Rohit Sharma: ಅರ್ಧಶತಕ ಸಿಡಿಸಿ ಧೋನಿ- ಸೆಹ್ವಾಗ್ರನ್ನು ಹಿಂದಿಕ್ಕಿದ ಹಿಟ್ಮ್ಯಾನ್ ರೋಹಿತ್..!
IND vs WI 2nd Test: ಟೆಸ್ಟ್ ಕ್ರಿಕೆಟ್‌ನಲ್ಲಿ ಬ್ಯಾಕ್-ಟು-ಬ್ಯಾಕ್ ಶತಕ ಬಾರಿಸುವ ಅವಕಾಶವನ್ನು 20 ರನ್‌ಗಳಿಂದ ಕಳೆದುಕೊಂಡ ರೋಹಿತ್, ತಮ್ಮ11 ನೇ ಟೆಸ್ಟ್ ಶತಕದಿಂದ ವಂಚಿತರಾದರು.
ಕೆರಿಬಿಯನ್‌ ನಾಡಲ್ಲಿ ನಡೆಯುತ್ತಿರುವ ಎರಡು ಪಂದ್ಯಗಳ ಸರಣಿಯ ಎರಡನೇ ಟೆಸ್ಟ್‌ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ರೋಹಿತ್ ಶರ್ಮಾ ಉತ್ತಮ ಪ್ರದರ್ಶನ ಮುಂದುವರಿಸಿದ್ದಾರೆ. ಪೋರ್ಟ್ ಆಫ್ ಸ್ಪೇನ್‌ನಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್‌ನಲ್ಲಿ ನಾಯಕ ರೋಹಿತ್ ಟೀಂ ಇಂಡಿಯಾ ಪರ ಮತ್ತೊಂದು ದಾಖಲೆಯನ್ನು ಬರೆದಿದ್ದಾರೆ.
ಟೆಸ್ಟ್ ಕ್ರಿಕೆಟ್‌ನಲ್ಲಿ ಬ್ಯಾಕ್-ಟು-ಬ್ಯಾಕ್ ಶತಕ ಬಾರಿಸುವ ಅವಕಾಶವನ್ನು 20 ರನ್‌ಗಳಿಂದ ಕಳೆದುಕೊಂಡ ರೋಹಿತ್, ತಮ್ಮ11 ನೇ ಟೆಸ್ಟ್ ಶತಕದಿಂದ ವಂಚಿತರಾದರು. 39ನೇ ಓವರ್‌ನಲ್ಲಿ ಎಡಗೈ ಸ್ಪಿನ್ನರ್ ಶರ್ಮಾ ಅವರನ್ನು ಕ್ಲೀನ್ ಬೌಲ್ಡ್ ಮಾಡಿದರು.
ಮೊದಲ ಇನ್ನಿಂಗ್ಸ್ನಲ್ಲಿ ಆರಂಭಿಕರಾಗಿ ಕಣಕ್ಕಿಳಿದಿದ್ದ ರೋಹಿತ್, ಯಶಸ್ವಿ ಜೈಸ್ವಾಲ್ ಅವರೊಂದಿಗೆ ಮತ್ತೊಂದು ಶತಕದ ಜೊತೆಯಾಟವನ್ನು ಹಂಚಿಕೊಂಡರು. ಬಳಿಕ ಮೊದಲ ದಿನದ ಮೊದಲ ಇನಿಂಗ್ಸ್‌ನಲ್ಲಿ 80 ರನ್ ಬಾರಿಸಿದ ರೋಹಿತ್, ಎಂಎಸ್ ಧೋನಿ ಮತ್ತು ವೀರೇಂದ್ರ ಸೆಹ್ವಾಗ್ರನ್ನು ಹಿಂದಿಕ್ಕಿದ್ದಾರೆ.
ವಿಂಡೀಸ್ ವಿರುದ್ಧದ ಎರಡು ಟೆಸ್ಟ್ ಪಂದ್ಯಗಳಲ್ಲಿ ಬಿಗ್ ಇನ್ನಿಂಗ್ಸ್ ಆಡಿದ ರೋಹಿತ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಕಲೆಹಾಕಿದ 5 ನೇ ಭಾರತೀಯ ಆಟಗಾರ ಎನಿಸಿಕೊಂಡಿದ್ದಾರೆ. ರೋಹಿತ್ ಖಾತೆಯಲ್ಲಿ ಪ್ರಸ್ತುತ 17298 ರನ್‌ಗಳಿದ್ದು, ಕ್ರಮವಾಗಿ 17266 ಮತ್ತು 17253 ರನ್ ಬಾರಿಸಿರುವ ಧೋನಿ ಮತ್ತು ಸೆಹ್ವಾಗ್ ಅವರನ್ನು ಮೀರಿಸಿದ್ದಾರೆ. ಇನ್ನು ಭಾರತದ ಪರ ಅತಿ ಹೆಚ್ಚು ರನ್ ಕಲೆಹಾಕಿದ ಟಾಪ್ 5 ಬ್ಯಾಟರ್ಗಳನ್ನು ನೋಡುವುದಾದರೆ..
ಸಚಿನ್ ತೆಂಡೂಲ್ಕರ್: 34357 ರನ್
ವಿರಾಟ್ ಕೊಹ್ಲಿ: 25461 ರನ್
ರಾಹುಲ್ ದ್ರಾವಿಡ್: 24208 ರನ್
ಸೌರವ್ ಗಂಗೂಲಿ: 28575 ರನ್
ರೋಹಿತ್ ಶರ್ಮಾ: 17298 ರನ್