ರಾಹುಲ್ ಗಾಂಧಿಗೆ ಶಿಕ್ಷೆ ಅತೀ ಆಯ್ತು; ಬಿಜೆಪಿಗೆ ಅಟಲ್ ಬಿಹಾರಿ ವಾಜಪೇಯಿ ಅವರ ಹೇಳಿಕೆ ನೆನಪಿಸಿದ ಪ್ರಶಾಂತ್ ಕಿಶೋರ್

ಮಾನನಷ್ಟ ಪ್ರಕರಣದಲ್ಲಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಗೆ (Rahul Gandhi) ಎರಡು ವರ್ಷಗಳ ಜೈಲು ಶಿಕ್ಷೆ ಅತಿಯಾಯಿತು ಎಂದು ಖ್ಯಾತ ರಾಜಕೀಯ ತಂತ್ರಜ್ಞರಾಗಿದ್ದು ಈಗ ಸಾಮಾಜಿಕ ಕಾರ್ಯಕರ್ತರಾಗಿರುವ ಪ್ರಶಾಂತ್ ಕಿಶೋರ್ (Prashant Kishor)ಶನಿವಾರ ಹೇಳಿದ್ದಾರೆ. ತವರು ರಾಜ್ಯ ಬಿಹಾರದಲ್ಲಿ ಕಾಲ್ನಡಿಗೆಯಲ್ಲಿ ಪ್ರಚಾರ ನಡೆಸುತ್ತಿರುವ ಕಿಶೋರ್, ಕಾಂಗ್ರೆಸ್ (Congress) ಪಕ್ಷವು ಅನ್ಯಾಯವಾಗಿದೆ ಎಂಬ ಸಂದೇಶವನ್ನು ಜನಸಾಮಾನ್ಯರಿಗೆ ರವಾನಿಸಲು ಸಿದ್ಧವಾಗಿಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ ಎಂದು ಪಿಟಿಐ ವರದಿ ಮಾಡಿದೆ. ನಾನು ಕಾನೂನು ತಜ್ಞನಲ್ಲ, ಆದರೆ ಕಾನೂನಿನ ಪ್ರಕ್ರಿಯೆಗೆ ಗೌರವಾನ್ವಿತವಾಗಿ, ರಾಹುಲ್ ಗಾಂಧಿಗೆ ನೀಡಲಾದ ಶಿಕ್ಷೆಯು ಅತೀ ಎಂದು ತೋರುತ್ತದೆ. ಚುನಾವಣೆಯ ಬಿಸಿಯಲ್ಲಿ ಜನ ಎಲ್ಲ ರೀತಿಯ ಮಾತುಗಳನ್ನಾಡುತ್ತಾರೆ. ಇದು ಮೊದಲ ನಿದರ್ಶನವಲ್ಲ ಮತ್ತು ಕೊನೆಯದು ಅಲ್ಲ ಎಂದಿದ್ದಾರೆ ಪ್ರಶಾಂತ್ ಕಿಶೋರ್.

ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರ ಮಾತುಗಳನ್ನು ನೆನಪಿಸಿಕೊಂಡ ಕಿಶೋರ್, ರಾಹುಲ್ ಗಾಂಧಿಯ ಅನರ್ಹತೆಯ ಬಗ್ಗೆ ಆಡಳಿತಾರೂಢ ಬಿಜೆಪಿ ದೊಡ್ಡ ಹೃದಯ ತೋರಿಸಬೇಕೆಂದು ಒತ್ತಾಯಿಸಿದರು.

ಮಾನನಷ್ಟ ಮೊಕದ್ದಮೆಗೆ ಎರಡು ವರ್ಷಗಳ ಜೈಲು ಶಿಕ್ಷೆ ಅತೀ ಹೆಚ್ಚು.”ಅಟಲ್ ಬಿಹಾರಿ ವಾಜಪೇಯಿ ಅವರ ಸಾಲುಗಳನ್ನು ನಾನು ಕೇಂದ್ರದ ಸರ್ಕಾರಕ್ಕೆ ನೆನಪಿಸಲು ನಾನು ಬಯಸುತ್ತೇನೆ. ಸಣ್ಣ ಹೃದಯದಿಂದ ಯಾರೂ ದೊಡ್ಡವರಾಗುವುದಿಲ್ಲ. (ಛೋಟೆ ಮನ್ ಸೆ ಕೋಯಿ ಬಡಾ ನಹಿಂ ಬನ್ ಜಾತಾ)” ಎಂದು ಕಿಶೋರ್ ಹೇಳಿರುವುದಾಗಿ ಪಿಟಿಐ ಉಲ್ಲೇಖಿಸಿದೆ.

ಆಡಳಿತ ಮಂಡಳಿಯು ತಾಂತ್ರಿಕ ಅಂಶಗಳ ಹಿಂದೆ ಅಡಗಿಕೊಳ್ಳಬಹುದು ಮತ್ತು ರಾಹುಲ್ ಗಾಂಧಿಯ ಅನರ್ಹತೆ ಅನಿವಾರ್ಯವಾಗಿದೆ ಎಂದು ಒತ್ತಾಯಿಸಬಹುದು. ಅವರು ತಮ್ಮದೇ ಆದ ಪೂಜ್ಯ ನಾಯಕ ದಿವಂಗತ ವಾಜಪೇಯಿ ಅವರ ಪುಸ್ತಕದ ಪುಟ ತೆರೆಯಬೇಕಿತ್ತು.ರಾಹುಲ್ ಗಾಂಧಿಯನ್ನು ಅನರ್ಹಗೊಳಿಸಲು ಆತುರಪಡಬಾರದು ಎಂದು ನಾನು ಈಗಲೂ ಹೇಳುತ್ತೇನೆ.

ಇದನ್ನೂ ಓದಿ: ಕುತಂತ್ರದಿಂದ ರಾಹುಲ್​ ಗಾಂಧಿ ಸಂಸದ ಸ್ಥಾನದಿಂದ ಅನರ್ಹಗೊಳಿಸಿದ್ದಾರೆ: ಬಿಜೆಪಿ ವಿರುದ್ಧ ಖರ್ಗೆ ವಾಗ್ದಾಳಿ

ಅವರು (ಬಿಜೆಪಿ) ಇಂದು ಅಧಿಕಾರದಲ್ಲಿದ್ದಾರೆ, ದೊಡ್ಡ ಹೃದಯವನ್ನು ತೋರಿಸಬೇಕಾದ ಜವಾಬ್ದಾರಿ ಅವರ ಮೇಲಿದೆ. ಅವರು ಕೆಲವು ದಿನ ಕಾಯಬೇಕಿತ್ತು. ನೊಂದವರಿಗೆ ಮೇಲ್ಮನವಿ ಸಲ್ಲಿಸಲು ಅವಕಾಶ ನೀಡಬೇಕಿತ್ತು ಮತ್ತು ಪರಿಹಾರ ಇಲ್ಲದೇ ಇದ್ದರೆ ಮಾತ್ರ ಕಾರ್ಯನಿರ್ವಹಿಸಬೇಕು ಎಂದಿದ್ದಾರೆ ಪಿಕೆ.

2014 ರಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಅದ್ಭುತ ಯಶಸ್ಸಿನ ಲೋಕಸಭಾ ಚುನಾವಣಾ ಪ್ರಚಾರವನ್ನು ನಿಭಾಯಿಸುವ ಮೂಲಕ ಮೊದಲು ಗಮನ ಸೆಳೆದ ಕಿಶೋರ್, ಕಾಂಗ್ರೆಸ್ ಅನ್ನು ಪುನರುಜ್ಜೀವನಗೊಳಿಸುವ ಅವರ ಪ್ರಸ್ತಾಪವು ವಿಫಲವಾದ ನಂತರ ಬಿಹಾರಕ್ಕೆ ಹಿಂತಿರುಗಿ ಅಲಲಿ “ಜನ್ ಸೂರಾಜ್” ಅನ್ನು ಪ್ರಾರಂಭಿಸಲು ನಿರ್ಧರಿಸಿದರು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ