ಆರೋಗ್ಯವಾಗಿರಲು ದೇಹಕ್ಕೆ ಈ 7 ರೀತಿಯ ವಿಶ್ರಾಂತಿ ಅಗತ್ಯ
ಮಾನಸಿಕ ಆರೋಗ್ಯ ಎಲ್ಲಕ್ಕಿಂತ ಮುಖ್ಯ. ಕೆಲಸದ ಒತ್ತಡ, ಓಡುವ ಜೀವನಶೈಲಿಯ ನಡುವೆ ವಿಶ್ರಾಂತಿಗೇ ಜಾಗವಿಲ್ಲ. ಇದರಿಂದ ಅಪಯಗಳೇ ಹೆಚ್ಚು. ಹೀಗಾಗಿ ಈ ರೀತಿಯ ವಿಶ್ರಾಂತಿಗಳನ್ನು ನೀವು ಪಡೆದುಕೊಂಡರೆ ಜೀವನೋತ್ಸಾಹಿಗಳಾಗಿರಬಹುದು.
ಮಾನಸಿಕ ಆರೋಗ್ಯ ಪ್ರತೀ ವ್ಯಕ್ತಿಗೆ ಅಗತ್ಯವಾಗಿರುತ್ತದೆ. ದಿನನಿತ್ದದ ಜೀವನದಲ್ಲಿ ಕೆಲಸದ ಒತ್ತಡದಲ್ಲಿ ವಿಶ್ರಾಂತಿ ತೆಗೆದುಕೊಳ್ಳತಿದ್ದರೆ ನಿರಂತರ ಸುಸ್ತು ಕಾಣಿಸಿಕೊಳ್ಳುತ್ತದೆ. ಹೀಗಾಗಿ ಈ ರೀತಿಯ ವಿಶ್ರಾಂತಿ ನಿಮ್ಮ ದೇಹಕ್ಕೆ ಅಗತ್ಯವಾಗಿರುತ್ತದೆ. ಇಲ್ಲಿದೆ ಮಾಹಿತಿ.
ದೈಹಿಕ ವಿಶ್ರಾಂತಿ: ಎಷ್ಟೇ ಕೆಲಸ ಮಾಡಿದರೂ ದೇಹಕ್ಕೆ ವಿಶ್ರಾಂತಿ ಅಗತ್ಯವಿರುತ್ತದೆ. ಆದ್ದರಿಂದ ನಿದ್ದೆ ಮಾಡುವುದು ಉತ್ತಮ ಅಭ್ಯಾಸವಾಗಿದೆ.
ಮಾನಸಿಕ ಆರೋಗ್ಯ: ದೈನಂದಿನ ಚಟುವಟಿಕೆಗಳು ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಅದಕ್ಕಾಗಿ ಯೋಗ, ಪ್ರಾಣಾಯಾಮ ಉತ್ತಮ ಅಭ್ಯಾಸವಾಗಿದೆ.
ಭಾವನಾತ್ಮಕ ವಿಶ್ರಾಂತಿ: ಪ್ರತೀ ವ್ಯಕ್ತಿ ಭಾವನಾತ್ಮಕವಾಗಿ ವರ್ತಿಸುವುದು ಸಹಜ. ಆದರೆ ಭಾವನೆಗಳನ್ನು ತಡೆಹಿಡಿಯುವುದು ಒತ್ತಡ, ಆತಂಕಕ್ಕೆ ಕಾರಣವಾಗುತ್ತದೆ. ಹೀಗಾಗಿ ಆಗಾಗ ಸ್ನೇಹಿತರನ್ನು, ಕುಟುಂಬವನ್ನು ಭೇಟಿ ಮಾಡಿ ಭಾವನೆಗಳನ್ನು ಹಂಚಿಕೊಳ್ಳಿ.
ಸಾಮಾಜಿಕ ವಿಶ್ರಾಂತಿ: ಸಮಾಜದೊಂದಿಗೆ ಬದುಕುವಾಗ ಒಂದಷ್ಟು ಒತ್ತಡಗಳು ಬರುತ್ತದೆ. ಇದರಿಂದ ಹೊರಬರಲು, ನಿಮ್ಮದೇ ದಾರಿಗಳನ್ನು ಕಂಡುಕೊಳ್ಳಿ. ಉದಾಹರಣೆಗೆ, ವಾಕಿಂಗ್ ಮಾಡುವುದು, ಪುಸ್ತಕ ಓದುವುದು ಇತ್ಯಾದಿ.
ಸೃಜನಾತ್ಮಕ ವಿಶ್ರಾಂತಿ: ಪೇಂಟಿಂಗ್, ಸಂಗೀತ ಕೇಳುವುದು ಅಥವಾ ಹಾಡುವುದು, ಓದುವಿಕೆಯಂತಹ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಲಿ. ಇದರಿಂದ ಮಾನಸಿಕ ಆರೋಗ್ಯವೂ ಸಮತೋಲನದಲ್ಲಿರುತ್ತದೆ.
ಆಧ್ಯಾತ್ಮಿಕ ವಿಶ್ರಾಂತಿ: ಪರಿಸರದೊಂದಿಗೆ ಬೆರೆತರೆ ಸಾಕು ಎಲ್ಲಾ ಒತ್ತಡ, ಆತಂಕಗಗಳು ದೂರವಾಗುತ್ತದೆ. ಆದ್ದರಿಂದ ಮನಸಿನ ನೆಮ್ಮದಿಗೆ ಆಧ್ಯಾತ್ಮಿಕವಾಗಿ ದಾರಿ ಕಂಡುಕೊಳ್ಳಿ. ದೇವರ ಧ್ಯಾನ ಇರಬಹುದು ಅಥವಾ ಪರಿಸರದೊಂದಿಗೆ ಬೆರೆಯುವುದಿರಬಹುದು.
ಸಂವೇದನಾ ವಿಶ್ರಾಂತಿ: ಗ್ಯಾಜೆಟ್ಗಳ ನಿರಂತರ ಬಳಕೆಯಿಂದ ಮಾನಸಿಕ ಮತ್ತು ದೈಹಿಕ ನೆಮ್ಮದಿ ಹದಗೆಡುತ್ತದೆ. ಇದಕ್ಕಾಗಿ ನೀವು ವಿಶ್ರಾಂತಿಯನ್ನು ಪಡೆದುಕೊಳ್ಳಲೇಬೇಕು.
Published On - 12:11 pm, Wed, 9 March 22