ದಾಸರಹಳ್ಳಿಯಲ್ಲಿ ಸಾಮೂಹಿಕ ಗಣೇಶೋತ್ಸವದ ಅದ್ದೂರಿ ಶೋಭಾ ಯಾತ್ರೆ; ಇಲ್ಲಿದೆ ಪೋಟೋಸ್
ಮುಂಬೈನ ಲಾಲ್ ಬಾಗ್ ಗಣಪತಿ ಅಂದ್ರೆ, ಅದು ವರ್ಲ್ಡ್ ಫೇಮಸ್. ಆದ್ರೆ, ಇಲ್ಲೊಂದು ಏರಿಯಾದಲ್ಲಿ ಮುಂಬೈಗಿಂತ ನಾವೇನು ಕಮ್ಮಿ ಇಲ್ಲ ಎನ್ನುವಂತೆ ಸಾಮಾಹಿಕ ಗಣೇಶೋತ್ಸವ ಏರ್ಪಡಿಸಿದ್ದರು. ಡಿಜಿ ಸೌಂಡು, ಸಖತ್ ಡ್ಯಾನ್ಸ್, ಪುಲ್ ಎಂಟರ್ಟೈನ್ಮೆಂಟ್. ಅದೆಲ್ಲಿ ಅಂತೀರಾ? ಇಲ್ಲಿದೆ ನೋಡಿ.
ದೊಡ್ಡ ದೊಡ್ಡ ಗಣಪತಿ ಮೂರ್ತಿಗಳು, ರಸ್ತೆ ತುಂಬೆಲ್ಲಾ ಜನಸಾಗರ. ಮಹಿಳೆಯರು ,ಮುದುಕಿಯರು, ಲಲನೆಯರು, ಮೈ ಚಳಿ ಬಿಟ್ಟು ಒಂದು ಸ್ಟೆಪ್ ಹಾಕಬೇಕು ಎಂದು ಡಿಜೆ ಸದ್ದಿಗೆ ಕುಣಿಯುತ್ತಿದ್ದು, ಅಷ್ಟೆ ಅಲ್ಲ ಶಾಸಕರ ಹೆಂಡತಿ ಹಾಗೂ ಮಗಳಿಂದಲೂ ಸಖತ್ ಸ್ಟೇಪ್.
ಈ ದೃಶ್ಯಗಳು ನೋಡುದ್ರೆ, ಸಾಮಾನ್ಯವಾಗಿ ಇದು ಬಹುಶಃ ಮುಬೈನ ಲಾಲ್ಬಾಗ್ ಗಣೇಶೋತ್ಸವ ಇರಬೇಕೆಂದು. ಆದ್ರೆ, ಇದು ಖಂಡಿತ ಅದಲ್ಲ, ಇದು ನಮ್ಮ ಬೆಂಗಳೂರಿನ ಬಾಗಲಗುಂಟೆಯ ಸಾಮೂಹಿಕ ಗಣೇಶೋತ್ಸವದ ದೃಶ್ಯಾವಳಿಗಳು.
ಹೌದು, ಬಾಗಲಗುಂಟೆಯ MEI ಬಡಾವಣೆಯ ಮೈದಾನದಲ್ಲಿ ಕಳೆದ ಐದು ದಿನದಿಂದ ಅದ್ದೂರಿ ಸಾಮೂಹಿಕ ಗಣೇಶೋತ್ಸವ ನಡೆದಿದ್ದು, ಇಂದು ವಿಸರ್ಜನೆ ಕಾರ್ಯಕ್ರಮ ಆಯೋಜಿಸಲಾಗಿತ್ತು.
ವಿಸರ್ಜನೆಗೂ ಮುನ್ನಾ 15 ಕೆಜಿ ಲಡ್ಡು ನಾಲ್ಕು ಲಕ್ಷಕ್ಕೆ ಹರಾಜಾಯಿತು. ಮೆರವಣಿಗೆಯಲ್ಲಿ ಪಂಜಾಬ್, ಮುಂಬೈ, ಕೇರಳ ರಾಜ್ಯಗಳ ಸಾಂಸ್ಕ್ರತಿಕ ಕಲಾತಂಡಗಳು ಗಮಸೆಳೆದವು.
ಅಲ್ಲದೆ ದಾಸರಹಳ್ಳಿ ಶಾಸಕ ಎಸ್ಮುನಿರಾಜು ಪತ್ನಿ ಸುಜಾತ ಹಾಗೂ ಮಗಳು ರೇಷ್ಮಾ ಡಿಜೆ ಸದ್ದಿಗೆ ಹೆಜ್ಜೆ ಹಾಕಿದ್ದಾರೆ. ಬಳಿಕ ನಗರದ ವಿವಿಧ ಪ್ರಮುಖ ಬೀದಿಗಳಲ್ಲಿ ಸಾಗಿದ ಗಣೇಶೋತ್ಸವದ ಮೆರವಣಿಗೆ ಕೊನೆಗೆ ಚೊಕ್ಕಸಂದ್ರ ಕೆರೆಯಲ್ಲಿ ವಿಸರ್ಜನೆ ಮಾಡುವ ಮುಖಾಂತರ ಅಂತ್ಯವಾಯಿತು.
ಒಟ್ಟಾರೆ ದಾಸರಹಳ್ಳಿ ಸಾಮೂಹಿಕ ಗಣೇಶೋತ್ಸವ ಸಂಪನ್ನವಾಗಿದ್ದು, ಸಾವಿರಾರು ಭಕ್ತರು ಗಣೇಶೋತ್ಸವದಲ್ಲಿ ಭಾಗಿಯಾಗಿ ಪುನೀತರಾಗಿದ್ದಾರೆ. ಇದ್ದ ಅದ್ದೂರಿ ಗಣೇಶೋತ್ಸದಲ್ಲಿ ಜನರು ಈ ವಾರದ ವೀಕೆಂಡ್ ಅನ್ನು ಎಂಜಾಯ್ ಮಾಡುತ್ತಾ ಮುಗಿಸಿದ್ದಾರೆ.
Published On - 10:33 pm, Sun, 1 October 23