, ಇದು ಫಿರೋಜಿಯಾ ಅವರನ್ನು ಪ್ರೇರೇಪಿಸುತ್ತದೆ ಎಂದು ಭಾವಿಸಿದ್ದೇನೆ ಎಂದಿದ್ದರು.

ದೇಶದ ಇತರ ಸುದ್ದಿಗಳಿಗಾಗಿಇಲ್ಲಿ ಕ್ಲಿಕ್ ಮಾಡಿ ಪ್ರಮುಖ  ಸುದ್ದಿಗಳಿಗಾಗಿಇಲ್ಲಿ ಕ್ಲಿಕ್ ಮಾಡಿ