Pune Helicopter Crash: ಹವಮಾನ ವೈಪರೀತ್ಯದಿಂದಾಗಿ ಹೆಲಿಕಾಪ್ಟರ್ ಪತನ

ಪುಣೆ, ಆ.24: ಪ್ರತಿಕೂಲ ಹವಾಮಾನದಿಂದ ಮುಂಬೈನಿಂದ ಹೈದರಾವಾದ್​​ಗೆ ನಾಲ್ವರು ಪ್ರಯಾಣಿಕರಿದ್ದ ಹೊತ್ತ ಖಾಸಗಿ ಹಲಿಕಾಪ್ಟರ್​​​​​ ಮಹಾರಾಷ್ಟ್ರದ ಪುಣೆಯಲ್ಲಿ ಇಂದು (ಆ.24) ಪತನಗೊಂಡಿದೆ.

ಪುಣೆ ಜಿಲ್ಲೆಯ ಪೌಡ್​​​​ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಘಟನೆಯಲ್ಲಿ ಪೈಲಟ್​​​ ಸೇರಿದಂತೆ ನಾಲ್ವರು ಗಂಭೀರ ಗಾಯಗೊಂಡಿದ್ದಾರೆ. ಹೆಲಿಕಾಪ್ಟರ್​​​​​​ AW-139 ಖಾಸಗಿ ವಿಮಾನ ಕಂಪನಿಗೆ ಸೇರಿತ್ತು. ಇನ್ನು ವರದಿಗಳ ಪ್ರಕಾರ, ಪುಣೆಯಲ್ಲಿ ಭಾರೀ ಮಳೆಯಿಂದಾಗಿ ಹೆಲಿಕಾಪ್ಟರ್​​​​ ತಾಂತ್ರಿಕ ಅಡಚಣೆ ಕಂಡುಬಂದಿದೆ ಇದರಿಂದ ಈ ಘಟನೆ ನಡೆದಿದೆ ಎಂದು ಹೇಳಲಾಗಿದೆ. ಇನ್ನು ಯಾವುದೇ ಜೀವ ಅಪಾಯ ಕಂಡು ಬಂದಿಲ್ಲ ಎಂದು ಹೇಳಲಾಗಿದೆ. ಈ ಬಗ್ಗೆ ತನಿಖೆ ನಡೆಯುತ್ತಿದೆ.

ಆನಂದ್ ಎಂಬುವವರು ಈ ಹೆಲಿಕಾಪ್ಟರ್‌ನ ಕ್ಯಾಪ್ಟನ್ ಆಗಿದ್ದರು. ಅವರು ಕೂಡ ಈ ಘಟನೆಯಿಂದ ಗಾಯಗೊಂಡಿದ್ದಾರೆ. ಈಗಾಗಲೇ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನು ಈ ಹೆಲಿಕಾಪ್ಟರ್​​ನಲ್ಲಿ ಕ್ಯಾಪ್ಟನ್ ಆನಂದ್ ಸೇರಿದಂತೆ ದಿರ್ ಭಾಟಿಯಾ, ಅಮರದೀಪ್ ಸಿಂಗ್, ಎಸ್ ಪಿ ರಾಮ್ ಇದ್ದರು ಎಂದು ಹೇಳಲಾಗಿದೆ.