ಈ ಗುಹೆಗಳಲ್ಲಿಯೇ ವಾಲ್ಮೀಕಿ ಋಷಿ ರಾಮಾಯಣ ಬರೆದಿದ್ದು, ಅಲ್ಲಿಗೆ ಪ್ರವಾಸಿ ದರ್ಶನಕ್ಕೆ ಹೋಗುವುದು ಹೇಗೆ? ವಿವರ ಇಲ್ಲಿದೆ

ನಂದ್ಯಾಲ, ಜನವರಿ 28: ನಂದ್ಯಾಲ ಜಿಲ್ಲೆಯಲ್ಲಿ ಎರಡು ಪ್ರತ್ಯೇಕ ಅದ್ಭುತ ಗುಹೆಗಳ ಪ್ರದೇಶಗಳು ಬೆಳಕಿಗೆ ಬಂದಿವೆ. ಅವೆರಡೂ ಇನ್ನು ಪ್ರವಾಸಿಗರಿಗೆ ಲಭ್ಯವಾಗಲಿವೆ. ಬಿಲಾಸ್ವರ್ಗಂ ಗುಹೆಗಳು ಹಲವು ವರ್ಷಗಳಿಂದ ಬೇತಂಚೆರ್ಲಾ ಮಂಡಲದಲ್ಲಿ (ಈ ಹಿಂದೆ ಕರ್ನೂಲು ಜಿಲ್ಲೆಗೆ ಸೇರಿದ್ದಾಗಿದೆ) ನೈಸರ್ಗಿಕವಾಗಿ ಕಾಣಿಸಿಕೊಂಡಿವೆ. ಬೆಂಗಳೂರಿನಿಂದ 290 ಕಿಮೀ ದೂರದಲ್ಲಿವೆ (290 km from Bangalore). ಈ ಗುಹೆಗಳು ಸಾವಿರ ವರ್ಷಗಳಷ್ಟು ಹಳೆಯದಾಗಿದ್ದರೂ, ನಿನ್ನೆಯವರೆಗೆ ಜನರಿಗೆ ಅವುಗಳನ್ನು ನೋಡುವ ಅವಕಾಶ ಸಿಕ್ಕಿರಲಿಲ್ಲ. ಇನ್ಮುಂದೆ ಬಣ್ಣಬಣ್ಣದ ದೀಪಗಳಿಂದ ಪ್ರವಾಸಿಗರನ್ನು ಆಕರ್ಷಿಸಲಾಗುವುದು.

ಇದೇ ರೀತಿ, ಕರ್ನೂಲು ಮುನ್ಸಿಪಲ್​ ಕಾರ್ಪೊರೇಷನ್​ (Kurnool Municipal Corporation -KMC) ವ್ಯಾಪ್ತಿಯಲ್ಲಿ ಪ್ಯಾಪಿಲಿ ಮಂಡಲದ ಬೋಯವಾಳ್ಳಪಲ್ಲಿ ಬಳಿಯ ವಾಲ್ಮೀಕಿ ಗುಹೆಗಳೂ ಸಹ ಪ್ರವಾಸಿಗರಿಗಾಗಿ ಲಭ್ಯವಿರುತ್ತವೆ. ನೆಲದಡಿ ನೈಸರ್ಗಿಕವಾಗಿ ಈ ಗುಹೆಗಳು ಕಾಣಿಸಿಕೊಳ್ಳುತ್ತವೆ. ಇವೆರಡನ್ನು ಅಭಿವೃದ್ಧಿಪಡಿಸುವ ಪ್ರಸ್ತಾವನೆಗಳು ಈ ಹಿಂದೆ ಬಂದಿದ್ದವಾದರೂ ಇದುವರೆಗೂ ಕಾರ್ಯರೂಪಕ್ಕೆ ಬಂದಿರಲಿಲ್ಲ. ಈ ಗುಹೆಯಲ್ಲಿಯೇ ವಾಲ್ಮೀಕಿ ಋಷಿ ರಾಮಾಯಣವನ್ನು ಬರೆದಿದ್ದಾರೆ ಎಂದು ಹೇಳಲಾಗುತ್ತದೆ ಮತ್ತು ಗುಹೆಗಳಲ್ಲಿರುವ ಶಿವಲಿಂಗಗಳು ಧಾರ್ಮಿಕವಾಗಿ ಬಹಳ ಮುಖ್ಯವಾಗಿವೆ.

Also Read: ಟಿಟಿಡಿ – ತಿರುಪತಿ ತಿಮ್ಮಪ್ಪನ ಸನ್ನಿಧಿಯಲ್ಲಿ ಇನ್ಮುಂದೆ ಮಂಗಳಸೂತ್ರ ಮಾರಾಟ

ಸಚಿವ ಬುಗ್ಗಲ ರಾಜೇಂದ್ರನಾಥ ರೆಡ್ಡಿ ( Finance Minister Buggana Rajendranath Reddy) ಅವರು ಸುಮಾರು ಹತ್ತು ಕೋಟಿ ರೂಪಾಯಿ ವೆಚ್ಚದಲ್ಲಿ ಇವುಗಳನ್ನು ಅಭಿವೃದ್ಧಿಪಡಿಸಿದ್ದಾರೆ. ಗುಹೆಗಳ ಸ್ವಾಭಾವಿಕತೆಯನ್ನು ಕಳೆದುಕೊಳ್ಳದೆ, ಅವುಗಳನ್ನು ನವೀಕರಿಸಲಾಗಿದೆ ಮತ್ತು ರಸ್ತೆಗಳನ್ನು ವಿದ್ಯುದ್ದೀಕರಿಸಲಾಗಿದೆ. ಇದು ಪ್ರವಾಸಿಗರನ್ನು ಆಕರ್ಷಿಸಲಿವೆ ಎಂದು ಆಂಧ್ರ ಪ್ರವಾಸೋದ್ಯಮ ನಿಗಮ (Andhra Pradesh Tourism Development Corporation -APTDC) ತಿಳಿಸಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ