IND vs ENG: ಶತಕದ ಸಮೀಪದಲ್ಲಿ ರನೌಟ್ಗೆ ಬಲಿಯಾಗಿ ಬೇಡದ ದಾಖಲೆ ಬರೆದ ಗಿಲ್..!
Shubman Gill: ಕೇವಲ 9 ರನ್ಗಳಿಂದ ಶತಕ ವಂಚಿತರಾದ ಗಿಲ್, ಬೇಡದ ದಾಖಲೆಯೊಂದನ್ನು ತಮ್ಮ ಖಾತೆಗೆ ಹಾಕಿಕೊಂಡಿದ್ದಾರೆ. ಈ ಮೂಲಕ ಶತಕದ ಸಮೀಪದಲ್ಲಿ ರನೌಟ್ಗೆ ಬಲಿಯಾದ ಭಾರತದ 6ನೇ ಬ್ಯಾಟ್ಸ್‌ಮನ್ ಎನಿಸಿಕೊಂಡಿದ್ದಾರೆ.
ರಾಜ್‌ಕೋಟ್ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ ಸೊನ್ನೆ ಸುತ್ತಿ ಟೀಕಾಕಾರರ ಬಾಯಿಗೆ ಮತ್ತೊಮ್ಮೆ ಆಹಾರವಾಗಿದ್ದ ಶುಭ್ಮನ್ ಗಿಲ್, ಎರಡನೇ ಇನ್ನಿಂಗ್ಸ್ನಲ್ಲಿ 91 ರನ್ಗಳ ಅಮೋಘ ಇನ್ನಿಂಗ್ಸ್ ಆಡುವ ಮೂಲಕ ಎಲ್ಲರ ಪ್ರಶ್ನೆಗೂ ಉತ್ತರ ನೀಡಿದರು.
ಆದರೆ ಕೇವಲ 9 ರನ್ಗಳಿಂದ ಶತಕ ವಂಚಿತರಾದ ಗಿಲ್, ಬೇಡದ ದಾಖಲೆಯೊಂದನ್ನು ತಮ್ಮ ಖಾತೆಗೆ ಹಾಕಿಕೊಂಡಿದ್ದಾರೆ. ಈ ಮೂಲಕ ಶತಕದ ಸಮೀಪದಲ್ಲಿ ರನೌಟ್ಗೆ ಬಲಿಯಾದ ಭಾರತದ 6ನೇ ಬ್ಯಾಟ್ಸ್‌ಮನ್ ಎನಿಸಿಕೊಂಡಿದ್ದಾರೆ.
ವಾಸ್ತವವಾಗಿ ಇಂಗ್ಲೆಂಡ್ ವಿರುದ್ಧ ಎರಡನೇ ಇನ್ನಿಂಗ್ಸ್ನಲ್ಲಿ ದಿಟ್ಟ ಪ್ರದರ್ಶನ ನೀಡಿದ ಗಿಲ್ 151 ಎಸೆತಗಳನ್ನು ಎದುರಿಸಿ 9 ಬೌಂಡರಿ ಹಾಗೂ 2 ಸಿಕ್ಸರ್ ನೆರವಿನಿಂದ 91 ರನ್ ಕಲೆಹಾಕಿದರು. ಆದರೆ ಈ ವೇಳೆ ಕುಲ್ದೀಪ್ ಯಾದವ್ ಜೊತೆಗಿನ ಸಮನ್ವಯದ ಕೊರತೆಯಿಂದಾಗಿ ರನೌಟ್ಗೆ ಬಲಿಯಾಗಬೇಕಾಯಿತು.
ಶತಕದಂಚಿನಲ್ಲಿ ಎಡವಿದಕ್ಕೆ ಸ್ವತಂ ಶುಭಮಾನ್ ಗಿಲ್ ಕೂಡ ಕೋಪಗೊಂಡಿದ್ದರು. ವಾಸ್ತವವಾಗಿ ಗಿಲ್ ನರ್ವಸ್ ನೈಂಟಿಗೆ ಬಲಿಯಾಗುತ್ತಿರುವುದು ಇದೇ ಮೊದಲಲ್ಲ. ಇದಕ್ಕೂ ಮುನ್ನ ಅವರು 2021ರಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಗಬ್ಬಾ ಟೆಸ್ಟ್‌ನಲ್ಲಿ 91 ರನ್‌ಗಳಿಗೆ ಔಟಾಗಿದ್ದರು.
ಇದೀಗ ಮತ್ತೊಮ್ಮೆ ಶತಕ ವಂಚಿತರಾದ ಗಿಲ್, ಟೆಸ್ಟ್‌ನಲ್ಲಿ ನರ್ವಸ್ ನೈಂಟಿಯಲ್ಲಿ ರನ್ ಔಟ್ ಆದ ಆರನೇ ಭಾರತೀಯ ಎನಿಸಿಕೊಂಡಿದ್ದಾರೆ. ಹಾಗೆಯೇ 2012 ರ ನಂತರ ಭಾರತೀಯ ಬ್ಯಾಟ್ಸ್‌ಮನ್ ನರ್ವಸ್ ನೈಂಟಿಯಲ್ಲಿ ರನೌಟ್ ಆಗಿದ್ದು ಇದೇ ಮೊದಲು. ಇದಕ್ಕೂ ಮೊದಲು 2012ರಲ್ಲಿ ಎಂಎಸ್ ಧೋನಿ ನರ್ವಸ್ ನೈಂಟಿಯಲ್ಲಿ ರನ್ ಔಟ್ ಆಗಿದ್ದರು.
ಇಂಗ್ಲೆಂಡ್ ವಿರುದ್ಧ ನಡೆದ ಆ ಪಂದ್ಯದಲ್ಲಿ ಎಂಎಸ್ ಧೋನಿ 99 ರನ್ ಕಲೆಹಾಕಿದ್ದಾಗ ರನೌಟ್ಗೆ ಬಲಿಯಾಗಿ ಕೇವಲ 1 ರನ್ಗಳಿಂದ ಶತಕ ವಂಚಿತರಾಗಿದ್ದರು. ಗಿಲ್ ಮತ್ತು ಧೋನಿ ಹೊರತಾಗಿ ಮೋಟಗನಹಳ್ಳಿ ಜಯಸಿಂಹ, ವಿನೂ ಮಂಕಡ್, ಅಜಯ್ ಜಡೇಜಾ ಮತ್ತು ದಿಲೀಪ್ ವೆಂಗ್‌ಸರ್ಕರ್ ಕೂಡ ನರ್ವಸ್ ನೈಂಟಿಯಲ್ಲಿ ರನೌಟ್ ಆಗಿದ್ದಾರೆ.