Bengaluru Kambala: ಬೆಂಗಳೂರು ಕಂಬಳಕ್ಕೆ ತಾಟೆ ಎಂಟ್ರಿ, ಮೆಡಲ್ ಗ್ಯಾರಂಟಿ; ಈ ಕೋಣದ ವಿಶೇಷತೆ ಇಲ್ಲಿದೆ
ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಕಂಬಳದ ಕಲರವಕ್ಕೆ ಕ್ಷಣಗಣನೆ ಶುರುವಾಗಿದೆ. ನವೆಂಬರ್ 25 ಮತ್ತು 26 ರಂದು ಕೋಣಗಳ ಓಟದ ಸ್ಪರ್ಧೆ ನಡೆಯಲಿದ್ದು, ಕಂಬಳ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಈ ನಡುವೆ ಕರಾವಳಿ ಭಾಗದಲ್ಲಿ ಪ್ರಸಿದ್ಧಿ ಪಡೆದ ತಾಟೆ ಎಂಬ ಹೆಸರಿನ ಕೋಣ ಕೂಡ ಬೆಂಗಳೂರು ಕಂಬಳದಲ್ಲಿ ಭಾಗಿಯಾಗಲು ಎಂಟ್ರಿ ಕೊಟ್ಟಿದ್ದು, ತಾಟೆ ಅಭಿಮಾನಿಗಳಲ್ಲಿ ಉತ್ಸಾಹ ಹೆಚ್ಚಾಗಿದೆ.
ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಕಂಬಳದ ಕಲರವಕ್ಕೆ ಕ್ಷಣಗಣನೆ ಶುರುವಾಗಿದ್ದು, ಕಂಬಳ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಈ ನಡುವೆ ಕರಾವಳಿ ಭಾಗದಲ್ಲಿ ಪ್ರಸಿದ್ಧಿ ಪಡೆದ ತಾಟೆ ಎಂಬ ಹೆಸರಿನ ಕೋಣ ಕೂಡ ಬೆಂಗಳೂರು ಕಂಬಳದಲ್ಲಿ ಭಾಗಿಯಾಗಲು ಎಂಟ್ರಿ ಕೊಟ್ಟಿದ್ದು, ತಾಟೆ ಅಭಿಮಾನಿಗಳಲ್ಲಿ ಉತ್ಸಾಹ ಹೆಚ್ಚಾಗಿದೆ.
ಕಂಬಳ ಕ್ರೀಡೆಗೆ ತಾಟೆ ಬರುತ್ತಾ ಎಂದು ಕೇಳುವವರೂ ಇದ್ದಾರೆ. ಕಂಬಳದ ಕೆರೆಗೆ ತಾಟೆ ಇಳಿದರೆ ಸಾಕು ಅಭಿಮಾನಿಗಳು, ವೀಕ್ಷಕರಲ್ಲಿನ ಉತ್ಸಾಹ ಸಹಜವಾಗಿ ಹೆಚ್ಚಾಗುತ್ತದೆ. ಏಕೆಂದರೆ, ಇದರ ಓಟ ಗತ್ತು, ರೇಂಜ್ ಬೇರೆಯೇ ಇದೆ.
ಇತ್ತೀಚೆಗೆ, ಕಂಬಳ ಕ್ರೀಡಾ ಪಟು ಶ್ರೀನಿವಾಸ್ ಅವರಿಗೆ ಹುಸೇನ್ ಬೋಲ್ಟ್ ಎಂಬ ಹೆಸರನ್ನು ತಂದಿದ್ದು ಕೂಡ ಇದೇ ತಾಟೆ.
ಎದುರಾಳಿಗಳನ್ನ ಓರೆಗಣ್ಣಿನಿಂದಲೇ ಹೆದರಿಸುವ ತಾಟೆ, ಓರೆಗಣ್ಣಿನಿಂದಲೇ ಹೆಸರುವಾಸಿಯಾಗಿದೆ.
ಎಲ್ಲಾ ಕೋಣಗಳು ಮುಂದೆ ಇರುವ ಗುರಿ ನೋಡಿ ಓಡಿದರೆ, ಈ ತಾಟೆ ಮಾತ್ರ ಪಕ್ಕದ ಕೆರೆಯಲ್ಲಿ ಓಡುವ ಪ್ರತಿಸ್ಪರ್ಧಿ ಕೋಣಗಳನ್ನು ನೋಡಿಕೊಂಡು ಓಡುತ್ತದೆ.
ಪಕ್ಕದ ಕೋಣಗಳು ಎಷ್ಟು ವೇಗವಾಗಿ ಓಡುತ್ತೋ ಅದನ್ನು ನೋಡಿಕೊಂಡು ತನ್ನ ವೇಗವನ್ನು ಮತ್ತಷ್ಟು ಹೆಚ್ಚಿಸಿ ಗುರಿ ತಲುಪುವುದು ತಾಟೆಯ ವಿಶೇಷತೆ. ಅಂದಹಾಗೆ, ಈ ತಾಟೆಗೆ ಅಭಿಮಾನಿಗಳ ಸಂಖ್ಯೆಗೆ ಏನು ಕಮ್ಮಿ ಇಲ್ಲ. ಇನ್ಸ್ಟಾಗ್ರಾಮ್ನಲ್ಲಿ ಫ್ಯಾನ್ ಪೇಜ್ ಕೂಡ ಇದೆ.
ಕಂಬಳ ಕ್ರೀಡೆಗೆ ತಾಟೆ ಬಂತು ಎಂದರೆ ಸಾಕು, ಮೆಡಲ್ ಗ್ಯಾರಂಟಿ ಎಂದೇ ಹೇಳಲಾಗುತ್ತದೆ. 20 ಕಂಬಳಗಳಲ್ಲಿ ಪ್ರಥಮ ಸ್ಥಾನವನ್ನು ಪಡೆದಿರುವ ಈ ತಾಟೆಗೆ ಸದ್ಯ ವಯಸ್ಸಾಗಿದ್ದು, ಈ ಬಾರಿ ಮೆಡಲ್ ಹೊಡೆಯುತ್ತಾ ಎಂಬುದನ್ನು ನೋಡಬೇಕಿದೆ.
Published On - 4:50 pm, Fri, 24 November 23