ಹಾಡಹಗಲೇ ಕಚೇರಿಯಲ್ಲೇ ಮಹಿಳಾ ತಹಶೀಲ್ದಾರ್​ಗೆ ಬೆಂಕಿ ಹಚ್ಚಿ, ಕೊಲೆ

ಹೈದರಾಬಾದ್​: ನಗರದ ಅಬ್ದುಲ್ಲಾಪುರದಲ್ಲಿ‌ ನಡೆದ ದಾರುಣ ಘಟನೆಯಲ್ಲಿ ತಹಶೀಲ್ದಾರ್ ವಿಜಯಾ ಎಂಬುವವರ ಮೇಲೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿ ಹತ್ಯೆ ಮಾಡಲಾಗಿದೆ.

ತಹಶೀಲ್ದಾರ್ ರಕ್ಷಣೆಗೆ ಯತ್ನಿಸಿದ ಹಲವರಿಗೆ ಗಂಭೀರ ಗಾಯಗಳಾಗಿವೆ. ಘಟನೆ ಬಳಿಕ ಹಯಾತ್​ನಗರ ಪೊಲೀಸ್​ ಠಾಣೆಯಲ್ಲಿ ಆರೋಪಿ ಶರಣಾಗಿದ್ದಾನೆ. ಭ್ರಷ್ಟಾಚಾರದಿಂದ ಹತಾಶನಾದ ವ್ಯಕ್ತಿ ಇಂತಹ ಕುಕೃತ್ಯವೆಸಗಿದ್ದಾನೆ.

ತಹಶೀಲ್ದಾರ್​ ವಿಜಯಾರ ಮೃತದೇಹವನ್ನು ಉಸ್ಮಾನಿಯಾ ಆಸ್ಪತ್ರೆಗೆ ರವಾನೆ ಮಾಡಲಾಗಿದೆ. ದುರ್ಘಟನೆ ಮಧ್ಯಾಹ್ನ 1.30ಗಂಟೆಗೆ‌ ನಡೆದಿದೆ. ಹಿರಿಯ ಅಧಿಕಾರಿಯನ್ನ ಭೇಟಿಯಾಗಬೇಕೆಂದು ತಹಶೀಲ್ದಾರ್ ಕಚೇರಿಗೆ ಆರೋಪಿ ಬಂದಿದ್ದ ಎನ್ನಲಾಗಿದೆ. ಅರ್ಧ ಘಂಟೆ ಕಾಲ ತಹಶೀಲ್ದಾರ್ ಕಚೇರಿಯಲ್ಲಿ‌ ಆತ ಅಲೆದಾಡಿದ್ದಾನೆ ಎಂದು ತಿಳಿದುಬಂದಿದೆ.